«Պաշտպանության նախարարը թուրքական պատվիրակությանը տեղեկացրել է ադրբեջանա-հայկական պայմանական սահմանի ընթացիկ վիճակի մասին», տեղեկացնում են ադրբեջանական լրատվամիջոցները՝ հղում կատարելով Ադրբեջանի ՊՆ մամուլի հաղորդագրությանը։
Ամուլսարի ղեկավարների և հայաստանյան բանկերի միջև բանակցություններ են ընթանում, և եթե դրանք հաջողությամբ ավարտվեն, ապա բանկերը կֆինանսավորեն հանք շահագործողներին։ ՀՀ կառավարության նիստից հետո ճեպազրույցի ժամանակ այս մասին ասաց էկոնոմիկայի նախարար Գևորգ Պապոյանը։
Կառավարությունը կփոխհատուցի մինչև 2023 թվականի սեպտեմբերի 19-ն արհեստագործական և միջին մասնագիտական ուսումնական հաստատություններում վճարովի կրթական ծրագրերում ընդգրկված ուսանողների, ինչպես նաև 2024-2025 ուստարվա առաջին կուրսի ուսանողների ուսման վարձը, որոնց ընտանիքները բռնի տեղահանվել էին 2023 թվականի սեպտեմբերին՝ Ադրբեջանի հարձակումից հետո։ Այս որոշումը կառավարությունը կայացրել է դեկտեմբերի 12-ին կայացած նիստում։
Շիրակի մարզպետ Մուշեղ Մուրադյանը պաշտոնից ազատման դիմում է ներկայացրել: Այդ մասին հայտարարվեց ՀՀ կառավարության նիստի ժամանակ։
Հայկական կողմը դրական է գնահատում ԱՊՀ շրջանակներում փոխշահավետ համագործակցության ներուժի ընդլայնմանն ուղղված ռուսական կողմի կառուցողական ջանքերը։ Այս մասին ԱՊՀ կառավարությունների ղեկավարների խորհրդի նիստում ասել է ՀՀ փոխվարչապետ Մհեր Գրիգորյանը։
Բաքվում պահանջում են դադարեցնել ԵՄ առաքելության գործունեությունը Հայաստանում։ «Ցանկացած երրորդ երկրի ուժերի տեղակայումը Հայաստանի տարածքում մտահոգություն է առաջացնում»,- լրագրողներին ասել է Ադրբեջանի նախագահի օգնական-վարչակազմի արտաքին քաղաքականության հարցերի բաժնի վարիչ Հիքմեթ Հաջիևը։
Դեկտեմբերի 11-ին Երևանում աշխատանքն է սկսել ՍԾՏՀ ԽՎ գլխավոր վեհաժողովի 64-րդ լիագումար նիստը: Այս մասին NEWS.am-ին հայտնում են ՀՀ ԱԺ-ից։
Հայաստանի սահմանամերձ գյուղերում տների կառուցման արտոնությունները կվերականգնվեն: Այդ մասին որոշումն այսօր ընդունվեց ՀՀ կառավարության նիստի ժամանակ։
Արցախյան 44-օրյա պատերազմի հետևանքով քաղաքացիական անձանց շրջանում անհետ կորածների ընտանիքներին սոցիալական աջակցության միջոցառումը երկարաձգվեց ևս 2 ամսով։ Որոշումը կայացվեց կառավարության այսօրվա նիստում։
Այսօր այս ֆորումը խիստ կարևոր է, երբ աշխարհի մի շարք տարածաշրջաններում կատարվում են հանցագործություններ՝ ընդհուպ մինչև ցեղասպանություն։ Այս մասին նշվել է ՄԱԿ մարդու իրավունքների գերագույն հանձնակատար Ֆոլքեր Թյուրքի ուղերձում «Ցեղասպանության հանցագործության դեմ» 5-րդ գլոբալ ֆորումի մասնակիցներին, որն անցկացվում է Երևանում։