ԱՄՆ պաշտպանության նախարար Լլոյդ Օսթինը և նրա թուրք գործընկեր Յաշար Գյուլերը կիրակի հեռախոսազրույցի ընթացքում նշել են Սիրիայում հետագա թեժացումից, ինչպես նաև ԱՄՆ ուժերի և նրանց գործընկերների համար վտանգից խուսափելու անհրաժեշտությունը։ Այս մասին նշվել է Պենտագոնի մամուլի քարտուղար Պատրիկ Ռայդերի հայտարարությունում։
Վաշինգտոնը դիտարկում է «Հայաթ Թահրիր աշ-Շամի» բացառումն ահաբեկչական կազմակերպությունների ցուցակից։ Այս մասին տեղեկացրել է ամերիկացի պաշտոնյան հատուկ ճեպազրույցում։
Մերձավոր Արևելքի տարածաշրջանը ավելի ու ավելի է ցնցվում, և ներկայիս ճգնաժամերի ֆոնին Հավաքական անվտանգության պայմանագրի կազմակերպությունը պետք է ավելացնի իր ներուժը: Այս մասին հայտարարել է ՀԱՊԿ-ում ՌԴ մշտական ներկայացուցիչ Վիկտոր Վասիլևը «Союзники. ОДКБ»–ի հետ զրույցում։
Իսրայելի ցամաքային ուժերը 1973 թվականից ի վեր առաջին անգամ բացահայտորեն ներխուժել են Սիրիայի տարածք՝ հատելով ապառազմականացված սահմանային գոտին, գրում է The New York Times-ը՝ վկայակոչելով երկու պաշտոնյաների։
Նոր առևտրային երթուղու գործարկման շուրջ Հայաստանի, Իրանի և Հնդկաստանի մասնակցությամբ սեպտեմբերին նախատեսված եռակողմ հանդիպումը չի կայացել: Այս մասին Sputnik Արմենիայի հարցմանն ի պատասխան հայտնեցին ՀՀ էկոնոմիկայի նախարարությունից։
Ուկրաինայի Զինված ուժերը ռուսական լայնամասշտաբ ներխուժման սկզբից ի վեր կորցրել են 43 հազար զինվորական, հայտարարել է նախագահ Վլադիմիր Զելենսկին։
Աշխարհում միայն երկու առաջնորդ է մնացել՝ ես և Պուտինը, Գազիանթեփում երիտասարդների հետ հանդիպման ժամանակ ասել է Թուրքիայի նախագահ Ռեջեփ Թայիփ Էրդողանը, գրում է Hyurriyet-ը։
Սույն թվականի դեկտեմբերի 9-ին` տեղական ժամանակով ժամը 00:15-ին (Գրինվիչի ժամանակով դեկտեմբերի 8-ին` ժամը 20։15-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40․07⁰ և արևելյան երկայնության 44.80⁰ աշխարհագրական կոորդինատներով Հայաստանի Գառնի գյուղից 9 կմ հարավ-արևելք, օջախի 10 կմ խորությամբ 1.9 մագնիտուդով երկրաշարժ: Հայտնում են ՀՀ ՆԳՆ փրկարար ծառայությունից:
Սիրիայի պաշտոնաթող նախագահ Բաշար ալ-Ասադը և նրա ընտանիքի անդամները ժամանել են Մոսկվա, ՌԻԱ Նովոստին հայտնել է Կրեմլի աղբյուրը։
Դամասկոսում գործող հայկական «Ավետիս Ահարոնյան» կենտրոնի վարչությունը տեղի հայ համայնքին կոչ է արել զգոնություն ցուցաբերել և մնալ բնակարաններում: «Ավետիս Ահարոնյան» կենտրոնի վարչությունը ֆեյսբուքյան իր էջում տարածած հայտարարության մեջ հաշվի առնելով Սիրիայում ստեղծված ներկա իրավիճակը՝ նաև հորդորել է Դամասկոսի հայությանը զուսպ մնալ արտահայտությունների մեջ և խուճապի չմատնվել: