Իսրայելական ուժերը հարվածել են Բեյրութի կենտրոնին՝ սպանելով առնվազն վեց մարդու։ 2006 թվականից ի վեր առաջին անգամ Իսրայելը Լիբանանի մայրաքաղաքի կենտրոնական հատվածը թիրախավորեց Իրանից հնչող հայտարարությունների ֆոնին՝ թե ավելի հուժկու հարված կհասցնի հրեական պետությանը, եթե պատասխանի հոկտեմբերի 1-ի իրանական հրթիռակոծությանը։
ԱՄՆ-ն Վրաստանի ներքին գործերին միջամտելու կոպիտ և լկտի փորձեր է ձեռնարկում՝ օգտագործելով առաջիկա խորհրդարանական ընտրությունները: Այս մասին Բաքվում կայացած ճեպազրույցի ժամանակ հայտարարել է ՌԴ արտաքին հետախուզության ծառայության ղեկավար Սերգեյ Նարիշկինը:
ՌԴ կառավարության ղեկավար Միխայիլ Միշուստինն ամփոփել է վերջին օրերին Երևան և Թեհրան կատարած այցերի արդյունքները։ Մասնավորաբար, անդրադառնալով Հայաստանում անցկացված Եվրասիական միջկառավարական խորհրդի ընթացիկ տարվա երրորդ նիստին՝ Միշուստինը նշել է, որ նախատեսվում է շարունակել համակարգել ջանքերը՝ միության արդյունաբերական ներուժն ամբողջությամբ բացահայտելու, տեխնոլոգիական և գիտատար ձեռնարկություններին աջակցելու համար։
Հակառակ կառավարող մեծամասնության կամքի և ցանկության՝ Ազգային ժողովում օրենքի ուժով կստեղծվի ղարաբաղցի փախստականների սոցիալ-տնտեսական իրավունքների ուսումնասիրման և իրականացման քննչական հանձնաժողով։ Այս մասին Ազգային ժողովում ավանդական ճեպազրույցի ժամանակ հոկտեմբերի 3-ին ասել է «Հայաստան» ընդդիմադիր խմբակցության քարտուղար Արծվիկ Մինասյանը։
Շրջանառության մեջ է դրվել գործարար, բարերար, «Գրանդ Հոլդինգի» հիմնադիր, Հայաստանի տնտեսության վաստակավոր աշխատող՝ Հրանտ Վարդանյանի ծննդյան 75-ամյակին նվիրված նամականիշը, առաջին օրվա ծրարը և գեղաթերթիկը: Նկարների հեղինակը Հարություն Ավագյանն է, իսկ դիզայներները՝ Վահան Աբրահամյանն ու Դավիթ Դովլաթյանը:
Իռլանդիայի Հանրապետության մայրաքաղաք Դուբլինում աշխատանքն է սկսել Եվրոպայի անվտանգության և համագործակցության կազմակերպության խորհրդարանական վեհաժողովի (ԵԱՀԿ ԽՎ) աշնանային նստաշրջանը:
Երևանում անցկացվելիք WCIT-2024 տեղեկատվական տեխնոլոգիաների համաշխարհային համագումարին (WCIT) կմասնակցեն աշխարհի խոշորագույն ընկերություններ: Այս մասին համագումարի կազմկոմիտեի ղեկավար Հայկ Կարապետյանն ասաց մամուլի ասուլիսի ժամանակ։
ՀՀ քաղաքացուն նոր կենսաչափական անձնագրեր և նույնականացման քարտեր տրամադրելու շուրջ միջազգային հեղինակավոր 3 կազմակերպության հետ բանակցություններն ավարտվել են. հոկտեմբերի 10–ին կհրապարակվեն արդյունքները։ Այդ մասին ՀՀ կառավարության այսօրվա նիստի ժամանակ հայտարարեց ՀՀ ՆԳՆ նախարարի տեղակալ Արփինե Սարգսյանը։
Եվս 300 մլն դրամ աջակցություն կտրամադրվի ՀՀ Լոռիի և Տավուշի մարզերի այն տնտեսվարողներին, որոնք տուժել են այս տարվա մայիսին հեղեղումների հետևանքով։ Համապատասխան որոշումն ընդունվեց ՀՀ կառավարության այսօրվա նիստի ժամանակ:
