Ֆրանսիայի նախագահ Էմանուել Մակրոնը վարչապետի պաշտոնում նշանակել է փորձառու քաղաքական գործիչ, բազմաթիվ պատմական գրքերի հեղինակ Ֆրանսուա Բայրուին։ Բայրուն Մակրոնի կողմնակից է և կենտրոնամետ «Ժողովրդավարական շարժում» կուսակցության առաջնորդ:

Եվրասիական տնտեսական միության երկրների ընդհանուր ՀՆԱ-ն այս տարվա առաջին երեք եռամսյակում աճել է ավելի քան 4,5%-ով։ Այս մասին հայտարարել է ՌԴ վարչապետ Միխայիլ Միշուստինը Եվրասիական միջկառավարական խորհրդի նիստի բացման ժամանակ։

Տրանսպորտային և լոգիստիկ ներուժի զարգացումը ԵԱՏՄ շրջանակներում առանցքային նշանակություն ունի Հայաստանի համար։ Այս մասին Եվրասիական միջկառավարական խորհրդի նիստում հայտարարեց Հայաստանի վարչապետ Նիկոլ Փաշինյանը։

Ես մեծ կարևորություն եմ տալիս ցեղասպանության համար քրեական պատասխանատվությանը և այստեղ նպատակը ավելի շատ անելն է ցեղասպանությունը վերապրած մարդկանց համար, նրանց համար լավ պայմաններ ստեղծելը, նրանց ռեհաբիլիտացիայի համար: Այս մասին, այսօր՝ դեկտեմբերի 13-ին Երևանում ընթացող «Ընդդեմ Ցեղասպանության հանցագործության» գլոբալ ֆորումի ժամանակ նշեց Վորչեսթերի պետական համալսարանի գիտական գծով փոխնախագահ, փիլիսոփայության ֆակուլտետի ամբիոնի վարիչ Հենրի Թերիոն:  

Ես այնքան միամիտ չեմ լինի, որ ակնկալեմ, որ այս բարդ կոնֆլիկտային իրավիճակներում միջազգային դատարանի որոշումները, ներառյալ ICJ-ը կամ ՄԻԵԴ-ը, միանշանակ կտրուկ փոփոխությունների կարող են բերել: Այս մասին, այսօր՝ դեկտեմբերի 13-ին Երևանում ընթացող «Ընդդեմ Ցեղասպանության հանցագործության» գլոբալ ֆորումի ժամանակ նշեց Միջազգային իրավական հարցերով ներկայացուցիչ Եղիշե Կիրակոսյանը:

Երեկ Առողջապահական և աշխատանքի տեսչական մարմնից ստացվել է «Արթկոսմեդ» էսթետիկ վիրաբուժության կենտրոնի գործունեության կասեցման միջնորդությունը։ Այս մասին Ծաղկաձորում լրագրողների հետ արտագնա հանդիպման ժամանակ ասաց ՀՀ առողջապահության նախարար Անահիտ Ավանեսյանը։

Հայաստանի վարչապետ Նիկոլ Փաշինյանին սպասում են Սանկտ Պետերբուրգում ԱՊՀ երկրների ղեկավարների հանդիպմանը։ Այս մասին ասել է ՌԴ նախագահի մամուլի քարտուղար Դմիտրի Պեսկովը:

Նորագավիթից բռնած մինչև Արտաշատ թող գնան գյուղացուն ասեն՝ ինչի ես դու միսը դրել այստեղ ծախում, դե թող գնան այնտեղից բերեն, կոկորդները կկտրեն, խելոք ժողովուրդ են գտել: Այս մասին լրագրողների հետ զրույցում նշեց Գոմի շուկայի մոտ գործունեություն ծավալող մսավաճառներից մեկը՝ անդրադառնալով նրան, որ ՍԱՏՄ աշխատակիցները ոստիկանների ուղեկցությամբ առավոտյան եկել են և առգրավել իրենց միսը՝ պատճառաբանելով, որ չկա սպանդանոցային մորթի մասին փաստաթուղթը:  

Վաշինգտոնն ու Անկարան «լայն համաձայնության» են հասել Սիրիայի կարգավորման հարցում։ Այս մասին հայտարարել է ԱՄՆ պետքարտուղար Էնթոնի Բլինկենը, գրում է ՌԻԱ Նովոստին։