Տավուշի մարզի Կիրանց գյուղի բնակիչները երեխաներին թույլ չեն տալիս հայ–ադրբեջանական սահմանից 50 մետր հեռավորության վրա գտնվող նորակառույց դպրոցի բակի խաղահրապարակում խաղալ։ Այս մասին այսօր՝ հոկտեմբերի 4-ին, NEWS.am–ի հետ զրույցում պատմեց Աճարկուտի բնակիչ Կարեն Ղազարյանը՝ նշելով, որ բնակիչների զգուշավորության պատճառը վերջին շրջանում հակառակորդի տարածքում նկատվող կուտակումներն են։

Վերանորոգված սրահներով, տեխնիկապես հագեցած, նոր ու վերազինված դահլիճներով «Մոսկվա» կինոթատրոնը բացեց իր դռները նոր անվամբ՝ «ԿինոՄոսկվա»: Տնօրինությունը նախաձեռնել և իրականացրել է Երևանի խորհրդանիշերից մեկը համարվող կինոթատրոնի ներքին հարդարման աշխատանքները՝ գրկաբաց ընդունելու քաղաքի բնակիչներին և հյուրերին՝ համաշխարհային ու տեղական կինոարտադրության ֆիլմերի դիտումն ու ժամանցը միջազգային բարձր չափանիշներով կազմակերպելու համար: Հենց վերաբացման օրը տեղի ունեցավ տարվա ամենասպասված «Ջոկեր․ խելագարություն երկուսի համար» ֆիլմի տարածաշրջանային առաջին փակ ցուցադրությունը, որին նախորդեցին երաժշտական ծրագիր և «ԿինոՄոսկվա»-ի մասին պատմող կարճ ֆիլմի ցուցադրություն։

Ռուսաստանի նախագահ Վլադիմիր Պուտինը հոկտեմբերի 7-ին՝ իր ծննդյան օրը հանդիպում կունենա ԱՊՀ երկրների ղեկավարների հետ։ «Գազետա ռու»-ն գրում է, որ այդ մասին ճեպազրույցի ժամանակ ասել է պետության ղեկավարի մամուլի քարտուղար Դմիտրի Պեսկովը։

Գիրքը գիրք է ու կապ չունի, թե այն ֆրանսիացի է գրել, թե թուրք։ Այս մասին Sputnik Արմենիայի հետ զրույցում ասաց «Անտարես» հրատարակչության տնօրեն Արմեն Մարտիրոսյանը` պատասխանելով հարցին, թե ի՞նչ սկզբունքով է ընտրվել գիրքը, որը որպես մրցանակ երեկ տրվել է ԲԿՄԱ - «Ուրարտու» հանդիպման հանդիսատեսներից մեկին։

Քիչ առաջ վթարվել է Էջմիածնի տարածաշրջանը սնող 600 մմ-ոց ջրատարը՝ վայրկյանում 100 լիտր ջրի կորստով: Այս մասին տեղեկացնում է «Վեոլիա ջուրը»:

Եվրամիության արտաքին քաղաքական ծառայության պաշտոնական ներկայացուցիչ Պետեր Ստանոն արձագանքել է Ռուսաստանի անվտանգության դաշնային ծառայության ղեկավար Ալեքսանդր Բորտնիկովի հայտարարությանը, թե Արևմուտքը Հայաստանին մղում է ձգձգել Բաքվի հետ խաղաղության շուրջ բանակցությունները և մտադիր է գլխավորել հայ-ադրբեջանական կարգավորման գործընթացն ու ՆԱՏՕ-ի կոնտինգենտ տեղակայել Հարավային Կովկասում։

Աշխատանքային այցով Հայաստան ժամանած ՆԱՏՕ-ի միջազգային ռազմական շտաբի պետ, գեներալ-լեյտենանտ Յանուշ Ադամչակի գլխավորած պատվիրակությունը հոկտեմբերի 3-ին ՀՀ ՊՆ վարչական համալիրում երկկողմ հանդիպումներ է ունեցել ՀՀ պաշտպանության նախարարի առաջին տեղակալ, ԶՈՒ գլխավոր շտաբի պետ, գեներալ-լեյտենանտ Էդվարդ Ասրյանի ու ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի հետ:

Եվրամիությունը որոշել է դադարեցնել բարձր մակարդակի հանդիպումները Վրաստանի ղեկավարության հետ՝ իր ոչ բարեկամական վերաբերմունքի պատճառով։ Այս մասին լրագրողներին ասել է Վրաստանում ԵՄ դեսպան Պավել Գերչինսկին։

Դատախազական համաժողովը, որը կազմակերպվել է Հանցավոր եկամուտների օրինականացմանը և ահաբեկչության ֆինանսավորմանը հակազդելու եվրասիական խմբի հետ համատեղ, տեղի կունենա նոյեմբերին Մինսկում: Այս մասին Երևանում ԱՊՀ երկրների գլխավոր դատախազների համակարգող խորհրդի 34-րդ նիստի ժամանակ հայտնել է Ռուսաստանի գլխավոր դատախազ Իգոր Կրասնովը: