Ադրբեջանի նախագահ Իլհամ Ալիևը հայտարարել է, թե Բաքուն պատրաստ է Հայաստանի հետ անհապաղ բանակցություններ սկսել Ղարաբաղի հարցով: Ընդ որում նա պնդում է, թե մոսկովյան բանակցությունների արդյունքում արված հայտարարությունը ենթադրում է հայկական ուժերի դուրսբերում հակամարտության գոտուց, հաղորդում է «ՌԻԱ Նովոստին»:

Հոկտեմբերի 10-ի կեսօրից, համաձայն Ռուսաստանի, Հայաստանի և Ադրբեջանի արտգործնախարարների երեկ Մոսկվայում կայացած եռակողմ հանդիպման, հումանիտար զինադադար է հայտարարվել: Սակայն հակառակորդը շարունակում է կրակել: Այս և այլ հարցեր News.am-ին տված հարցազրույցում մեկնաբանում է Արցախի նախագահի խորհրդական Դավիթ Բաբայան:

Հայաստանի, Ռուսաստանի և Ադրբեջանի արտաքին գործերի նախարարների պայմանավորվածությունը շատ փխրուն է։ Պատերազմը դեռ չի ավարտվել։ Այս մասին ասել է վերլուծաբան Կարեն Բեքարյանը «Առավոտյան լուրեր Լիլիթ Թումանյանի հետ» և «Տողերի արանքում» հաղորդաշարերի Արցախից հեռարձակվող համատեղ թողարկման ընթացքում։

Ադրբեջանն անպայման կվերսկսի ռազմական գործողությունները ղարաբաղյան հակամարտության գոտում, կարծում է ՀՀ ԱԺ «Բարգավաճ Հայաստան» խմբակցոթյան առաջնորդ, քաղաքագետ Արման Աբովյանը:

Ադրբեջանագետ Անժելա Էլիբեգովան անդրադարձել է Մոսկվայում 11 ժամ տևած բանակցությունների արդյունքում ԱԳ նախարարների համատեղ հայտարարությանը, ամփոփել այս պահին առկա արդյունքները։ Նա գրում է.

Այն փաստը, որ Թուրքիան Սիրիայից և Լիբիայից իսլամիստ-վարձկաններ է փոխադրում Արցախ, այսօր արդեն փաստացի ընդունել է ողջ աշխարհը։ Ավելին, վերջին օրերին տեղեկություններ հայտնվեցին այն մասին, որ Էրդողանը բանակցություններ է վարում մարտական գործողությունների գոտում նաև Աֆղանստանից վարձկաններ ներգրավելու մասին։ Բայց այդքանով Թուրքիան, անկասկած, կանգ չի առնի։

Այս իրավիճակում Հայաստանը պետք է ունենա մոդելային դիվանագիտություն, ինչը ենթադրում է համապատասխան սցենարների քննարկում և մշակում՝ հետագայում գործնական կիրառման համար լավագույն տարբերակի ընտրությամբ, «ԳԱ»-ի հետ զրույցում ասաց Հայաստանի Դեմոկրատական կուսակցության ղեկավար Արամ ՍԱՐԳՍՅԱՆԸ։

Արցախյան գոյամարտում հորդորների, կոչերի ժամանակն անցել է : Թշնամին ՝ Թուրքիան, ադրբեջանցի խամաճիկներին կռվի մղելով, ձգտում է թուրքալեզու տարրին միավորել՝ մեկ ազգ- մեկ պետություն գաղափարի շուրջ: Մենք, հայերս, քաջ գիտակցում ենք, որ նպատակին հասնելու համար, թուրք ոսոխը փորձելու է շարունակել ցեղասպան գործողություններով ոչնչացնել հայ բնակչությունը:Ստեփանակերտի և մյուս քաղաքների արգելված զինատեսակներով ռմբահարությունը դրա վառ ապացույցներից է:

Ինչպես նշել է Պաշտպանության նախարարության մամլո քարտուղար Շուշան Ստեփանյանը իր ֆեյսբուքյան էջում, վերջին օրերին տարբեր առևտրային կազմակերպություններ և անհատներ հայտարարում են նախարարության կարիքների համար ֆինանսական միջոցներ հավաքելու նախաձեռնությունների մասին։ «Հայաստանի Հանրապետության պաշտպանության նախարարությունը հայտարարում է, որ որևէ առևտրային ընկերության կամ անհատի չի պատվիրակել զբաղելու նման գործունեությամբ, իսկ բոլոր ֆինանսական միջոցները, որոնք հավաքագրվում են մեր հայրենակիցների կողմից, պետք է ուղղվեն բացառապես երկու հասցեով՝ «Հայաստան համահայկական հիմնադրամ» և «Զինծառայողների ապահովագրության հիմնադրամ»,- նշել է նա: