Սույն քրեական գործն ուսումնասիրելուց ինձ մոտ տպավորություն է ստեղծվում, որ դատախազությունն առաջնորդվել է այն սկզբունքով, որ ինչ տարբերություն խեղդվողի համար՝ գլխիդ վերևում մի մետր ջուր է, թե հինգ: Այս մասին, այսօր՝ սեպտեմբերի 12-ին, դատական նիստի ժամանակ հայտարարեց ՍԴ դատավոր Հրայր Թովմասյանը՝ ներկայացնելով իր պաշտպանական ճառը:
ՀՀ կառավարությունը կհամաֆինանսավորի Տավուշի Իջևան համայնքի «Կիրանց, Բերքաբեր և Աճարկուտ բնակավայրերի գազիֆիկացում» սուբվենցիոն ծրագիրը։ Որոշումն ընդունվեց ՀՀ կառավարության այսօրվա նիստի ժամանակ։
«Միասին» այլընտրանքային հասարակական-քաղաքական շարժումը պահանջում է, որ ՀՀ իշխանությունը դիվանագիտական օրակարգում ներառի ավելի քան 30 տարի առաջ Ադրբեջանի ԽՍՀ-ից բռնի տեղահանված 1.2 մլն հայերի անվտանգ վերադարձն Ադրբեջան` իրենց բնակավայրեր։ Շարժումն այսօր ակցիա իրականացրեց ՀՀ կառավարության շենքի մոտ` պահանջագիր ներկայացնելով ՀՀ իշխանությանը։
2024 թ. 1–ին կիսամյակի տվյալներով Հայաստանի Հանրապետությունում նվազել է հանցագործությունների թիվը։ ՀՀ կառավարության նիստի ժամանակ այս հայտարարությունն արեց ՀՀ գլխավոր դատախազ Աննա Վարդապետյանը։
Իրանի ազգային անվտանգության գերագույն խորհրդի քարտուղար Ալի Աքբար Ահմադիանն առաջարկել է ԲՐԻԿՍ-ի անդամներից կազմված կոալիցիա ստեղծել՝ պատժամիջոցներին դիմակայելու և անվտանգությունն ապահովելու տարբեր ոլորտներում՝ հիմնված բազմակողմանիության և նոր կարգի վրա՝ Համաշխարհային հարավի հետ համագործակցությամբ, գրում է Tasnim-ը։
Թուրքիայի ԱԳՆ-ն հայտարարություն է տարածել՝ դատապարտելով ԱՄՆ-ի և Կիպրոսի միջև պաշտպանական երկկողմ համագործակցության ամրապնդման ճանապարհային քարտեզի ստորագրումը։
ՀՀ գլխավոր դատախազությունը ապօրինի ծագում ունեցող գույքի բռնագանձման գործառույթի շրջանակում հաշտության համաձայնություն է կնքել, որով ՀՀ պաշտպանության նախկին փոխնախարար Ալիկ Միրզաբեկյանը և նրան փոխկապակցված անձինք պարտավորվել են հօգուտ Հայաստանի Հանրապետության փոխանցել 200 մլն դրամ (շուրջ 500 հազար դոլար): Տեղեկությունը հրապարակվել է դատախազության կայքում։
Վերակառուցման և զարգացման միջազգային բանկը վարկային 2 ծրագրով շուրջ 150 մլն դոլար վարկ կտրամադրի Հայաստանի Հանրապետությանը։ Վարկային ծրագրերը վավերացնելու մասին օրենքի նախագծերը հաստատվեցին ՀՀ կառավարության նիստի ժամանակ։
Հայաստանը շահագրգռված է Հնդկաստանից հավելյալ քանակությամբ 155 մմ տրամաչափի ATAGS հրետանային կայանքներ ձեռք բերելու հարցում: Այս մասին Sputnik Արմենիային հայտնել է Հնդկաստանի պաշտպանական հետազոտությունների և վերլուծության ինստիտուտի գլխավոր տնօրեն Սուդան Չինոյը։
«Տավուշը հանուն հայրենիքի» շարժման առաջնորդ Բագրատ սրբազանն առաջիկա մեծ հավաքից առաջ հանդիպել է ՀՀ երկրորդ և երրորդ նախագահներ Ռոբերտ Քոչարյանի և Սերժ Սարգսյանի հետ։ Տեղեկությունը հրապարակվել է «Սրբազան պայքար» տելեգրամյան ալիքում։