Սեպտեմբերի 1-ին, ժամը 19:00-ին Սուրբ Աննա եկեղեցու բակում տեղի կունենա Արցախի Հանրապետության օրվան նվիրված մեծ հավաք: Հայտնում են Սրբազան պայքար շարժման ֆեսբուքյան էջում:

Դատարանը մեկ որոշում է ֆորմալիզմի դաշտ մտնել, մեկ՝ ոչ ֆորմալիզմի դաշտ մտնել, մեկ՝ որոշում է Քրեական դատավարության օրենսգրքի նորմերից այլ նորմերով առաջնորդվել, մեկ որոշում է Քրեական դատավարության օրենսգրքի հարմար նորմերն օգտագործել: Այս մասին այսօր՝ օգոստոսի 30-ին, դատարանի դիմաց հայտարարեց Հրայր Թովմասյանի պաշտպան Արամ Օրբելյանը։  

Վաղը՝ օգոստոսի 31-ին, ժամը 12։00-ին, ՀՀ վարչապետ Նիկոլ Փաշինյանը մամուլի ասուլիս է տալու։ Այս մասին Aysor.am-ին տեղեկացրեց Փաշինյանի մամուլի խոսնակ Նազելի Բաղդասարյանը: Նա նշեց, որ ասուլիսը վաղն անցկացնելու որոշումն այսօր է կայացվել։

СNN ամերիկյան հեռուստաընկերությունը, հղում կատարելով ուկրաինական զինվորական շրջանակներում ունեցած աղբյուրներին, տեղեկացրել է, որ Ուկրաինայում F-16-ի աղետի հետաքննությանը կներգրավվեն միջազգային փորձագետներ։

Երևանի Առաջին ատյանի դատարանի Կենտրոնի նստավայրում այսօր՝ օգոստոսի 30-ին շարունակվեց ՍԴ դատավոր Հրայր Թովմասյանի գործով դատական նիստը: Դատավոր Տաթևիկ Գրիգորյանը հայտնեց, որ ՍԴ-ի աշխատակազմից և Ոստիկանությունց ստացել է պարզաբանումները, որ վերջիններս չեն կարողացել դատարան ներկայանալու վերաբերյալ ծանուցումը հանձնել Թովմասյանին։ Առաջինի դեպքում Հրայր Թովմասյանը ՍԴ շենքում չի եղել, իսկ երկրորդի դեպքում նրա բնակարանում մարդ չի եղել, որպեսզի ոստիկանները ծանուցումը փոխանցեն։ Մեղադրող կողմը դատարանին առաջարկեց հարկադրանքի միջոցներ կիրառել Հրայր Թովմասյանին դատարան ներկայացնելու համար։  

Այս տարի Տավուշի մարզի Կիրանցի գյուղը 3 առաջին դասարանցի ունի։ Sputnik Արմենիայի հետ զրույցում ասաց դպրոցի տնօրեն Վոլոդյա Բաբինյանը։

Սա ԱԳՆ-ի ամենաաբսուրդագույն հայտարարությունը կարող է լինել։ Այս մասին այսօր՝ օգոստոսի 30-ին, «Կոդ 070. ինչո՞ւ արցախցիները չեն կարողանում Շենգենյան վիզա ստանալ» թեմայով քննարկման ժամանակ նշեց Արցախի Մարդու իրավունքների պաշտպան Գեղամ Ստեփանյանը՝ անդրադառնալով նրան, որ այս խնդրի համատեքստում Հայաստանի ԱԳՆ-ն պարզաբանմանը թե այլ երկրների հետ Հայաստանի իրավակարգավորման դաշտը վերաբերում է միայն ՀՀ քաղաքացիներին:

Հայկական Արցախի լինելիության խնդիրը ոչ միայն չի կորցրել իր գոյաբանական նշանակությունը, այլև համազգային նոր հանձնառությունների և այս կործանարար ընթացքը կանխելու հրամայականն է թելադրում։ Այս մասին ֆեյսբուքյան էջում գրել է ՀՅԴ Հայաստանի Գերագույն Մարմնի ներկայացուցիչ Իշխան Սաղաթելյանը։

Մի շարք եվրոպական երկրների դեսպանատներ «070» կոդով անձնագիր ունեցող անձանց մերժում են ընդունել ու նրանց թղթերն ուսումնասիրել։ Այս մասին բարձրաձայնում են Արցախի մարդու իրավունքների նախկին պաշտպանները։