Հայաստանի ամենահայտնի գործարարներից մեկին՝ ԱԺ նախկին պատգամավոր Սամվել Ալեքսանյանին, Ռուսաստանի իշխանությունները թույլ չեն տվել հատել այդ երկրի սահմանը։ Այս մասին հայտնում են 24News-ին մոսկովյան աղբյուրները։

Հարկադիր կատարումն ապահովող ծառայությունը քիչ առաջ կապարակնքեց Երևանի Հանրապետության հրապարակի մետրոյի գետնանցումում գտնվող սիրիահայերի 10-ից ավելի կրպակները։ «Հալեպի շուկա» անունով հայտնի առևտրային փոքրիկ հատվածի առևտրականներն ասում են, որ նախապես ծանուցված չեն եղել։ ՀԿԱԾ-ի աշխատակիցները եկել են, կես ժամ տվել խանութները դատարկելու համար, ապա սկսել են կապարակնքել դրանք։

ԱՊՀ-ում կան նոր խոշոր նախագծերի մեկնարկի հնարավորություններ։ Այս մասին Մոսկվայում ԱՊՀ գագաթնաժողովի ժամանակ հայտարարել է ՌԴ նախագահ Վլադիմիր Պուտինը։

2025 թվականի հունվարի 1–ից Հայաստան–Իրան և Հայաստան–Թուրքիա պետական սահմանի պահպանությանը ռուս սահմանապահների հետ համատեղ կմասնակցեն նաև ՀՀ ԱԱԾ սահմանապահ զորքերը, իսկ Հայաստան–Իրան պետական սահմանի հսկիչ–սահմանային կետում ծառայությունն ամբողջությամբ կիրականացվի ՀՀ ԱԱԾ սահմանապահ զորքերի ուժերով։ Այդ մասին «Ֆեյսբուքում» գրառում է արել ՀՀ վարչապետի մամուլի խոսնակ Նազելի Բաղդասարյանը։

Ժողովրդավարության զարգացման հիմնադրամը (ԺԶՀ), Freedom House իրավապաշտպան կազմակերպությունը և International Partnership for Human Rights-ը հոկտեմբերի 7-ին Վարշավայում՝ ԵԱՀԿ մարդու իրավունքների ամենամյա համաժողովի շրջանակում, կազմակերպել էին հատուկ միջոցառում, որի ընթացքում միջազգային համայնքին են ներկայացրել Լեռնային Ղարաբաղի քաղաքացիական բնակչության դեմ Ադրբեջանի գործած հանցագործությունների ապացույցները։

Զանգեզուրի միջանցքի թեման, հավանաբար, շոշափվել է ՌԴ նախագահ Վլադիմիր Պուտինի և Ադրբեջանի ու Հայաստանի իր գործընկերների՝ Իլհամ Ալիևի և Նիկոլ Փաշինյանի բանակցությունների ընթացքում, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»։

ՀՀ գլխավոր դատախազությունը պահանջում է ՀՀ երրորդ նախագահ Սերժ Սարգսյանի եղբայր Ալեքսանդր (Սաշիկ) Սարգսյանից և նրան փոխկապակցված անձանցից բռնագանձել ապօրինի ծագում ունեցող գույք։ Տեղեկությունը հայտնում է դատախազության մամուլի ծառայությունը։

Իրանի նախագահ Մասուդ Փեզեշյանը քննադատել է Միացյալ Նահանգների և Եվրոպայի կառավարություններին` Իսրայելին աջակցելու համար, որը, ըստ նրա, «խղճի խայթ չի զգում մարդկանց ջարդերի համար», գրում է Tasnim-ը։

Հայոց ցեղասպանության հուշահամալիրում այսօրվանից մեկնարկում են հիմնանորոգման աշխատանքներ: Տեղեկությունը հայտում է ՀՀ կրթության, գիտության, մշակույթի և սպորտի նախարարությունը: