Պաշտոնական այցով Հայաստանում գտնվող Ֆրանսիայի Եվրոպայի և արտաքին հարաբերությունների նախարար Ստեֆան Սեժուրնեն այցելել է Մուսա լեռան հերոսամարտի հուշահամալիր։
Փաստաթուղթը, որը պատրաստվում են ստորագրել Երևանը և Բաքուն, «խաղաղության պայմանագիր» անվանելը մեղք է։ Այս մասին Ազգային ժողովում ավանդական ճեպազրույցների ժամանակ սեպտեմբերի 16-ին ասել է ընդդիմադիր պատգամավոր, Հայաստանի Հանրապետական կուսակցության ներկայացուցիչ Հայկ Մամիջանյանը։
Ծրագիրը մեկն է՝ չարիքի հեռացումը. Մնացած բոլոր մանրամասնությունները ես ներկայացրել եմ. Ներկայացրել եմ հաշտության կառավարության տեսիլքը, թե ինչպիսին պետք է լինի և ինչ պետք է անի: Այս մասին, այսօր՝ սեպտեմբերի 16-ին, ԱԺ-ում լրագրողների հետ զրույցում նշեց Բագրատ Սրբազանը:
Բագրատ արքեպիսկոպոս Գալստանյանն Ազգային ժողովում է: Սրբազան շարժման առաջնորդը լրագրողների հետ ճեպազրույցում հայտարարել է, որ իրենց պայքարի մարտավարությունը փոխվել է։
Լեռնային Ղարաբաղի հարցը մեզ համար ամենացավոտն է, և այն առ այսօր լուծված չէ։ Այս մասին Ազգային ժողովում ավանդական ճեպազրույցների ժամանակ սեպտեմբերի 16-ին ասել է «Հայաստան» ընդդիմադիր խմբակցության ղեկավար Սեյրան Օհանյանը։
Ադրբեջանը սահմանազատում կիրականացնի միայն այնտեղ, որտեղ իրեն ձեռնտու է։ Այսօր խորհրդարանական ճեպազրույցների ժամանակ այս հայտարարությունն արեց ՀՀ պաշտպանության նախկին նախարար, «Հայաստան» խմբակցության ղեկավար Սեյրան Օհանյանը՝ մեկնաբանելով Հայաստանի և Ադրբեջանի միջև սահմանազատման և սահմանագծման հանձնաժողովի կանոնակարգը։
Գիտակցում եմ, թե ինչքան կարևոր է Անահիտ աստվածուհու պատկերը բոլոր հայերի համար, և ինձ համար իսկապես հաճելի է, որ Բրիտանական թանգարանի և Հայաստանի պատմության թանգարանի միջև այս համագործակցությունը հնարավոր դարձրեց այս իրադարձությունը Երևանում: Այդ մասին, այսօր՝ սեպտեմբերի 16-ին, Հանրային հեռուստաընկերության ուղիղ եթերում ասաց Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերը՝ անդրադառնալով Անահիտ աստվածուհու արձանից պահպանված ցուցանմուշները Հայաստանում ցուցադրելուն:
Լոս Անջելեսում տեղի է ունեցել «Էմմի» հեռուստատեսային մրցանակաբաշխության 76-րդ արարողությունը: Հայազգի ռեժիսոր և սցենարիստ Սթիվ Զայիլյանը ճանաչվել է լավագույն ռեժիսոր Netflix-ի «Ռիփլի» մինի սերիալի համար։
Հայաստանի Հանրապետության Զինված ուժերի վերազինման համար, ըստ մեր իշխանության պլանի, նախատեսվում էր գնել մոտ 2 500 անօդաչու թռչող սարք։ Դրանց մոտ կեսը պետք է տեղ հասցվեին և Զինված ուժերին տրամադրվեին արդեն 2020թ.։ Այս մասին Ազգային ժողովում ավանդական ճեպազրույցների ժամանակ սեպտեմբերի 16-ին ասել է ընդդիմադիր պատգամավոր, Հայաստանի Հանրապետական կուսակցության ներկայացուցիչ Հայկ Մամիջանյանը։
Սեպտեմբերի 12-ին արտակարգ դեպք է տեղի ունեցել Երևանում։ Ժամը 20։00-ի սահմաններում ՀՀ ներքին գործերի նախարարության ոստիկանության Շենգավիթի բաժին է զանգահարել Երևանի բնակիչ 64-ամյա Սամվել Գ․-ն և հայտնել, որ ինքը թիվ 42 երթուղու ավտոբուսի վարորդն է և Գարեգին Նժդեհի հրապարակում լսել է կրակոցի ձայներ, հաղորդում է Shamshyan.com-ը: