«Սև հովազ» ռազմահայրենասիրական հ/կ ղեկավար Սերոբ Գասպարյանի և այլ անձանց կողմից իշխանությունը յուրացնելու նախապատրաստություն կատարելու վերաբերյալ քրեական վարույթի նախաքննությունն ավարտվել է և ուղարկվել դատարան, հայտնել է ՔԿ-ն։

«Երկրորդ ընթերցման ժամանակ կառավարության կողմից եղել են մի քանի առաջարկներ, որոնք բովանդակային չեն, տեխնիկական որոշակի փոփոխություններ են»,-ԱԺ պետաիրավական հանձնաժողովի նիստի ժամանակ ասաց «Քաղաքացիական պայմանագիր» խմբակցության պատգամավոր Սիսակ Գաբրիելյանը՝ ներկայացնելով ՀՀ պետական օրհներգի փոփոխության նախագիծը։

Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոն այս շաբաթ կայցելի Թուրքիա, հայտնել է ՌԴ ԱԳ նախարար Սերգեյ Լավրովը, փոխանցել է «ՌԻԱ Նովոստին»։

ԱՄՆ դաշնային դատարանը նախագահ Դոնալդ Թրամփի վարչակազմին մոտ երկու օր է տվել միջազգային օգնության ֆինանսավորումը վերսկսելու համար՝ մեղադրելով նրան միջոցները ապասառեցնելու վերաբերյալ նախկին որոշումը չկատարելու մեջ: Այս մասին հայտնում է ՌԻԱ Նովոստին` հղում անելով «Associated Press»-ին։

Կարմիր խաչի միջազգային կազմակերպության աշխատակիցները փետրվարին այցելել են Բաքվում ապօրինի պահվող հայերին։ Այս մասին Sputnik Արմենիայի հետ զրույցում ասաց Կարմիր խաչի միջազգային կազմակերպության պատվիրակության հաղորդակցման ծրագրերի ղեկավար Զառա Ամատունին։

2025 թ. ապրիլի 14-ից մինչև հուլիսի 31-ը ներառյալ Հայաստանում կանցկացվի ամառային զորակոչ։ Այդ մասին տեղեկանում ենք e-draft իրավական ակտերի նախագծերի հրապարակման միասնական կայքից։

«Հրապարակ» թերթը գրում է. «Իշխանականները բյուջեից հսկայական միջոցներ են վատնում իրենց վոյաժների, պարգևավճարների, իրենց հաճույքների համար, փոխարենը՝ պաշտոնական միջոցառումների վրա փող են խնայում, զլանում են նորմալ կազմակերպել։ Երեկ Հայաստան-ԵՄ խորհրդարանական գործընկերության կոմիտեի 4-րդ նիստին այնքան վատ թարգմանիչ էր հրավիրվել, որ տպավորություն էր, թե ՔՊ-ականները նրան ընտրել էին իրենց ճաշակով, որ իրենց համար հաճելի լեքսիկոնով թարգմանի եվրոպացի հյուրերի ելույթներն ու ասելիքը։

Հայաստանի իշխանությունը չի ուսումնասիրել երկրի սահմանների մոտ բռնկված հրդեհների ու Ադրբեջանի կողմից կիրառված ֆոսֆորային զենքի ազդեցության պատճառահետևանքային կապը։ Տեղեկությունը հայտնում է ՀՀ շրջակա միջավայրի նախարարությունը` պատասխանելով Sputnik Արմենիայի գրավոր հարցմանը։

Հայ ժողովրդի մեջ պետք է հաստատուն պահել դարերով նվիրագործված արժեհամակարգի, հայրենիքի, Հայոց եկեղեցու, մեր սրբությունների, մեր պատմական անցյալի վերաբերյալ ճիշտ ընկալումները։ Այդ մասին այսօր Մայր տաճարում Սուրբ Ղևոնդյանց քահանաների հիշատակին մատուցված Սուրբ պատարագի ժամանակ հայտարարեց Ամենայն հայոց կաթողիկոս Գարեգին 2–րդը։