Ադրբեջանը փորձում է շանտաժի ենթարկել ե՛ւՀայաստանին, ե՛ւ Ռուսաստանին նրանով, որ, միակողմանի գործողություններ է ձեռնարկում այն պատրվակով, որ սահմանազատում և սահմանագծում չի եղել: Այս մասին Արցախի հանրային հեռուստատեսությանը տված հարցազրույցում հայտարարել է ՌԴ Պետդումայի պատգամավոր Կոնստանտին Զատուլինը:
Արարատ Միրզոյանը, բազմաթիվ փորձագետների կարծիքով, ԱՄՆ-ի համար բնավ ամենացանկալի թեկնածուն չէր Հայաստանի ԱԳ նախարարի պաշտոնում. դա զբաղեցնելու համար համառորեն առաջ էր մղվում Արևմուտքի շահերի ավելի ջերմեռանդ պաշտպանը։ Սակայն Փաշինյանն այնուամենայնիվ ստիպված եղավ «ֆորին օֆիսից» հանել Արմեն Գրիգորյանին, որը, ԶԼՄ-ների հաղորդմամբ, արդեն զբաղեցրել էր նախարարի աշխատասենյակը, և այնտեղ նստեցնել ոչ պակաս սկանդալային, բայց արտաքին այլ գործընկերների համար ավելի ընդունելի կերպարին։ Եվ ահա այս սուբյեկտը, որը հայտնի է լայն հասարակայնությանը Օմեգա ծածկանունով, նշանակումից հետո սկսեց շնորհավորանքներ ստանալ, այդ թվում՝ նույնիսկ Էնթոնի Բլինկենից: Ընդ որում ուղերձի տեքստը կրում է բնավ ոչ հերթապահ բնույթ և անչափ պերճախոս է։
Բրյուսելում բազմաթիվ կարևոր հանդիպումներ ունեցանք մեր ազգային առաջնահերթությունների օրակարգով։ Այս մասին Facebook-ի իր էջում գրել է ՀՀԿ փոխնախագահ Արմեն Աշոտյանը:
Ադրբեջանը և Թուրքիան զորավարժություններ են սկսել Քաշաթաղի (Լաչինի) շրջանում։ Սա նրանց առաջին համատեղ մարտավարական զորավարժություններն են Արցախի բռնազավթված տարածքում։ Ինչպես հաղորդում է Ադրբեջանի պաշտպանության նախարարությունը, հատուկ ուշադրություն է նախատեսվում հատկացնել ժամանակակից մարտական տեխնիկայի օգտագործման հմտությունների կատարելագործմանը դժվարանցանելի տեղանքում:
Խաղաղության դարաշրջան չի լինելու, միակողմանի խաղաղություն չկա, 168 TV-ի «Ռեվյու» հաղորդմանն ասել է «Մարդկային զարգացման միջազգային կենտրոնի» ղեկավար, քաղաքագետ Թևան Պողոսյանը՝ կարծիք հայտնելով, որ պետք է պատրասվել պատերազմի։
Ակնհայտ է, որ պանթուրքիզմի ջատագովների համար ռուս խաղաղապահների երկարաժամկետ տեղակայումն Արցախի Հանրապետությունում շահեկան չէ։ Նրանք փորձելու են տորպեդահարել ռուս խաղաղապահների առաքելության երկարաձգումն` առնվազն 4 տարի հետո, ֆեյսբուքյան իր էջում գրել է ՀՀԿ մամուլի խոսնակ Էդուարդ Շարմազանովը՝ մատնանշելով նաև Հայաստանի անելիքները։
Արցախից բռնազավթված տարածքներում զորքերի ցանկացած կուտակում, տեղաշարժեր արդեն իսկ վտանգավոր բնույթ է կրում, եթե…
Եվրոպական Ժողովրդական կուսակցության Քաղաքական համաժողովին ելույթիս հիմնական մասը նվիրված էր Արցախյան վերջին պատերազմի արդյունքում մեր ռազմագերիների ճակատագրին, որոնք անուշադրության են մատնվել թե Հայաստանի գործող հրոսակախմբի, թե միջազգային ու եվրոպական ատյանների կողմից։
«Փաստ» թերթը գրում է. «Երեկ մամուլը տեղեկացրեց, որ տիեզերքում արհեստական արբանյակ ունեցող պետություններից մեկի ներկայացուցիչները կապվել են հայաստանյան ընդդիմության որոշ շրջանակների հետ և առաջարկել նրանց՝ տրամադրել իրենց տրամադրության տակ եղած որոշ տեսագրություններ, որոնք առնչվում են Հայաստանին։ Ըստ մամուլի, դրանց մեջ է մասնավորապես 44-օրյա պատերազմի ողջ տեսագրությունը, որը դիտարկելով՝ կարելի է հստակ պատկերացում կազմել, թե ինչպիսի մարտավարություն է իրականացրել Ադրբեջանն այդ 44 օրվա ընթացքում, և ինչպես է պարտվել Հայաստանը:
«Փաստ» թերթի տեղեկություններով, այս օրերին բավական ակտիվ աշխատանքներ են ընթանում կառավարության աշխատակազմում և հատկապես ԱԳՆ-ում՝ կապված, պայմանականորեն ասված, խաղաղության համաձայնագրի նախապատրաստական աշխատանքների հետ։