ՀՀ ազգային անվտանգության ծառայությունը 2024 թվականին իրականացրած գնումների արդյունքում տնտեսումներ է արել և 151 մլն 927.70 հազար դրամի չափով միջոցներն ուղղել ՀՀ կառավարության պահուստային ֆոնդ ու կատարել վերաբաշխում։ Որոշումն հաստատվեց ՀՀ կառավարության այսօրվա նիստի ժամանակ։

Գլխավոր դատախազությունը Գյումրու նախկին քաղաքապետ Վարդան Ղուկասյանից և նրան փոխկապակցված անձանցից պահանջում է բռնագանձել անշարժ և շարժական գույք։ Տեղեկությունը հայտնում է դատախազության մամուլի ծառայությունը։

2024 թվականի վերջին ԵԱՏՄ երկրները համաձայնագիր կստորագրեն եվրասիական տրանսպորտային միջանցքի ավտոճանապարհներով երթևեկող տրանսպորտի պարամետրերի մասին։ Տեղեկությունը հայտնում է Ղազախստանի առևտրի և ինտեգրման նախարարությունը։

Եվրամիությունը Telegram-ին կասկածում էր միության տարածքում օգտատերերի թիվը նվազեցնելու մեջ։ Նման մանիպուլյացիաները կարող են ձեռնարկվել, որպեսզի մեսենջերը չընկնի ավելի խիստ կարգավորման տակ՝ համաձայն Թվային ծառայությունների ակտի (DSA), գրում է Financial Times-ը (FT):

Միգրացիայի և քաղաքացիության ծառայությունից տեղեկացնում են, որ Ներքին գործերի նախարարության միգրացիայի և քաղաքացիության ծառայության պետ Արմեն Ղազարյանն անդրադարձել է ՀՀ-ԵՄ վիզաների ազատականացման թեմային՝ կատարելով մի քանի կարևոր արձանագրություններ․

Սեպտեմբերի 19-ին և 20-ին Վաշինգտոնում՝ Կապիտոլ Հիլում կհավաքվեն հազարավոր հայ ակտիվիստներ ԱՄՆ տարբեր նահանգներից՝ «Հաշվետվություն-2024» խորագրով միջոցառումներին մասնակցելու համար։ Հավաքը, որ նախաձեռնել են ԱՄՆ հայ դատի գրասենյակները, նպատակ է հետապնդում ևս մեկ անգամ բարձրաձայնել 2020-2023 թթ. Ադրբեջանի կողմից Արցախի բնակչության նկատմամբ իրականացված էթնիկ զտման փաստը և հաշվետվություն պահանջել ԱՄՆ իշխանություններից։

ՄԱԿ-ի Անվտանգության խորհուրդը չորեքշաբթի պահանջել է դադարեցնել լիբանանյան «Հըզբոլլահ»-ի զինյալների և իսրայելական զինվորականների միջև աճող հարձակումները և նախազգուշացրել, որ հետագա էսկալացիան «լայնածավալ հակամարտության վերածվելու մեծ վտանգ է պարունակում», հայտնել է Associated Press գործակալությունը:

Արցախի Ազգային Ժողովի նախաձեռնությամբ, այսօր՝ օգոստոսի 28-ին, Արցախի ժողովրդի հավաքական հայրենադարձության և հիմնարար այլ իրավունքների պաշտպանության հանձնախմբի անդամները հանդիպում են ունեցել Արցախի Խորհրդարանի պատգամավորների հետ:

Ֆրանսիայի դատախազությունը չորս օր տևած հարցաքննությունից հետո չորեքշաբթի կալանքից ազատ է արձակել Telegram-ի համահիմնադիր Պավել Դուրովին: Ըստ հետաքննության՝ հաղորդագրությունների հավելվածն օգտագործվել է անօրինական գործողությունների համար, հայտնել է Associated Press գործակալությունը։