Ոչ մի գեղեցիկ խոսք չի կարող թաքցնել այն փաստը, որ կլիմայական այս տարվա գլխավոր գագաթնաժողովը կազմակերպվում է մի երկրում, որտեղ ժողովրդավարության և մարդու իրավունքների առումով թերություններն ակնհայտ են։ Ինչպես հայտնում է Dialogorg.ru-ն, դրա մասին Altinget պարբերականի իր հոդվածում գրել է ցեղասպանագետ, Շվեդիայի Լունդի համալսարանի՝ Մերձավոր Արևելքի հեռանկարային հետազոտությունների կենտրոնի գիտաշխատող Սվանտե Լունդգրենը։

Ադրբեջանի խորհրդարանում ստեղծվել է «Արևմտյան Ադրբեջան» վերադառնալու նախաձեռնող խումբ, հայտնում են տեղական լրատվամիջոցները։

«Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնկարգը հակասում է ՀՀ պետական, ազգային շահերին և ենթակա չէ վավերացման։ Այս մասին հայտարարություն է տարածել «Սրբազան պայքար»-ի համակարգող մարմինը։

Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը Կազանում՝ ԲՐԻԿՍ-ի գագաթնաժողովի շրջանակներում, կքննարկեն Թուրքիայում գազային հանգույցի ստեղծման նախագիծը, հայտնում է ՌԴ նախագահի վարչակազմի մամուլի ծառայությունը։

«Հայաստան» խմբակցությունը չի մասնակցի ՀՀ Ազգային ժողովում սահմանազատման կանոնակարգի քննարկմանը և քվեարկությանը։ Այդ մասին խմբակցությունն այսօր հայտարարություն է տարածել։

Վրաստանի խորհրդարանական մեծամասնության պատգամավորները 81 ստորագրություն են հավաքել երկրի Սահմանադրական դատարան ներկայացվող նոր հայցի համար, որը վերաբերում է նախագահ Սալոմե Զուրաբիշվիլիի կողմից երկրի Սահմանադրության 52-րդ հոդվածի խախտմանը։ Համաձայն այդ հոդվածի՝ պետության ղեկավարն արտասահմանում ներկայացուցչական լիազորություններ պետք է իրականացնի կառավարության թույլտվությամբ:

ԱՄՆ-ի հետախուզության խիստ գաղտնի փաստաթղթերի արտահոսքը, որոնք մանրամասնում են Իրանին հնարավոր հարված հասցնելու համար Իսրայելի ռազմական պատրաստության վերջին արբանյակային պատկերները, բացահայտում են Իսրայելի ծրագրերի վերաբերյալ ԱՄՆ լուրջ մտահոգությունները: Դրա մասին գրում է The New York Times պարբերականը։

Իսրայելի ոստիկանությունը ձերբակալել Է իրանական հետախուզության կողմից հավաքագրված 7 քաղաքացու, որոնք ֆինանսական վարձատրության դիմաց տեղեկություններ են հավաքել երկրի տարածքում անվտանգության կարևոր օբյեկտների և ռազմավարական նպատակների մասին։ Տեղեկությունը հայտնում է իսրայելական գերատեսչության մամուլի ծառայությունը:

ԴԱՀԿ նախկին պետ, ԱԺ նախկին պատգամավոր Միհրան Պողոսյանի ղեկավարած «Հայոց համազգային միասնություն» կուսակցությունը հանցանքի մասին հաղորդում է ներկայացրել ՀՀ գլխավոր դատախազություն և ՀՀ հակակոռուպցիոն կոմիտե։ Տեղեկությունը հրապարակվել է կուսակցության ֆեյսբուքյան էջում։