Սեպտեմբերի 14-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Միջազգային քրեական դատարանի (ՄՔԴ) նախկին դատախազ Լուիս Մորենո Օկամպոյին ու «Ճշմարտության և արդարության կենտրոն» կազմակերպության անդամներին՝ ուղեկցությամբ Մեծ Բրիտանիայի և Իռլանդիայի հայոց թեմի առաջնորդ Տ․ Հովակիմ եպիսկոպոս Մանուկյանի: Հայտնում են Մայր Աթոռի տեղեկատվական համակարգից:

ԱՄՆ Կոնգրեսի Մարդու իրավունքների հարցերով հանձնաժողովը սեպտեմբերի 19-ին լսումներ կանցկացնի Ադրբեջանի կողմից Լեռնային Ղարաբաղում իրականացրած էթնիկ զտման, Լեռնային Ղարաբաղի հայերի դեմ մարդու իրավունքների խախտումների վերաբերյալ։ Հանձնաժողովը կքննարկի նաև այն ադրբեջանցիների դեմ բռնաճնշումների թեման, որոնք ճնշումների զոհ են դարձել Ադրբեջանի կառավարությանը հակառակվելու պատճառով։

Մեզնից 12 տարի պահանջվեց ամեն ինչ հիմնովին հասկանալու և 2008 թվականի ողբերգությանը քաղաքական գնահատական ​​տալու համար։ Այսօր մենք, առանց որևէ խորամանկության, խոսում ենք «Ազգային շարժման» մասին, որը սկսել է պատերազմը, քանի որ մենք ունենք բազմաթիվ ապացույցներ նրանց կատարած ամենասարսափելի հանցագործության մասին, ասել է «Վրացական երազանք» կուսակցության պատվավոր նախագահ Բիձինա Իվանիշվիլին՝ տարածաշրջանային կուսակցական միջոցառման ժամանակ ելույթի ժամանակ, հայտնում է Interpress-ը։

ՀՀ փոխվարչապետ Մհեր Գրիգորյանի հետ երեկ` սեպտեմբերի 13–ին կայացած հանդիպումը մոտ 5 ժամ է տևել, ինչը նշանակում է, որ համատեղ աշխատանքը շատ է։ Այսօր Լոռու մարզում լրագրողների հետ զրույցում այս մասին ասաց ՌԴ փոխվարչապետ Ալեքսեյ Օվերչուկը։

Իրանը ուղեծիր է դուրս բերել «Չամրան-1» հետազոտական արբանյակը, որի հիմնական գործառույթը ուղեծրային մանևրման տեխնոլոգիայի փորձարկումն է։ Այս մասին է ՌԻԱ Նովոստին՝ վկայակոչելով Իսլամական հեղափոխության պահապանների կորպուսի (ԻՀՊԿ, Իրանի ԶՈւ էլիտար ստորաբաժանումներ) հայտարարությունը։

ՌԴ փոխվարչապետ Ալեքսեյ Օվերչուկը Հայաստանի ջրհեղեղից տուժած շրջաններ կատարած այցի ժամանակ լրագրողների հետ զրույցում մեկնաբանել է Հարավային Կովկասում տրանսպորտային հաղորդակցությունների ապաշրջափակման հարցը։

ԱՄՆ պետքարտուղար Էնթոնի Բլինկենը սեպտեմբերի 12-ին զրուցել է Հայաստանի վարչապետ Նիկոլ Փաշինյանի հետ և վերահաստատել Հայաստանի և Ադրբեջանի միջև կայուն և արժանապատիվ խաղաղության կարևորությունը։ Այս մասին ասված է ԱՄՆ պետքարտուղարության մամուլի քարտուղար Մեթյու Միլերի հայտարարության մեջ։

Երևանում արձանագրվել է ջրալցումների 26 դեպք, մեծ մասը՝ 18 դեպք, Կենտրոն վարչական շրջանում։ ՀՀ ՆԳՆ մամուլի ծառայությունը սեպտեմբերի 13-ի հորդառատ անձրևի հետևանքով առաջացած դեպքերի վերաբերյալ հաղորդագրություն է տարածել։

Սեպտեմբերի 15-16-ն այցով Հայաստանում է գտնվելու Ֆրանսիայի Եվրոպայի և արտաքին գործերի նախարար Ստեֆան Սեժուրնեն: Այս մասին հայտնում է ԱԳՆ խոսնակ Անի Բադալյանը: