Մենք հատուկ այնպես էինք արել, որ որևէ առճակատվող հարց քննարկման առարկա չդառնա, որպեսզի նաև ժողովուրդը տեսնի և ևս մեկ անգամ համոզվի՝ արդյոք մեծամասնությունը թեկուզ հումանիտար հարցերում պատրաստ է կանգնել արցախցու կողքին: Այս մասին այսօր՝ հոկտեմբերի 2-ին, ԱԺ-ում լրագրողների հետ զրույցում նշեց «Հայաստան» խմբակցության քարտուղար Արծվիկ Մինասյանը՝ անդրադառնալով Բռնի տեղահանված և Հայաստանի Հանրապետություն տեղափոխված Լեռնային Ղարաբաղի ժողովրդի կենսագործունեության կազմակերպման պայմանները ուսումնասիրելու նպատակով ԱԺ քննիչ հանձնաժողովի ստեղծմանը:

Ես Ռուբեն Վարդանյանին շատ լավ ճանաչում եմ, մոտ 25 տարի. Կարող եմ ասել, թե ով էր Ռուբեն Վարդանյանը. Տեղեկությունները, որ ունեմ իր ընտանիքից են, քանի որ Բաքուն արտոնել է որո չափով կարճ խոսակցություններ հեռախոսով, որտեղ նա սահմանափակ ձևով բացատրել է իրավիճակը և մտահոգությունները: Այս մասին, այսօր՝ հոկտեմբերի 2-ին, Մատենադարանում «Հայաստան 2041» հիմնադրամի մամուլի ասուլիսի ժամանակ նշեց «Հայաստան 2041» բարեգործական հիմնադրամի համահիմնադիր Նուբար Աֆեյանը:

Ադրբեջանը հազարներով հատում է «Շիկահող» արգելոցի ծառերը. նրանք ապացուցում են, որ չունեն խաղաղության մտադրություն, այս մասին հայտարարություն է տարածել «Թաթոյան» հիմնադրամը:  

Վեց հայ շախմատիստներ ընդգրկվել են ՖԻԴԵ-ի հոկտեմբեր ամսվա վարկանիշային աղյուսակի լավագույն100-յակում, տեղեկանում ենք Շախմատի միջազգային կազմակերպությունից։

Մարդու իրավունքների պաշտպան Անահիտ Մանասյանը սեպտեմբերի 30-ից հոկտեմբերի 2-ը Բեռլինում մասնակցում է Զինված ուժերի օմբուդսմանական հաստատությունների՝ «Օմբուդսմանական հաստատությունները և զինծառայողների ընտանիքներին աջակցելու պարտավորությունները» խորագրով 16-րդ միջազգային համաժողովին։

ՄԱԿ-ի Անվտանգության խորհուրդը (ԱԽ) պետք է անհապաղ միջամտի, որպեսզի թույլ չտա մերձավորարևելյան հակամարտությունը վերածվի լայնածավալ տարածաշրջանային պատերազմի: Այս մասին ասված է ՄԱԿ-ում Իրանի մշտական ​​ներկայացուցիչ Ամիր Սաիդ Իրավանիի՝ Անվտանգության խորհրդի նախագահին և ՄԱԿ-ի գլխավոր քարտուղարին ուղղված նամակում։

Բռնի տեղահանված և ՀՀ տեղափոխված Արցախի Հանրապետության ժողովրդի կենսագործունեության պայմաններն ուսումնասիրելու նպատակով ԱԺ քննիչ հանձնաժողովը չի կարող գործել։ Այսօր ԱԺ «Քաղաքացիական պայմանագիր» խմբակցությունը դեմ քվեարկեց խորհրդարական ընդդիմության ներկայացրած նախաձեռնությանը։

Իսրայելի հայ համայնքում զոհեր ու վիրավորներ Իրանի հրթիռակոծության արդյունքում չկան։ Այս մասին Sputnik Արմենիայի հետ հարցազրույցում ասաց իսրայելահայերի «Նաիրի» միության նախագահ Արտյոմ Չերնամորյանը։

Հայաստանը շարունակում է պատրաստակամ մնալ հավելյալ ջանքեր գործադրելու բոլոր մարդասիրական խնդիրների, այդ թվում` անհայտ կորածների ճակատագրերի հասցեագրման ուղղությամբ, հայտարարել է ԱԳՆ մամուլի խոսնակ Անի Բադալյանը՝ մեկնաբանելով Բաքվի վերջին հայտարարությունները։