Հիմա ով ուզում է, որ մենք հայտնվենք այնպիսի իրավիճակում, ինչպիսինն է Սյունիքում ու Գեղարքունիքում, խնդրեմ, քվեարկեք այսօրվա քաղաքական թիմի օգտին։ Այս մասին այսօր՝ մայիսի 24-ին, հայտարարել է ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Իլհամ Ալիևը վերջին օրերին արտասովոր «խաղաղասեր» է դարձել։ Այն երկրի ղեկավարը, որի զորամիավորումները ներխուժել են հարևան ինքնիշխան պետության տարածք և հրաժարվում են դուրս գալ ահա արդեն 13 օր շարունակ, քաղցր ճառեր է արտասանում այդ պետության հետ խաղաղության պայմանագրի և առևտրային համագործակցության մասին: Ընդ որում գրեթե ամեն օր տեղի են ունենում մերթ ընհարումներ խաղաղ բնակիչների կամ զինվորների հետ, մերթ անասունների առևանգում, մերթ հրաձգություն, ադրբեջանցի զինվորներն ամրություններ են կառուցում օտար տարածքում, իսկ Հայաստանի Հանրապետությունը բռնազավթած զինծառայողների թիվն ավելանում է։ Բայց դա չի խանգարում Ալիևին հավաստիացնել, թե ինքը «պատրաստ է խաղաղության»։ Մեկ պարտադիր պայմանով. տարածքային ամբողջականության փոխադարձ ճանաչմամբ։
Պաշտպանության նախարարությունը հայտարարում է, որ հակառակորդը ոչ մի նոր դիրք չի զբաղեցրել Սևանա լճի տարածքում: Պաշտպանության նախարարությունը հայտարարում է, թե Սև լճի շրջանում հազարավոր ադրբեջանցիների մասին տեղեկությունները սաստիկ չափազանցված են. հակառակը, ադրբեջանցի զինծառայողների մի մասը վերադարձել է իրենց տարածք: Հաղորդվում է նաև, որ Խոզնավար գյուղին, որտեղից ադրբեջանցիները վերջերս երկու ձի են գողացել, այլևս ոչինչ չի սպառնում, իսկ ևս մեկ հայկական գյուղի վերադարձվել են ավելի վաղ այնտեղից գողացված անասունները:
Մենք պետք է հասկանանք, որ բախվում ենք ոչ այնքան արտահերթ ընտրությունների, որքան՝ արտակարգ, և կանգնած ենք արտակարգ ղեկավար ընտրելու անհրաժեշտության առջև, որը կկարողանա վերականգնել կարգը երկրում, արժանապատիվ երկխոսության մեջ մտնել հարևանների հետ և ապահովել երկարաժամկետ խաղաղություն: Այս մասին իր Թելեգրամ ալիքում գրել է ՀՀ նախկին փոխվարչապետ Արմեն Գևորգյանը:
«Պատիվ ունեմ» նախընտրական դաշինքը հայտարարություն է տարածել այսօր ԱԳ նախարարի պաշտոնակատար Արա Այվազյանի հետ հանդիպման մասին։ Հայտարարության մեջ, մասնավորապես, նշվում է.
Ալիևը սեփական ձեռքով կգծի Հայաստանի պետական սահմանը: ՆԱՏՕ-ի քարտուղար Յեն Ստոլտենբերգը խիստ կզարմանար, եթե դաշինքի անդամ պետություններից մեկի առաջնորդը բողոքեր ՆԱՏՕ-ին, որ իր երկրի սահմանն անցել է հարևան պետության 250 (հետագայում՝ մինչև 600) զինված քաղաքացի:
ՀՀ ԶՈՒ Գլխավոր շտաբի պետ Արտակ Դավթյանը կառավարության երեկվա նիստից հետո չպատասխանեց լրագրողների հարցերին և պարզապես փախավ։ Հարցերը վերաբերում էին սահմանին տիրող իրավիճակին, ինչպես նաև այն չարաբաստիկ տեսանյութին, որն օրերս պարզապես փոթորիկ բարձրացրեց սոցցանցերում։ Դավթյանին հարցրեցին, թե ինչ է զգում, երբ նվաստացնում են հայոց բանակին, բայց երկրի զինվորական գլխավոր պաշտոնը զբաղեցնող մարդը աճապարանքով հեռացավ։ Գուցեև լավ է, որ լռեց. ուրեմն խղճի ինչ-որ նշույլներ դեռ պահպանվել են, ի տարբերություն կառավարության այն անդամների, որոնք ցուցաբերում են սանձարձակ, ցինիկ պահվածք և բացահայտ զառանցանքներ բարբաջում։
Թուրքագետ Վարուժան Գեղամյանն իր ֆեյսբուքյան էջում անդրադարձել է փաստաթղթին, որը պատրաստվում է ստորագրել ՀՀ վարչապետի պաշտոնակատար Նիկոլ Փաշինյանը.
Արտակարգ և լիազոր դեսպան, ԱԱԾ նախկին տնօրեն Դավիթ Շահնազարյանի տեղեկություններով՝ 2 օր առաջ Սև լճի մոտ Ադրբեջանն արդեն տեղադրել է ծանր տեխնիկա և հրետանի:
Հայաստանի պատմության մեջ առաջին անգամ, ժողովրդի կործանարար լռության ներքո և անհեթեթ վախերի պատճառով՝ ազգի դավաճանը պայմանավորվել է Հայաստանի տարածքը զիջելու մասին: Այս մասին իր ֆեյսբուքյան էջում գրել է Սուրբ Աթոռում ՀՀ նախկին դեսպան Միքայել Մինասյանը: