Արդարադատության նախարարի տեղակալ Կարեն Կարապետյանը և «Օրենսդրության զարգացման կենտրոն» հիմնադրամի տնօրեն Տիգրան Դադունցը հոկտեմբերի 11-12-ը մասնակցել են Վենետիկի հանձնաժողովի 140-րդ լիագումար նիստին:

Միացյալ Նահանգները անհանգստություն է հայտնել Թայվանի շուրջ Չինաստանի զորավարժությունների առիթով։ Այս մասին նշվել է պետդեպարտամենտի պաշտոնական ներկայացուցիչ Մեթյու Միլլերի հայտարարությունում։

Հայաստանի արտաքին գործերի նախարարության մամուլի խոսնակ Անի Բադալյանն արձագանքել է Ադրբեջանի արտաքին գործերի նախարարության մամուլի խոսնակ Այխան Հաջիզադեի հայտարարությանը, որով նա Հայաստանին մեղադրել էր նոյեմբերի 9-ի եռակողմ հայտարարությամբ ստանձնած պարտավորությունների նկատմամբ անփույթ վերաբերմունքի համար։ «Արմենպրեսի» հետ զրույցում Բադալյանն առաջարկել է առկա փաստերով վերլուծել իրավիճակը։

2024թ․ հոկտեմբերի 13-ին հաղորդում է ստացվել, որ նույն օրը՝ ժամը 09:30-ի սահմաններում, ՀՀ ՊՆ N զորամասի պահպանության տեղամասի կենտրոնացման շրջանում հայտնաբերվել է մարտական հերթապահություն իրականացնող, նույն զորամասի զինծառայող Աղասի Սերոժի Դալլաքյանի դին՝ կզակի շրջանում հրազենային վիրավորումով:

«Հայկական ավիաուղիներ» ավիաընկերության չվերթերն ավելի քան մեկ ամսով կդադարեցվեն։ Տեղեկությունը հայտնում է ընկերության մամուլի ծառայությունը։

Ադրբեջանի արևելյան շրջաններից Նախիջևան տրանսպորտային միջանցքը կարող է անցնել ինչպես Իրանի, այնպես էլ Հայաստանի տարածքով, Kanal7-ի հարցազրույցում հայտնել է Թուրքիայի տրանսպորտի և ենթակառուցվածքի նախարար Աբդուլքադիր Ուրալօղլուն՝ նշելով, որ առաջինի դեպքում խոսքը 61 կիլոմետր երկարությամբ երթուղու, երկրորդի դեպքում՝ մոտ 43 կիլոմետրի մասին է։

ԵՄ արտաքին հարաբերությունների խորհուրդը Լյուքսեմբուրգում կայանալիք հանդիպմանը կքննարկի Հայաստանի և Ադրբեջանի միջև հարաբերությունների կարգավորման հարցը, հայտնել է Խորհրդի մամուլի ծառայությունը։

ԱՄՆ նախագահ Ջո Բայդենը կիրակի օրը փոթորկից տուժած Ֆլորիդա նահանգ կատարած շրջագայության ժամանակ հայտարարել է, որ ավելի քան 600 միլիոն դոլար կտրամադրվի այն նահանգներին, որոնք տուժել են «Հելեն» և «Միլթոն» փոթորիկներից, որոնք ամայացրել են նաև Ջորջիան և Հյուսիսային Կարոլինան, հայտնում է NBC News-ը։

Հայաստանի Հանրապետության տարածքում հոկտեմբերի 14-ին և 16-18-ին ժամանակ առ ժամանակ շրջանների զգալի մասում սպասվում է անձրև և ամպրոպ։