Երևանի ավագանու «Ազգային առաջընթաց» խմբակցության քարտուղար Իզաբելլա Աբգարյանն Alpha News-ի հետ զրույցում մեկնաբանել է քաղաքապետ Տիգրան Ավինյանի վերջին հայտարարությունը, թե տրանսպորտից օգտվելու համար քաղաքացիները այսուհետ ստիպված կլինեն վճարել 150 դրամ, նաև օգտվել փաթեթներից:

Փետրվարի 1-ից Երևանի հանրային տրանսպորտում հսկիչներ կլինեն: Այս մասին այսօր՝ հունվարի 29-ին, NEWS.am-ի հետ զրույցում ասաց Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանը՝ անդրադառնալով տրանսպորտի թանկացման դեմ սպասվելիք բոյկոտին:

Սիրիայի նոր վարչակազմի ղեկավար Ահմեդ ալ-Շարաան հռչակվել է Սիրիայի նախագահ՝ երկրում անցումային շրջանի ընթացքում: Այս մասին, ինչպես հաղորդում են սիրիական լրատվամիջոցները, հայտարարել է ռազմական գործողությունների հրամանատարության պաշտոնական ներկայացուցիչ Հասան Աբդ ալ Ղանին։

Դեպի Հայաստան դրամական փոխանցումները 2024 թվականի նոյեմբերին 2023 թվականի նոյեմբերի համեմատ նվազել են 21,7 %-ով: Հայաստանի վերաբերյալ իր ամենամսյա մակրոտնտեսական զեկույցում այս մասին նշել է Համաշխարհային բանկը։

Եվրոպական խորհրդարանի ձախերի խմբակցության անդամ, Իսպանիան ներկայացնող բասկ պատգամավոր Պեռնանդո Բառենա Արզան գրավոր հարցում է ներկայացրել Եվրոպական հանձնաժողովի փոխնախագահ, ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին և պատասխաններ պահանջել ԵՄ բարձրագույն դիվանագետից՝ բարձրացնելով Ադրբեջանում պահվող քաղաքական բանտարկյալների և հայ գերիների ճակատագրի հետ կապված լուրջ մտահոգություններ։

Երևանի ընդհանուր իրավասության դատարանը որոշեց փոխել Ստեփանակերտի նախկին քաղաքապետ Դավիթ Սարգսյանի և ավագանու անդամ Սամվել Մինասյանի նկատմամբ կիրառված խափանման միջոցները։

Ոչ թե պիտի բողոքարկենք, այլ չենք կարող չբողոքարկել. ցանկացած դեպքում էլ պիտի բողոքարկենք, որովհետև մենք, ըստ էության, մեծ հաշվով այսօրվա Հայաստանում առավելապաշտական ակնկալիքներ չունեինք: Այս մասին, այսօր՝ հունվարի 29-ին, դատարանի դիմաց լրագրողների հետ զրույցում նշեց Վանաձորի նախկին քաղաքապետ։ Մամիկոն Ասլանյանը, որին քիչ առաջ դատարանը դատապարտեց 4 տարի 4 ամիս ազատազրկման, որից 2 տարի 7 ամիսն նա արդեն անցկացրել է անազատության մեջ:

2025թ. հունվարի 20-22-ին հարցվածների միայն 5,6 տոկոսն է պատասխանել, որ Հայաստանի իշխանություններն անկասկած ամեն ինչ անում են Լեռնային Ղարաբաղի նախկին ռազմաքաղաքական ղեկավարությանը վերադարձնելու համար։ Այս մասին հունվարի 29-ին լրագրողների հետ հանդիպման ժամանակ ասել է «MPG» ընկերության տնօրեն, սոցիոլոգ Արամ Նավասարդյանը։

2025թ. հունվարի 20-22-ին հարցվածների 9,5 տոկոսը պատասխանել է, որ Հայաստանը ճիշտ ուղղությամբ է գնում, 14,7-ը՝ ավելի շուտ ճիշտ ուղղությամբ, 19,7-ը՝ ավելի շուտ ոչ ճիշտ, 38,8%-ը՝ սխալ ուղղությամբ։ Այս մասին հունվարի 29-ին լրագրողների հետ հանդիպմանն ասել է «MPG» ընկերության տնօրեն, սոցիոլոգ Արամ Նավասարդյանը։