Թուրքիայի, Իրաքի, Կատարի և Արաբական Միացյալ Էմիրությունների տրանսպորտի նախարարները հինգշաբթի Ստամբուլում կքննարկեն բազմամիլիարդանոց տարածաշրջանային տրանսպորտային նախագիծը, որն, ըստ թուրքական լրատվամիջոցների՝ նախատեսված է Իրաքով Ասիայից Եվրոպա ապրանքների տեղափոխումը հեշտացնելու համար:

ՀՀ-ում Արցախի մշտական ներկայացուցչության դռները բաց կլինեն սեպտեմբերի 2-ին՝ ժամը 12:00-ից մինչև 18:00-ն: Այս մասին հայտնում են Արցախի տեղեկատվական շտաբից:

Հայաստանում աշխատողի հարկադիր պարապուրդի ընթացքում, եթե վերջինս աշխատանքի է գնում այլ գործատուի մոտ, ապա պետք է վճարվի 9 ամսվա աշխատավարձ՝ նախկին աշխատավայրից։ Այս մասին Ազգային ժողովում օգոստոսի 29-ին Աշխատանքային օրենսգրքում փոփոխություններ և լրացումներ կատարելու մասին օրինագծի քննարկման ժամանակ Աշխատանքի և սոցիալական հարցերի մշտական ​​խորհրդարանական հանձնաժողովի նիստում հայտարարեց Հանրապետության արդարադատության փոխնախարար Արմենուհի Հարությունյանը։

Շուտով խաղողի մթերման սեզոնն է սկսվում, սակայն, խաղողագործներից շատերն ահազանգում են, որ մինչ օրս մթերող կազմակերպություններն իրենց հետ պայմանագրեր չեն կնքել. ֆեյսբուքյան էջում գրել է ԱԺ ընդդիմադիր պատգամավոր Գառնիկ Դանիելյանը։

Արագածոտնի մարզի Վարդենուտ գյուղի բնակիչներն այսօր՝ օգոստոսի 29-ին, բողոքի ակցիա են իրականացնում Կառավարության շենքի դիմաց։ Նրանք կառավարությունից համարժեք փոխհատուցում են պահանջում են իրենց հողերի համար, որոնք ճանաչվել են գերակա շահ։

Ինդոնեզիայի իշխանությունները քննարկում են Telegram-ի արգելափակման հարցը, քանի որ այն օգտագործվում է պոռնոգրաֆիա տարածելու և մոլախաղերը խթանելու համար, ասել է կապի և տեղեկատվության նախարար Բուրի Արի Սեթիադին։ Նա ասաց, որ գերատեսչությունը նախկինում «խիստ նախազգուշացում» է ուղարկել հարթակի վարչակազմին, սակայն բախվել է «ոչ համարժեք պատասխանի»։

Այսօր Հայաստանում, այն ընտանիքներում, որտեղ երեխա է ծնվում, բարեկեցության մակարդակը 30%-ով ցածր է, քան այն ընտանիքներում, որտեղ նրանք չեն ծնվում։ Այս մասին օգոստոսի 29-ին կայացած քննարկման ժամանակ հայտնել է «Ամերիա» ՓԲԸ կառավարման խորհրդատվական ծառայության ղեկավար Տիգրան Ջրբաշյանը։

Կառավարությունն իր այսօրվա՝ օգոստոսի 29-ի նիստում հավանություն տվեց «Հայաստանի կառավարության և ԱՄՆ կառավարության միջև իրենց մաքսային մարմինների փոխադարձ օգնության վերաբերյալ» համաձայնագիրը վավերացնելու մասին» ՀՀ օրենքի նախագծին:

«Տաշիր» բարեգործական հիմնադրամի նախագահ Սամվել Կարապետյանի նախաձեռնությամբ կվերականգնվի ռեժիսոր Ալբերտ Մկրտչյանի «Մեր մանկության տանգոն» գեղարվեստական ֆիլմի պատմական տունը։ Այս մասին հաղորդում է հիմնադրամի մամուլի ծառայությունը: