Իրանն ու Ադրբեջանը համատեղ զորավարժություններ են անցկացնում Արցախում, հաղորդում է իրանական Tasnim գործակալությունը։

Հայաստանի ժուռնալիստների միությունը դատապարտել է լրագրող Անուշ Միրզոյանի դեմ քրեական հետապնդումը։ Միրզոյանի վերաբերյալ հանրային քրեական հետապնդումը հարուցվել էր 4 տարվա վաղեմության «Սյունյաց ողջույնի» գործով: Նրան առաջադրվել էր զանգվածային անկարգություններին օժանդակման մեղադրանք, երբ լրագրողն ընդամենը ներկայացրել էր այդ օրվա իրադարձությունների ողջ ընթացքը:

«Շանթ Դաշինք» կուսակցությունը հեռացրել է իր շարքերից Սամվել Լալայանին։ Լալայանը 2021-ին կուսակցության ընտրացուցակով ընտրվել էր Սյունիքի Տաթև համայնքի ղեկավար։

Մինչ ադրբեջանական զորքերը երթով շարժվում էին Մոսկվայի Կարմիր հրապարակում, և Հայաստանի վարչապետն ու Ռուսաստանի նախագահը դիտում էին ամբիոնից, Ստեփանակերտում քանդեցին մարշալ Բաղրամյանի հուշարձանը։ Մինչև արմատը՝ առանց հետք թողնելու։ Մինչ այդ նրանք պղծել էին արձանը՝ կոտրելով քիթը և ոչնչացնելով հայերեն արձանագրությունները։ Այս մասին իր ֆեյսբուքյան էջում գրել է «Արցախի մշակույթի և զբոսաշրջության զարգացման գործակալություն» ՀԿ նախագահ Սերգեյ Շահվերդյանը։

Արմավիրի մարզի Փարաքար համայնքի Մերձավան գյուղի և Արարատի մարզի Մխչյան գյուղի դպրոցները կլինեն հատուկ մշտադիտարկման ներքո։ Այս մասին հայտնում է ՀՀ կրթության, գիտության, մշակույթի և սպորտի նախարարությունը։

«Զինված ուժերի համալրման և մեր ունեցած ներուժի արդյունավետ իրացման տեսանկյունից, ոչ թե բանակից ազատվելը կամ կրճատելը պետք է գումարով դարձնել, այլ հնարավոր է օգտվել նույնիսկ եղած օրենսդրական հնարավորությունից` 1-2 փոփոխություններով»,- նշել է ԱԺ պատգամավոր «Պատիվ ունեմ» խմբակցության պատգամավոր Տիգրան Աբրահամյանը։

Ֆրանսաբնակ հայազգի բանաստեղծ Կարեն Խուրշուդյանը երկրի նախագահ Էմանուել Մակրոնի որոշմամբ արժանացել է Ֆրանսիայի «Ազգային արժանիքի շքանշանի ասպետ» պարգևին։

Արցախի նախկին պետնախարար, գործարար և բարերար Ռուբեն Վարդանյանը պապիկ է դարձել, բայց մինչև հիմա թոռնուհուն տեսնելու հնարավորություն չի ունեցել։ GBnews հետ հարցազրույցում այս մասին ասել է նրա որդին՝ Դավիթ Վարդանյանը։

Մայիսի 17-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը, Ռուսաստանի և Նոր Նախիջևանի հայոց թեմի հրավերով, եկեղեցականաց շքախմբի ուղեկցությամբ մեկնեց Մինսկ (Բելառուսի Հանրապետություն), ուր մայիսի 18-ին կհանդիսապետի Բելառուսում կառուցված առաջին հայկական եկեղեցու օծման արարողությունը։ News.am