ՀՀ արտաքին գործերի նախարար Արարատ Միրզոյանն այսօր Ստամբուլում «3+3» խորհրդակցական հարթակի հանդիպման շրջանակներում հանդիպել է Թուրքիայի արտաքին գործերի նախարար Հաքան Ֆիդանի հետ: Տեղեկությունը հայտնում է ՀՀ արտաքին գործերի նախարարության մամուլի ծառայությունը։
ԵՄ գագաթնաժողովից հետո ընդունված հայտարարությունը, որտեղ խոսվում է Եվրամիություն Վրաստանի անդամակցության գործընթացի փաստացի արգելափակման մասին, մինչդեռ Մոլդովան և Ուկրաինան նշվում են դրականորեն, կողմնակալ է։ Այս մասին լրագրողների հետ հանդիպման ժամանակ հայտարարել է Վրաստանի վարչապետ Իրակլի Կոբախիձեն։
Հայաստանի և Թուրքիայի միջև կամրջի համատեղ գնահատումից հետո Հայաստանն արդեն ավարտել է Հայաստան-Թուրքիա սահմանին գտնվող Մարգարա սահմանային անցակետի շինարարությունը և տեխնիկական վերազինման ապահովումը։ Այս մասին այսօր՝ հոկտեմբերի 18-ին, Ստամբուլում «3+3» տարածաշրջանային խորհրդակցական հարթակի նախարարական հանդիպման ժամանակ իր ելույթում նշել է ՀՀ ԱԳ նախարար Արարատ Միրզոյանը:
Հայաստանը ցանկանում է ուղիղ շփվել թուրքական կողմի հետ՝ հարաբերությունները կարգավորելու համար։ Այս մասին Ստամբուլում հայտարարել է ՌԴ ԱԳ նախարար Սերգեյ Լավրովը տարածաշրջանային «3+3» պլատֆորմի նիստին հաջորդած մամուլի ասուլիսում։
Մենք Ադրբեջանին առաջարկել ենք մեր երկաթուղային ենթակառուցվածքը վերագործարկելու, սահմանի հատման և մաքսային ընթացակարգերի պարզեցման և երկու երկրների ինքնիշխանության և իրավասության լիարժեք հարգմամբ անվտանգության որոշ լրացուցիչ մեխանիզմներ ապահովելու եղանակներ: Այս մասին այսօր՝ հոկտեմբերի 18-ին, Ստամբուլում «3+3» տարածաշրջանային խորհրդակցական հարթակի նախարարական հանդիպման ժամանակ իր ելույթում նշել է ՀՀ ԱԳ նախարար Արարատ Միրզոյանը:
2020 թվականի պատերազմի արդյունքում Լեռնային Ղարաբաղը կորցրել է 18 թանգարանային հավաքածու, ինչպես նաև թանգարանային կատալոգներ։ Այս մասին հոկտեմբերի 18-ին Լեռնային Ղարաբաղում հայկական մշակութային և կրոնական ժառանգության ոչնչացման խնդրին նվիրված խորհրդարանական լսումներին Ազգային ժողովում հայտարարել է հանրապետության մշակույթի, երիտասարդության և զբոսաշրջության նախկին նախարար Սերգեյ Շահվերդյանը։
Երևանին և Բաքվին առաջարկվել է «3+3» հարթակն օգտագործել խաղաղության պայմանագրի ուղղությամբ կատարվող աշխատանքն ավարտելու համար։ Այս մասին նախարարների հանդիպումից հետո կայացած ասուլիսի ժամանակ հայտարարել է ՌԴ արտգործնախարար Սերգեյ Լավրովը։
Տարածաշրջանում կայուն խաղաղության համար Հայաստանը պետք է փոփոխություններ կատարի Սահմանադրության մեջ։ Այս մասին Ստամբուլում «3+3» հարթակի նիստի ժամանակ ասել է Ադրբեջանի ԱԳ նախարար Ջեյհուն Բայրամովը:
Վրաստանում ԵՄ դեսպան Պավել Գերչինսկին Թբիլիսիին զգուշացրել է հնարավոր ծանր հետևանքների մասին, եթե երկիրը չփոխի իր քաղաքական գիծը: Նրա խոսքը մեջբերում են տեղական լրատվամիջոցները։
ԵԱՏՄ գործարար խորհուրդն ու Միջազգային առևտրի աջակցության չինական կոմիտեն համագործակցության հուշագիր են ստորագրել: Փաստաթուղթը թույլ կտա վերացնել խոչընդոտները և ավելի զարգացնել ԵԱՏՄ երկրների և ՉԺՀ-ի գործարար կապերը: