Արգենտինան հրաժարվել է մասնակցել Բաքվում ընթացող COP–29 կլիմայական գագաթնաժողովին։ Այս մասին հայտարարել է Շրջակա միջավայրի հարցերով ազգային վարչության ղեկավար Անա Լամասը: Տեղեկությունը հայտնում է ՌԻԱ Նովոստին՝ հղում անելով արտասահմանյան լրատվամիջոցներին։

Ֆրանսիայի բնապահպանության նախարարը չորեքշաբթի դուրս է եկել Ադրբեջանում անցկացվելիք COP29 կլիմայի շուրջ բանակցություններից, երբ այդ երկրի ավտորիտար առաջնորդը երկու երկրների միջև վերջին դիվանագիտական ​​վեճի ժամանակ Ֆրանսիային մեղադրել է Նոր Կալեդոնիայում գաղութատիրական «հանցագործությունների» մեջ, հաղորդում է Ֆրանսպրես գործակալությունը:

Ֆրանսիական Նիցայի քաղաքապետ Քրիստիան Էստրոզին X-ի էջում դատապարտել է Շառլ Միշելի մասնակցությունը COP29-ին և շնորհավորական խոսքերը Ադրբեջանի նախագահ Ալիևին, քաղաքապետը պահանջել Միշելի հրաժարականը:

2024 թ.–ի հոկտեմբերին ՀՀ այցելած զբոսաշրջիկների թիվը նախորդ տարվա նույն ժամանակահատվածի համեմատ ավելացել է 8414–ով։ Տեղեկությունը հայտնում է ՀՀ զբոսաշրջության կոմիտեն։

Նոյեմբերի 12-ին Հայաստանում Ռուսաստանի Դեսպան Ս.Պ. Կոպիրկինը մասնակցել է «Հայաստանը ԵԱՏՄ-ում» գիտագործնական կոնֆերանսին, որը կազմակերպել էր Հայաստանում Ռոսսոտրուդնիչեստվոյի ներկայացուցչությունը Ռուս-հայկական համալսարանի հարթակում: Միջոցառմանը մասնակցել են Հայաստանում Ռոսսոտրուդնիչեստվոյի ներկայացուցչության ղեկավար Վ.Պ. Ֆեֆիլովը, Հայաստանում Ռուսաստանի առևտրային ներկայացուցիչ Ա.Վ. Դոնչենկոն և Ռուս-հայկական համալսարանի ռեկտոր Է.Մ. Սանդոյանը: Հայտնում են ՀՀ-ում ՌԴ դեսպանատնից:

Զինծառայող Նարեկ Գրիգորյանի մահվան հանգամանքները պարզելու նպատակով քննությունն է ընթանում: Տեղեկությունը հայտնում է ՀՀ պաշտպանության նախարարությունը` հաստատելով ԶԼՄ–ների տարածած լուրը։

Իսրայելը ոչնչացրել է ՀԱՄԱՍ-ի ռազմական ներուժը Գազայի հատվածում և վերացրել է խմբավորման ղեկավարությանը, այժմ  պետք է կենտրոնանալ հակամարտության կարգավորման վրա, ճեպազրույցի ժամանակ հայտարարել է ԱՄՆ պետքարտուղար Էնթոնի Բլինքենը, ով գտնվում է Բրյուսելում։

Այսօր ժամը 15:00-ի սահմաններում ՀՀ ՊՆ ռազմական ոստիկանության Իջևանի ռազմական ոստիկանության կարգապահական գումարտակում հայտնաբերվել է զինծառայողի դի` ըստ նախնական վարկածի կախված վիճակում։ Այս մասին հայտնում է Armlur կայքը։

Ուրուգվայի Ներկայացուցիչների պալատի նախագահ Անա Օլիվերան, Ուրուգվայի նախկին նախագահներ Խուլիո Մարիա Սանգինետտին և Լուիս Ալբերտո Լակաժե Էռեռան, 45 պատգամավոր և 4 սենատոր Ադրբեջանին կոչ են անում ազատ արձակել բոլոր հայ ռազմագերիներին և պատանդներին, հայտնում են Ուրուգվայում ՀՀ դեսպանությունից: