Սեպտեմբերի 10-ին տեղի է ունեցել Հայաստանի Հանրապետության կենտրոնական բանկի խորհրդի նիստ, որի ժամանակ որոշվել է իջեցնել վերաֆինանսավորման տոկոսադրույքը 0.25 տոկոսային կետով՝ սահմանելով 7.50 %։

Երևանի ավագանին կողմ է քվեարկել «Ազգային առաջընթաց» խմբակցության ղեկավար Գրիգոր Երիցյանի լիազորությունները վաղաժամկետ դադարեցնելու որոշմանը։ Կողմ է քվեարկել ավագանու 33 անդամ։

Սյունիքի մարզի ընդհանուր իրավասության դատարանը մասնակիորեն բավարարեց Պրոբացիայի ծառայության միջնորդությունը Գորիսի համայնքապետ Առուշ Առուշանյանին ազատազրկելու վերաբերյալ։

Այսօր «Երևանյան երկխոսություն» միջազգային համաժողովում ՀՀ վարչապետ Նիկոլ Փաշինյանն անդրադարձավ Հարավային Կովկասում տևական խաղաղության հնարավորությանը։

Ընդդիմադիր չորս պատգամավոր դիմել և ստացել էին թույլտվություն ծանոթանալու Հայաստանի և Ադրբեջանի միջև «Խաղաղության պայմանագրի» տեքստերին, սակայն հետո նրանց արգելել են: Այս մասին Ազգային ժողովում «Վարչական իրավախախտումների վերաբերյալ ՀՀ օրենսգրքում լրացում և փոփոխություններ կատարելու մասին» օրենքի նախագծի քննարկման ժամանակ հայտարարեց «Հայաստան» խմբակցության պատգամավոր Արթուր Խաչատրյանը։

«Խաղաղության խաչմերուկ» նախագիծը նախատեսում է ոչ միայն Հայաստանի ու Ադրբեջանի միջև տարածաշրջանային կոմունիկացիաների՝ երկաթուղի, ավտոճանապարհ, հնարավոր գազամուղներ, մալուխներ, էլեկտրագծեր, բացել, այլև ենթադրում է, որ նման զարգացում պետք է ետղի ունենա նաև Հայաստանի ու Թուրքիայի միջև: Այս մասին, այսօր՝ սեպտեմբերի 10-ին, «Երևանյան երկխոսություն» միջազգային համաժողովում իր ելույթում նշեց ՀՀ վարչապետ Նիկոլ Փաշինյանը:

Հայ առաքելական և ռուս ուղղափառ եկեղեցիները պետք է բարեկամական հարաբերություններ պահպանեն, որպեսզի երկրների միջև դրական հարաբերություններ ամրապնդվեն։ Դա պետք է արվի այդ թվում Ուկրաինայում հակամարտության արագ կարգավորման համար։ Այս մասին «Իզվեստիա»–ին ասել է Հայ առաքելական սուրբ եկեղեցու Շիրակի թեմի առաջնորդ Միքայել Աջապահյան։

Այսօր գիշերը Ուկրաինայի զինուժն անօդաչուներով հարձակվել է Մոսկվայի և Մոսկվայի մարզի վրա, 46-ամյա կին է զոհվել, մի քանի մարդ տուժել, լրջորեն վնասվել են որոշ ենթակառուցվածքներ։

ԱՄՆ-ն «աներևակայելիորեն անհանգստացած է» տեղեկություններից, որ Թեհրանը հարյուրավոր «Ֆաթահ-360» փոքր հեռահարության բալիստիկ հրթիռներ է ուղարկել Ռուսաստան՝ Ուկրաինայի դեմ ռազմական ագրեսիայի մեջ օգտագործելու համար: Ինքնին այս փաստը Մոսկվայի գործողություններին Իրանի աջակցության կտրուկ սրացում է, ասել է Պետդեպարտամենտի խոսնակ Վեդանտա Պատելը, հաղորդում է «Ամերիկայի ձայնը»։