Հայաստանի արտաքին գործերի նախարարությունը նախարար Արարատ Միրզոյանի մասնակցությամբ հանդիպումների մասին պատշաճ ժամկետներում տեղեկացնում է։

Մոնղոլիան պետք է բացատրի՝ ինչու է անտեսել Միջազգային քրեական դատարանի (ՄՔԴ) հրամանագիրը և չի ձերբակալել Ռուսաստանի նախագահ Վլադիմիր Պուտինին, երբ նա ժամանել է հանրապետություն, BBC-ին տված հարցազրույցում հայտարարել է ՄՔԴ դատախազ Քարիմ Խանը։

ԱՄՆ պաշտպանության նախարարության հետախուզական վարչության եվրոպական-եվրասիական կենտրոնի ղեկավար Պատրիկ Պրայորը ժամանել է Բաքու՝ խորհրդակցությունների նպատակով: Այս մասին X-ի իր էջում հայտնել է Ադրբեջանում ԱՄՆ դեսպանությունը:

Դավիթ Գյուրջինյանը, Վլ Բրյուսովի անվան պետական համալսարանի ռեկտոր նշանակվելուց ի վեր, համալսարանի մոտ 59 աշխատակցի ազատել է աշխատանքից։ Այս մասին «Փաստինֆոյի» հետ զրույցում ասաց Վլ. Բրյուսովի անվան համալսարանի նախկին պրոռեկտոր Ցոլակ Ակոպյանն՝ ընդգծելով, որ նրանցից մոտ 40-ը դասախոսներ են։

ԲՐԻԿՍ գագաթնաժողովում Հայաստանը կներկայացնի վարչապետ Նիկոլ Փաշինյանը։ Տեղեկությունը Sputnik Արմենիայի հետ զրույցում հաստատեց նրա խոսնակ Նազելի Բաղդասարյանը։

ՔՊ-ին պատկանող Civic լրատվամիջոցի դեմ Բագրատ Սրբազանի հայցի քննությունը այսօր հետաձգվեց։ Բագրատ արքեպիսկոպոս Գալստանյանի փաստաբան Աննա Փիլոսյանը խոսելով դատական նիստի հետաձգման պատճառներից, ասաց, որ պատճառաբանվել էր, որ ՔՊ ներկայացուցիչը նոր է ներգրավվել և անհրաժեշտություն ունի գործի նյութերին ծանոթանալու։

Եվրահանձնաժողովի փոխնախագահ Մարգարիտիս Սխինասը երկուշաբթի կայցելի Հայաստան` մասնակցելու ԵՄ-ի հետ վիզաների ազատականացման երկխոսության մեկնարկին: Այս մասին ասվում է Եվրահանձնաժողովի հրապարակած հայտարարության մեջ։

Ապօրինի ծագում ունեցող գույքի գործով դատախազություն են հրավիրվել ՀՀ զինված ուժերի գլխավոր շտաբի պետի նախկին տեղակալ Ստեփան Գալստյանը և զինված ուժերի ավիացիայի վարչության նախկին պետ Ավետիք Մուրադյանը։ Տեղեկությունը հրապարակվել է Azdarar.am պաշտոնական հայտարարությունների կայքում։

ՀՀ ազգային անվտանգության ծառայությունն առաջարկում է խստացնել պետական գաղտնիք պարունակող տեղեկությունների պահպանման բնագավառում օրենսդրության պահանջները չկատարելու համար նախատեսվող պատասխանատվությունը և 50 000 դրամից մինչև 600 000 դրամ տուգանք սահմանել` կախված խախտման տեսակից։