Թուրքիան հավանություն չի տալիս և ճիշտ չի համարում Ուկրաինային ԱՄՆ տված թույլտվությունը ՌԴ տարածքի դեմ տակտիկական հրթիռային համալիրներ օգտագործելու հարցում։ Այս մասին հայտնել է Թուրքիայի նախագահ Ռեջեփ Թայիփ Էրդողանը, տեղեկացրել են տեղի լրատվամիջոցները։

Բաքուն խեղաթյուրում է Միջազգային էներգետիկ խարտիայի դրույթներն ու նպատակները՝ մեղադրելով Երևանին «Ադրբեջանի էներգետիկ ռեսուրսները» ապօրինի շահագործելու մեջ։ Sputnik Արմենիային այս մասին հայտնեցին միջազգային իրավական հարցերով Հայաստանի ներկայացուցչի գրասենյակից՝ մեկնաբանելով Ադրբեջանի հայցը։

ՀՀ նախագահի հրամանագրով, Արփինե Սարգսյանը նշանակվել է ներքին գործերի նախարար:

Ադրբեջանը Հաագայի մշտական արբիտրաժային դատարան հայց է ներկայացրել Հայաստանի դեմ՝ մեղադրելով էներգետիկ ռեսուրսների նկատմամբ Բաքվի «ինքնիշխան իրավունքները» խախտելու մեջ:

Փորձագետ` Ահմեդ Ալիլին, սերտորեն համագործակցում է Ադրբեջանի նախագահի աշխատակազմի հետ։ Նա հարցազրույցա տվել, որում ուղղակի խոստովանում է, որ Ադրբեջանը նպատակ ունի առաջիկայում նոր ագրեսիվ քայլեր ձեռնարկել Հայաստանի դեմ, անգամ ուղղություններն է ասում: Նա նշում է, որ Հայաստանի չմասնակցելը COP29֊ին Ադրբեջանի կողմից հետագա ագրեսիվ քայլերի ձեռնարկման պատճառներից մեկն է։

Հայաստանի վարչապետ Նիկոլ Փաշինյանի որոշմամբ Արթուր Դալիբալթյանը կնշանակվի Լիբանանում Հայաստանի ռազմական կցորդ՝ 3 տարի ժամկետով։

Դավիթ Խուդաթյանը, որ ներկայումս Արմավիրի մարզպետն է, կնշանակվի տարածքային կառավարման և ենթակառուցվածքների նախարար։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը:

Կիևում ԱՄՆ դեսպանությունը կոնկրետ տեղեկություն է ստացել պոտենցիալ օդային գրոհի մասին նոյեմբերի 20-ին։

Ուկրաինայի նախագահ Վլադիմիր Զելենսկին Fox News ամերիկյան հեռուստաալիքի հարցազրույցում ասել է, որ եթե ԱՄՆ-ը նոր նախագահ Դոնալդ Թրամփի օրոք որոշի կրճատել ռազմական օգնությունն Ուկրաինային, ապա երկիրը, հավանաբար, կպարտվի պատերազմում։