ՀՀ նախագահ Վահագն Խաչատուրյանը դեռ երեկ՝ հոկտեմբերի 24-ին, ստորագրել է Հայաստանի և Ադրբեջանի միջև սահմանազատման կանոնակարգը վավերացնելու մասին օրենքը: Փաստաթուղթը տեղադրված է ՀՀ նախագահի պաշտոնական կայքում։ Այդ մասին տեղեկությունը սակայն, հայտնի է դարձել այսօր։

Հայաստանի գործող վարչապետ Նիկոլ Փաշինյանին իշխանությունից հեռացնելու համար պետք է հաշվի առնել շատ կարևոր պայմաններ։ Այս մասին հոկտեմբերի 25-ին Ազգային ժողովում ավանդական ճեպազրույցների ժամանակ հայտարարեց ընդդիմադիր պատգամավոր, Հայաստանի Հանրապետական ​​կուսակցության անդամ Հայկ Մամիջանյանը։

Մենք, իհարկե, հարգում ենք Հայաստանի քաղաքացիների նախաձեռնությունը, կարծում եմ՝ շատ-շատ կարևոր է, որ մարդիկ մասնակցում են իրենց երկրի ապագա քաղաքականությանը: Այս մասին NEWS.am-ի հետ զրույցում նշեց Հայաստանում ԵՄ պատվիրակության ղեկավար, դեսպան Վասիլիս Մարագոսը:  

Հոկտեմբերի 20-ին օկուպացված Ստեփանակերտում մահացած 70-ամյա Վերա Աղասյանի հարազատները պատրաստվում են դիմել Կարմիր Խաչի միջազգային կոմիտեին, որպեսզի կնոջ մարմինը Հայաստանում հուղարկավորեն։ Այս մասին այսօր՝ հոկտեմբերի 25-ին, NEWS.am–ի հետ զրույցում հայտնեց Վերա Աղասյանի 32-ամյա դուստրը՝ նշելով, որ Վերա Աղասյանը 4 զավակ ունի, սակայն իրենց չի հաջողվել համոզել նրան ու Հայաստան բերել։

Հայաստան-Բելառուս հարաբերություններում ոչինչ չի փոխվել։ Այս մասին ԱԺ ճեպազրույցում հայտարարեց ՔՊ-ական պատգամավոր Արթուր Հովհաննիսյանը՝ անդրադառնալով ՀՀ վարչապետ Նիկոլ Փաշինյանի ու Բելառուսի նախագահ Ալեքսանդր Լուկաշենկոյի առանձնազրույցին՝ ԲՐԻԿՍ + -ի շրջանակում:

Արցախի Հանրապետության Մարտակերտի քաղաքապետ Միշա Գյուրջյանն արդարացվեց, նրա նկատմամբ քրեական հետապնդումը դադարեցվեց։ Այս մասին «Ֆեյսբուքում» գրել է փաստաբան Արսեն Բաբայանը:

Հայաստանի ու Թուրքիայի համապատասխան գերատեսչությունների ներկայացուցիչները շուտով կհանդիպեն՝ գնահատելու Գյումրի-Կարս երկաթգծի վերագործարկման պայմանները, «Ազատությանը» հայտնել է հայ-թուրքական կարգավորման հարցով Հայաստանի բանագնաց, խորհրդարանի փոխխոսնակ Ռուբեն Ռուբինյանը։ Ըստ նրա, սակայն, դեռ հանդիպման օր չի նշանակվել։

«Քաղաքացիական պայմանագիր» կուսակցությունը ՀՀ արդարադատության նախարարի 2 նոր թեկնածու ունի, գրում է «Ժողովուրդ» օրաթերթը։

ՀՀ պետական եկամուտների կոմիտեն թաքցնում է Թուրքիայի հետ սահմանին գտնվող «Մարգարա» անցակետի սպասարկման ծախսերը: