Վարչապետի մամլո քարտուղարը հերքեց տեղեկատվությունը Իջևանի քաղաքապետի պաշտոնակատար Հայկ Ղալումյանի դստեր՝ Հայկուհի Ղալումյանի հարսանիքին Փաշինյանի ընտանիքի ներկայության մասին: Մենք բազմիցս գրել ենք Ղալումյանների ընտանիքի հետ Փաշինյանի կապերի մասին։ Իշխանափոխությունից հետո Ղալումյան եղբայրներից մեկը դարձավ պատգամավոր, երկրորդը նշանակվեց քաղաքապետի պաշտոնակատար։ Հարսանիքը տեղի է ունեցել քաղաքապետի պաշտոնակատարի ընտանիքին պատկանող «Ոսկե ձկնիկ» ռեստորանային համալիրում, եղել են մեծ քանակությամբ հյուրեր, ընդ որում բոլորը՝ իշխող նոմենկլատուրայի թվից։

«Փաստինֆո»-ի տեղեկություններով՝ օգոստոսի 21-ին, ժամը 18:30-ին, Երևան քաղաքի ընդհանուր իրավասության դատարանում նախագահությամբ դատավոր Մարինե Մելքոնյանի պետք է քննարկվեր Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ քննիչի հերթական միջնորդությունը, սակայն անսպասելիորեն նիստից երկու ժամ առաջ քննչական մարմինը հետ է վերցրել միջնորդությունը։

Կորոնավիրուսի տարածման հետ կապված իրավիճակը վերջին 2-3 շաբաթներին կայունացել է, հինգշաբթի օրը կառավարության նիստում ասել է առողջապահության նախարար Արսեն Թորոսյանը, հաղորդում Է Sputnik Armenia-ն: Թորոսյանը տեղեկացրել է, որ վիրուսի տարածման տեմպերի թուլացման միտումը կանգ է առել: «Բուժօգնության կազմակերպման մասով իրավիճակը մնում է թեթև և կառավարելի։ Հաշվի առնելով տնտեսական ակտիվությունը և Հայաստան վերադարձող քաղաքացիների թիվը` դժվար է լինելու օրական 250-ից ցածր դեպքեր չունենալը»,- նշել է նախարարը։

Չորս տարի շարունակ մեր երկրում անընդհատ աղավաղվում է մի շատ կարևոր գործընթաց, որը ոչ թե Սերժ Սարգսյանի համար է կարևոր, այլ մեր երկրի համար է կարևոր։ Այդ մասին ֆեյսբուքյան գրառում է արել ՀՀ Պաշտպանության նախկին փոխնախարար Արտակ Զաքարյանը:

Վերջին օրերին ողջ մամուլում տեղ էին գտել նորությունները, որոնք լուսաբանում էին «Հայրենիք» կուսակցության հանդիպումները Արցախի ղեկավարության հետ։ Արթուր Վանեցյանի գլխավորությամբ՝ «Հայրենիք» կուսակցության անդամները հանդիպեցին ԼՂՀ ԱԺ նախագահ Արթուր Թովմասյանի, Արցախի անվտնագության խորհրդի նախագահ Սամվել Բաբայանի, ընդդիմադիր՝ «Արդարություն» կուսակցության ղեկավար Վիտալի Բալասանյանի և բարձրաստիճան այլ գործիչների հետ, այդ մասին հայտնում է Alternativ.am-ը:

Ժամանակակից ահաբեկչությունը նույնպիսի խնդիր է, ինչպիսին բնական աղետները կամ քրեական հանցավորությունն է։ Պետությունը շատ բան կարող է հակադրել դրան, բայց երաշխիքներ, որ այն իսպառ արմատախիլ կարվի, չկան ու չեն կարող լինել։ Մենք ապրում ենք մի աշխարհում, որտեղ բացի բնական աղետներից, հրդեհներից, հանցավորությունից, հիվանդություններից, արտադրական և տրանսպորտային վթարներից, կա ահաբեկչություն, որին կարող է բախվել յուրաքանչյուր ոք։ Պատրա՞ստ է արդյոք մեր հասարակությունը դիմակայել ահաբեկչությանը։

Ադրբեջանական վերնախավն անգամ այսօր չի կարողանում թաքցնել իր մաղձը ՀՀ երրորդ նախագահի հանդեպ, ում պաշտոնավարման օրոք նրանք ուժգին հարվածներ էին ստանում թե մարտի, թե դիվանագիտական դաշտերում։ Այս մասին իր ֆեյսբուքյան էջում գրել է ՀՀԿ փոխնախագահ Արմեն Աշոտյանը:

Այսօրվա ասուլիսը լուրջ ու ծարակշիռ գործչի ասուլիս էր, որը դիտելուց հետո միայն մի միտք է տանջում. ինչո՞ւ պիտի իրենց կյանքը պետությանն ու հայրենիքին նվիրված մարդիկ ստիպված լինեն խոսել ու ապացուցել, որ արել են առավելագույնը հանուն մեր երկրի շահի։ Այս մասին իր ֆեյսբուքյան էջում գրել է Սուրբ Աթոռում ՀՀ նախկին դեսպան Միքայել Մինասյանը:

Ուր որ է ավարտին մոտեցող սահմանադրական աբսուրդի թատրոնը ստիպված է նորից կրկնել արդեն խաղացած գործողությունը. կառավարության կողմից առաջադրված ՍԴ դատավորի թեկնածու Վահրամ Ավետիսյանը հրաժարվել է առաջադրվել այդ պաշտոնում, քանի որ անիրատեսական է համարում Ազգային ժողովում 80 ձայն ստանալը։ Հրաժարման պատճառը, նկատեք, ոչ թե այն է, որ իր մասնակցությամբ լեգիտիմացնում է օրինականության առումով ի սկզբանե կասկածելի գործընթացը, որն ընդ որում վիճարկվում է այսօր Եվրոպական դատարանում, այլ այն, որ իշխանության խմբակցությունը նրան չի երաշխավորել ընտրվելու համար անհրաժեշտ 80 ձայները։ Թեպետ, ամեն ինչի մասին՝ հերթականությամբ։