Մոսկվան կապի մեջ է Երևանի հետ, այդ թվում՝ կալանավորված գործարար Սամվել Կարապետյանի հարցով: Ինչպես տեղեկացնում է ՌԻԱ Նովոստին, այս մասին ասել է ՌԴ նախագահի մամուլի քարտուղար Դմիտրի Պեսկովը։

ԱՄՆ պետքարտուղար Մարկո Ռուբիոն Politico-ի հարցազրույցում հայտնել է, որ Միացյալ Նահանգներն առայժմ լրացուցիչ պատժամիջոցներ չի կիրառի Ռուսաստանի նկատմամբ և դեռևս ցանկանում է հնարավորություն ունենալ բանակցելու խաղաղության համաձայնագրի շուրջ։

Զոհվածի ծնող Արա Ռոստոմյանի տան և ավտոմեքենայի խուզարկությամբ անօրինական որևէ բան չհայտնաբերվեց։ Այս մասին գրել է փաստաբան Վահան Հովհաննիսյանը։

Իրանը Իսրայելի հետ հրադադարի մասին ոչ մի համաձայնագիր չի ստորագրել։ Այս հայտարարությունն արել է Իրանի Իսլամական Հանրապետության արտաքին գործերի նախարարի տեղակալ Սաիդ Խաթիբզադեն։

«Սրբազան շարժման» առաջնորդ Բագրատ սրբազանին բերման ենթարկեցին։ Sputnik Արմենիայի կադրերում երևում է, թե ինչպես է նա դիմակավորված անձանց ուղեկցությամբ դուրս գալիս իր կեցավայրից։  

Իրանի խորհրդարանը հաստատել է Ատոմային Էներգիայի միջազգային գործակալության (ՄԱԳԱՏԷ) հետ համագործակցությունը դադարեցնելու մասին օրինագիծը: Ինչպես տեղեկացնում է PressTV–ն, այս մասին հայտնել է Իսլամական խորհրդատվական վեհաժողովի նախագահության ներկայացուցիչ Ալիրեզա Սալիմին։

Բագրատ Սրբազանի տանը խուզարկությունը դեռ շարունակվում է։ Նա մի պահ դուրս եկավ պատշգամբ և երբ լրագրողները հեռվից խնդրեցին պարզաբանել, թե ինչ է կատարվում տան ներսում, նա հեգնանքով պատասխանեց. «Ահաբեկչություն ենք արել»։

ԱԱԾ-ն բերման է ենթարկել նաև Արցախի Հանրապետության ԱԺ պատգամավոր Դավիթ Գալստյանին։

«Երեկ թղթի կտոր հրապարակեցին («հեղաշրջման պլան»․ խմբ․) ու դրա շրջանակներում հանձնարարել են խուզարկություններ կատարել։ Եթե մի քանի օր առաջ մարդկանց տանում էին ոստիկանություն, հիմա արդեն ԱԱԾ են տանում»,- Բագրատ Սրբազանի կեցավայրի մոտ լրագրողների հետ զրույցում ասաց ԱԺ ընդդիմադիր պատգամավոր Գառնիկ Դանիելյանը՝ հավելելով, որ այլ տեղեկությոններ չունեն։