Նիկոլ Փաշինյանին ընդդիմության հիմնական հարցադրումներից մեկը վերաբերում է հետպատերազմյան մեկ տարում Արցախ չայցելելուն։ Ենթադրվում է, որ նա կա՛մ ներքին վախերից, կա՛մ Ալիևի ուղղակի սպառնալիքից զգուշանալով՝ պարզապես խուսափում է Ստեփանակերտ այցելությունից, այն դեպքում, երբ շուտով անգամ ԵԱՀԿ Մինսկի խմբի համանախագահներն են Արցախ այցելելու։

Փաշինյանի նախաձեռնությամբ ստեղծված արտախորհրդարանական քաղաքական ուժերի խորհրդակցական ժողովում ընդգրկված, այսպես կոչված՝ կուսակցությունների որոշ ղեկավարներ վերջին օրերին գնալով ավելի հաճախ են հայտնվում հեռուստատեսային ու ինտերնետային ալիքներում՝ ջանալով դեմ տրամադրել հեռուստադիտողներին խորհրդարանական ընդդիմությանը, մերկախոս կերպով մեղադրելով դրա ներկայացուցիչներին կոռուպցիայի մեջ և նրանց վրա բարդելով 44-օրյա պատերազմի մեղքը։ Եվ ահա այդ մարդկանց հետ իշխող ուժը մտադիր է ստեղծել Արցախյան երրորդ պատերազմի հանգամանքները քննող հանձնաժողով։

«Մեղսակիցները չեն կարող քննել հանցագործությունը»,- 44-օրյա պատերազմի հանգամանքները քննող խորհրդարանական հանձնաժողովի ձևավորման և այն իշխանության ներկայացուցչի կողմից ղեկավարելու վերաբերյալ իր կարծիքն է հայտնել ԱԺ «Պատիվ ունեմ» խմբակցության պատգամավոր Հայկ Մամիջանյանը 5-րդ ալիքի «Օրագիր» հաղորդմանը տված հարցազրույցում։

«Հետագայում էլ, եթե պետք լինի, նրան եմ տալու իմ ձայնը» Հունիսի 20-ի արտահերթ ընտրություններից անմիջապես հետո իշխանությունը ձեռնամուխ եղավ տեղական ինքնակառավարման մարմինների ընտրությունների կազմակերպմանը, ընդ որում ի սկզբանե ողջ ուշադրությունը կենտրոնացած էր բռնազավթված Սյունիքի վրա։

Արտահերթի ընտրարշավի ամբողջ ընթացքում Նիկոլ Փաշինյանն առավոտից երեկո մարզերում էր, մուրճ էր ճոճում ընդդիմադիր համայնքապետերի գլխին ու սիրաշահում տեղացիներին, խոսում տասնամյակներ շարունակ նրանց թալանված լինելու մասին՝ այդպես էլ չմատնանշելով տեղերում մարդկանց աղքատության հաղթահարման իրական ուղիները։ Ավելի քան երեք ամիս է՝ վարչապետը մարզեր չի այցելում, փոխարենը՝ իր խմբակցությունը հապճեպորեն խոշորացնում է այն համայնքները, որոնցում անցանկալի համայնքապետեր են պաշտոնավարում։

ՀՀ-ում Ռուսաստանի դաշնության դեսպանի մեքենան երեկ տեսել են ՀՀԿ գրասենյակի մուտքի մոտ։ ՌԴ դեսպանի՝ ՀՀԿ-ում ունեցած հանդիպման մասին, սակայն, պաշտոնական հաղորդագրություն չեղավ:

Այժմ Հայաստանի վիճակը շատ ավելի վատ է, քան պատերազմից անմիջապես հետո: Այս մասին, News.am-ի TALK TIME հաղորդմանը հյուրընկալվելով, ասաց, Razm.info մասնագիտացված ռազմական կայքի համակարգող Կարեն Վրթանեսյանը։ Նրա խոսքերով, Հայաստանի համար պարտությունների շարքը չավարտվեց նոյեմբերի 10-ին, օրեցօր այն զիջում է դիրքերը և ռազմական, և դիվանագիտական, և քաղաքական ասպարեզներում:

Ադրբեջանի նախագահ Իլհամ Ալիևը հայտարարել է, որ պատրաստ է հանդիպել Հայաստանի վարչապետ Նիկոլ Փաշինյանի հետ, եթե ԵԱՀԿ Մինսկի խումբը կազմակերպի նման հանդիպում: Իբր՝ միշտ պատրաստ եմ կառուցողական քննարկումների, հայտարարել Է նա France-24 հեռուստաալիքին տված հարցազրույցում: Ի՞նչ կնշանակի սա։

Պատճենվող մեղադրանքներ Հանրահայտ փաստ է, որ 8-րդ գումարման խորհրդարանը բոլոր նախորդներից տարբերվում է ընդդիմության պատգամավորների դեմ հարուցված աննախադեպ քանակի քրեական գործերով։ Աննախադեպ է նաև տեղական իշխանության այն ներկայացուցիչների թիվը, որոնց մեղադրանքներ են ներկայացվել նախքան ՏԻՄ ընտրությունները։ Ցուցանշական է, որ մեղադրանքներն անդրադարձել են միայն այն համայնքապետերի վրա, որոնք հրաժարական չեն տվել, որպեսզի տեղ ազատեն Նիկոլ Փաշինյանի դրածոների և պաշտոնակատարի կարգավիճակով մարզպետների համար։ Մեղադրանքներ են առաջադրվել նաև խորհրդարանում ու տեղական իշխանության մարմիններում ընդդիմության ներկայացուցիչների հարազատներին և ընտանիքի անդամներին։