ԱՄՆ նախագահի հանրապետական թեկնածու Դոնալդ Թրամփի կողմից արցախահայության տեղահանության, էթնիկ զտումների, Քամալա Հարիսի անգործության և քրիստոնյաների հետապնդումների վերավերյալ հայտարարությունից հետո Հայ դատի Ամերիկայի հանձնախումբը հանդես է եկել հայտարարությամբ՝ փոխանցելով նաև Հայ դատ Վաշինգտոնի գրասենյակի գործադիր տնօրեն Արամ Համբարյանի նկատառումները։
Սիսիանի ավագանին այսօր համայնքապետ է ընտրել «Քաղաքացիական պայմանագիր» խմբակցության անդամ Հովսեփ Առաքելյանին։
Թուրքիայի նախագահ Ռեջեփ Թայիփ Էրդողանը ցանկանում է միանալ ԲՐԻԿՍ-ին և անդամակցության հայտ է ներկայացրել դաշինքի 16-րդ գագաթաժողովից առաջ։ Բայց առայժմ նա ստիպված է թաղել այդ գաղափարը։
Հայաստանն Ադրբեջանին առաջարկում է արդեն ստորագրել խաղաղության պայմանագիրը։ Այս մասին այսօր ԲՐԻԿՍ 16-րդ գագաթնաժողովի լիագումար նիստի ժամանակ հայտարարել է ՀՀ վարչապետ Նիկոլ Փաշինյանը։
ԶՊՄԿ-ի գլխավոր տնօրենի նախկին տեղակալ Նարեկ Ամբարյանը կշարունակի մնալ կալանավորված։ Հակակոռուպցիոն դատարանը երկու ամսով երկարացրել է Ամբարյանի կալանավորման ժամկետը՝ բավարարելով քննիչի միջնորդությունը։ Տեղեկությունը «Փաստինֆո»-ի հարցին ի պատասխան հայտնեց Հակակոռուպցիոն դատարանի խոսնակ Արմինե Նովրուզյանը։
Կառավարությունն իր այսօրվա՝ հոկտեմբերի 24-ի նիստում որոշեց 2 ամսով երկարաձգել «Լիդիան Արմենիա» ընկերության 12,5 տոկոս բաժնետոմսերի՝ կառավարությանը նվիրատվության պայմանագիր կնքելու ժամկետը:
Պատժամիջոցների ներդրումը սպառնում է միջազգային խաղաղությանը. BRICS-ը պետք է հավասար համագործակցության օրինակ ծառայի: Այս մասին հայտարարել է Իրանի նախագահ Մասուդ Պեզեշքիանը, ԲՐԻԿՍ-ի 16-րդ գագաթնաժողովի շրջանակներում անցկացված «outreach» / «BRICS plus» հանդիպման ժամանակ, փոխանցում է ՏԱՍՍ-ը։
Ֆրանսիայի Սենատի Ֆրանսիա-Հայաստան բարեկամության խումբը միջազգային հանրությանը կոչ է արել շտապ արձագանքել Բաքվում կայանալիք COP29 համաժողովին ընդառաջ Ադրբեջանի կողմից Ստեփանակերտի պատմական կենտրոնի ոչնչացումը:
Հաշվի առնելով վերջին տարիների և այս տարվա բանկային համակարգի աննախադեպ բարձր շահույթի մեծությունները` ՀՀ կառավարությունը պարտավոր է վերանայել հարկային քաղաքականությունը այս ոլորտում, ինչը թույլ կտա իրատեսական դարձնել 2025 և հաջորդ տարիների պետական բյուջեի եկամուտների հավաքագրման ցուցանիշները: Այս մասին իր էջում գրել է տնտեսագետ Սուրեն Պարսյանը:
Կառավարությունն իր այսօրվա՝ հոկտեմբերի 24-ի նիստում որոշեց ՀՀ արտաքին հետախուզության ծառայության 2024 թվականի պետական բյուջեի տնտեսված 200 մլն դրամ միջոցներն ուղղել ՀՀ կառավարության պահուստային ֆոնդ: