Իսրայելի հանրային հեռարձակման կորպորացիան ներողություն է խնդրել «Եվրատեսիլ» երգի միջազգային մրցույթի երկրորդ կիսաեզրափակիչի ժամանակ Հայաստանի մասնակից Պարգի ելույթից հետո իրենց հեռուստամեկնաբանի հնչեցրած մեկնաբանության համար։ Տեղեկությունը հայտնում է Հայաստանի հանրային հեռուստաընկերությունը։
Հնդկաստանի ցամաքային ուժերը հայտնել են, որ Պակիստանի հետ հրադադարի ռեժիմը գործում է առանց ժամկետային սահմանափակման։ Այս մասին գրում է Hindustan Times-ը՝ վկայակոչելով ռազմական աղբյուրներին։
Մինսկի Սուրբ Գրիգոր Լուսավորիչ նորակառույց հայկական եկեղեցին այսօր օծվեց Ամենայն Հայոց Կաթողիկոս Գարեգին 2-րդի հանդիսապետությամբ։
Հայկական լեռնաշխարհի մշակութային ժառանգության օմբուդսմեն Հովիկ Ավանեսով հրպարակել է ինֆոգրաֆիկա՝ բռնազավթված Արցախում 2021–2024 թթ․ Ադրբեջանի կողմից հիմնովին ոչնչացված հայկական եկեղեցիների մասին:
Իրանն ու Ադրբեջանը համատեղ զորավարժություններ են անցկացնում Արցախում, հաղորդում է իրանական Tasnim գործակալությունը։
Հայաստանի ժուռնալիստների միությունը դատապարտել է լրագրող Անուշ Միրզոյանի դեմ քրեական հետապնդումը։ Միրզոյանի վերաբերյալ հանրային քրեական հետապնդումը հարուցվել էր 4 տարվա վաղեմության «Սյունյաց ողջույնի» գործով: Նրան առաջադրվել էր զանգվածային անկարգություններին օժանդակման մեղադրանք, երբ լրագրողն ընդամենը ներկայացրել էր այդ օրվա իրադարձությունների ողջ ընթացքը:
«Շանթ Դաշինք» կուսակցությունը հեռացրել է իր շարքերից Սամվել Լալայանին։ Լալայանը 2021-ին կուսակցության ընտրացուցակով ընտրվել էր Սյունիքի Տաթև համայնքի ղեկավար։
Մինչ ադրբեջանական զորքերը երթով շարժվում էին Մոսկվայի Կարմիր հրապարակում, և Հայաստանի վարչապետն ու Ռուսաստանի նախագահը դիտում էին ամբիոնից, Ստեփանակերտում քանդեցին մարշալ Բաղրամյանի հուշարձանը։ Մինչև արմատը՝ առանց հետք թողնելու։ Մինչ այդ նրանք պղծել էին արձանը՝ կոտրելով քիթը և ոչնչացնելով հայերեն արձանագրությունները։ Այս մասին իր ֆեյսբուքյան էջում գրել է «Արցախի մշակույթի և զբոսաշրջության զարգացման գործակալություն» ՀԿ նախագահ Սերգեյ Շահվերդյանը։
Արմավիրի մարզի Փարաքար համայնքի Մերձավան գյուղի և Արարատի մարզի Մխչյան գյուղի դպրոցները կլինեն հատուկ մշտադիտարկման ներքո։ Այս մասին հայտնում է ՀՀ կրթության, գիտության, մշակույթի և սպորտի նախարարությունը։
«Զինված ուժերի համալրման և մեր ունեցած ներուժի արդյունավետ իրացման տեսանկյունից, ոչ թե բանակից ազատվելը կամ կրճատելը պետք է գումարով դարձնել, այլ հնարավոր է օգտվել նույնիսկ եղած օրենսդրական հնարավորությունից` 1-2 փոփոխություններով»,- նշել է ԱԺ պատգամավոր «Պատիվ ունեմ» խմբակցության պատգամավոր Տիգրան Աբրահամյանը։