Ֆրանսիան և Մեծ Բրիտանիան նույնպես թույատրել են Ուկրաինային հարվածներ հասցնել Ռուսաստանի խորքերը, գրում է ֆրանսիական Le Figaro հրատարակությունը։

Հայ վարորդները փակել են Իրանի հետ երթևեկությունը «Ագարակ» անցակետում։ Sputnik Արմենիայի տեղեկություններով՝ նրանք վրդովված են դիզվառելիքի գների կտրուկ բարձրացման մասին ԻԻՀ իշխանությունների որոշումից, որը վարորդները պարտավոր են գնել Հայաստան վերադառնալիս:

Կառավարության խոսափող համարվող ադրբեջանական լրատվական կայքը պնդում է, որ Բաքվի COP29 կլիմայի համաժողովին Իսրայելի նախագահ Իցխակ Հերցոգի այցելությունը չեղարկելու իրական պատճառը Հերցոգի ինքնաթիռն իր օդային տարածքով թռչելու թույլտվությունից Թուրքիայի զրկելն է:

Երևանում նոյեմբերի 17-ին կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան: Այս մասին հայտնում են «Ազնավուր» հիմնադրամից՝ մանրամասնելով, որ ֆիլմի պրեմիերային մասնակցելու նպատակով Հայաստան է ժամանել գլխավոր դերակատար Թահար Ռահիմը։

Հնդկաստանը հաջողությամբ փորձարկել է սեփական արտադրության առաջին մեծ հեռահարության հիպերձայնային հրթիռը։ Տեղեկությունը հայտնում է երկրի պաշտպանության նախարարությունը:

Իսրայելական ուժերը առնվազն 27 ավիահարված են հասցրել Լիբանանում քաղաքացիական և կրոնական օբյեկտների ուղղությամբ, հայտնում է Al Jazeera-ն՝ հաշվելով լիբանանյան լրատվամիջոցների հաղորդագրությունները։

«Հին, նոր, մոռացված աստվածները թող պահապան լինեն մեծ ու փոքր ժողովուրդներին, քանի որ մարդկության ստեղծած միջազգային կառույցները ցավալիորեն չաշխատեցին»,-ՄԱԿ-ի հայաստանյան գրասենյակի դիմաց ընթացող բողոքի ակցայի ընթացքում հայտարարեց իրավապաշտպան Նինա Կարապետյանցը։

Երկարատև հիվանդությունից հետո 85 տարեկանում կյանքից հեռացել է ՌԽՖՍՀ վաստակոր արտիստուհի Սվետլանա Սվետլիչնայան։ Ռիա Նովոստիին ասել է Ռուսաստանի կինեմատոգրաֆիստների միության դերասանների գիլդիայի տնօրեն Վալերիա Գուշչինան։

Աբխազիայի նախագահ Ասլան Բժանիան խոստացել է հրաժարական տալ, երբ ցուցարարները լքեն Սուխումի խորհրդարանի շենքը։ Նա չի ստորագրել ռուսական ներդրումային նախագծերի մասին համաձայնագիրը խորհրդարանից հետ կանչելու մասին փաստաթուղթը, որը բողոքի ցույցերի պատճառ է դարձել։ Տեղեկությունը հայտնում է Sputnik Աբխազիան։