Հիմք ընդունելով Ազգային ժողովում Հայաստանի վարչապետ Նիկոլ Փաշինյանի հայտարարությունը՝ ԱԱԾ տնօրեն Արմեն Աբազյանին տեղեկություն եմ ներկայացրել հնարավոր հանցագործության մասին։ Այս մասին փետրվարի 13-ին Ազգային ժողովում ավանդական ճեպազրույցների ժամանակ հայտնել է ընդդիմադիր «Հայաստան» խմվակցության պատգամավոր, ՀՅԴ անդամ Գեղամ Մանուկյանը։

Ադրբեջանը Հաագայի մշտական ​​արբիտրաժային դատարան հայց է ներկայացրել Հայաստանի դեմ՝ փոխհատուցում պահանջելով շրջակա միջավայրին հասցված վնասի և Լեռնային Ղարաբաղի եզակի բնության իբր ոչնչացման համար։ Այս մասին հայտնում է Ադրբեջանի ԱԳՆ-ն։

ՀՀ–ն և ԱՄԷ–ն փոխադարձ կճանաչեն միմյանց վարորդական իրավունքները։ ՀՀ և Արաբական Միացյալ Էմիրությունների ներքին գործերի նախարարությունների կողմից տրամադրվող վարորդական վկայականների փոխադարձ ճանաչման և փոխանակման մասին փոխըմբռնման հուշագրի ստորագրման առաջարկությունը հավանության արժանացավ ՀՀ կառավարության այսօրվա նիստի ժամանակ։

Հայաստան է ժամանել Եվրամիության առաջին փորձագիտական առաքելությունը՝ քննարկելու վիզաների ազատականացումը: Այս մասին հայտնում է Armenian Business Portal տելեգրամյան ալիքը։

Մեր երկրում կա սոցիալական լուրջ դժգոհությունների ալիք, և այն պահանջում է համարժեք արձագանք։ Եթե չլինի համարժեք արձագանք, պրոցեսը կարող է տանել ներքին լուրջ անկայունության։ Այս մասին ասել է ԲՀԿ առաջնորդ, գործարար Գագիկ Ծառուկյանը` հարցազրույց տալով Hayastan.news-ին։ Նա խոսել է շրջհարկի, գույքահարկի, աղբահանության վճարի բարձրացման և բողոքի ալիք ծնող այլ սոցիալական խնդիրների մասին։

Արցախի նախագահը հրամանագիր է ստորագրել՝ Արցախի ԱԺ լիազորությունները երկարաձգելու մասին, հայտնում է «Հրապարակը»։

ԱՄՆ հետախուզական ծառայությունները եկել են այն եզրակացության, որ Իսրայելը դիտարկում է այս տարի Իրանի միջուկային օբյեկտներին լայնածավալ հարված հասցնելու հնարավորությունը՝ փորձելով օգտվել Թեհրանի թուլացումից: Այս մասին հայտնել է The Wall Street Journal թերթը՝ հղում կատարելով աղբյուրներին։

Մահացել է ԱԱԾ գեներալ–մայոր Տիգրան Բարսեղյանը։ Այս մասին հայտնում է armlur.am կայքը։

ԱԺ նախկին փոխխոսնակ, ՀՀԿ գործադիր մարմնի անդամ Էդուարդ Շարմազանովը ՀՀԿ-ի անունից պահանջում է, որ ՀՀ վարչապետ Նիկոլ Փաշինյանը հրապարակի ԵԱՀԿ Մինսկի խմբի առաջարկներն ու ՀՀ իշխանությունների պատասխանները։ Նա այդ մասին գրել է ֆեյսբուքյան էջում։