ՀՀ վարչապետ Նիկոլ Փաշինյանի որոշումներով չորս կառույցների ղեկավարների և տեղակալների ժամանակավոր պաշտոնակատարներ ազատվել են իրենց պաշտոններից։

Ադրբեջանի արտաքին գործերի նախարար Ջեյհուն Բայրամովը ԵԱՀԿ արտգործնախարարների խորհրդի նիստում ելույթ է ունեցել և հայտարարել, որ հայ-ադրբեջանական հարաբերությունները զգալի առաջընթաց են գրանցել՝ չնայած այն հանգամանքին, որ կազմակերպությունը, նրա խոսքով, դարձել է «վնասակար հավակնությունների պատանդ», հայտնում են ադրբեջանական լրատվամիջոցները:

Սիրիական պետական հեռուստահաղորդակցության ընկերությունը դադարեցրել է բաժանորդների սպասարկումը Հալեպ նահանգում: Այս մասին հայտնում է սիրիական ՍԱՆԱ պետական գործակալությունը՝ հղում անելով ընկերությանը։

Ադրբեջանի իշխանությունների անմիջական հովանավորությամբ գործող «Արևմտյան Ադրբեջան» համայնքը դեկտեմբերի 5-ին Բաքվում կազմակերպել է հակահայկական հերթական համաժողովը, որին մասնակցում են Ադրբեջանում հավատարմագրված ավելի քան 25 դիվանագիտական ներկայացուցչություններ, 100-ից ավելի ներկայացուցիչներ տարբեր երկրներից, այդ թվում՝ Թուրքիայից, ԱՄՆ-ից, Մեծ Բրիտանիայից, Գերմանիայից, Իտալիայից, Բելգիայից, Ֆրանսիայից։ Հյուրերի թվում է Թուրքիայի ԱԳ նախկին նախարար Մևլյութ Չավուշօղլուն։ «Արմենպրես»-ի հաղորդմամբ՝ այս մասին ասվում է «Գեղարդ» գիտավերլուծական հիմնադրամի հոդվածում։

Հայկական կողմը համաձայնություն տվել է, որ Մալթայում Հայաստանի և Ադրբեջանի արտգործնախարարների հանդիպում անցկացվի։ Sputnik Արմենիային այս մասին ասաց ԱԳՆ մամուլի խոսնակ Անի Բադալյանը։

Առանց արդյունավետ պետական ​​ապարատի անհնար է արդյունավետ արդյունաբերական քաղաքականություն վարել։ Դրա մասին «ԱՐԱՐ» հիմնադրամի հիմնադրման 10-ամյակին նվիրված համաժողովի ժամանակ հայտարարել է Հայաստանի նախկին փոխվարչապետ Վաչե Գաբրիելյանը։

ՏՏ ոլորտի 40 հազար աշխատակիցներից միայն 2500-ն է ընդգրկված ռազմարդյունաբերական համալիրում։ Դրա մասին «ԱՐԱՐ» հիմնադրամի ստեղծման 10-ամյակին նվիրված համաժողովի ժամանակ հայտարարել է «Krisp» ընկերությունների համահիմնադիր Արտավազդ Մինասյանը։

Նպատակասլաց ընկերություններն այսօր շատ ավելի արդյունավետ արդյունքների են հասնում՝ դրա վրա ավելի քիչ ռեսուրսներ ծախսելով, քանի որ այս դեպքում աշխատանքի արտադրողականությունը մեծանում է։ Նույնը վերաբերում է հասարակությանը. եթե հաջողվում է հասարակությունը համախմբող գաղափարախոսություն ներդնել, պետությունն ավելի քիչ ռեսուրսներ է ծախսում նպատակին հասնելու համար։ Դրա մասին «ԱՐԱՐ» հիմնադրամի ստեղծման 10-ամյակին նվիրված համաժողովի ժամանակ նշել է Հայաստանի ֆինանսների նախկին նախարար Վարդան Արամյանը։

Ֆրանսիայի նախագահ Էմանուել Մակրոնը երկրի խորհրդարանում անվստահության պատմական քվեով Միշել Բարնիեի կառավարության տապալումից հետո հինգշաբթի սկսել է նոր վարչապետի որոնումները՝ կանխելու համար Ֆրանսիայում քաղաքական ցնցումների խորացումը, գրում է France 24-ը։