Ադրբեջանը և Թուրքիան 44-օրյա պատերազմից հետո պարբերաբար համատեղ զորավարժություններ են անցկացնում։ Այնպես որ, Բաքվում մեկնարկած հերթական զորավարժությունները չպետք է զարմանք հարուցեն, Aysor.am-ի թղթակցի հետ զրույցում ասաց քաղտեխնոլոգ Արմեն Բադալյանը։
Հայաստանի և Ադրբեջանի միջև պատերազմից հետո ձեռք բերված պայմանավորվածությունները, մեծ հաշվով, իրականացվում են։ Այլ հարց է՝ կողմերից որն է առավել արագ և ճշգրիտ կատարում դրանք, Aysor.am-ի թղթակցի հետ զրույցում ասաց քաղտեխնոլոգ Վիգեն Հակոբյանը՝ անդրադառնալով ՌԴ արտգործնախարարի՝ այսօր հայտնած այն մտքին, որ ԼՂ կարգավորման շուրջ պայմանավորվածությունները հաջողությամբ իրականացվում են։
Այսօր Արցախի Հանրապետությունը մնացել է փաշինյանական «Արցախը Հայաստան է և վե՛րջ» և ալիևյան «Ղարաբաղը Ադրբեջան է» տխրահռչակ բառակապակցությունների արանքում: Այս մասին ֆեյսբուքյան իր էջում գրել է ՀՀ պաշտպանության նախկին փոխնախարար Արտակ Զաքարյանը:
Նիկոլից առաջ Արցախի կարգավիճակը բանակցությունների անկյունաքարն էր Անկախության 30-րդ տարեդարձին նվիրված միջոցառումներին մասնակցելու համար Ստեփանակերտ չեն մեկնի նախագահ Արմեն Սարգսյանը, խորհրդարանի խոսնակ Ալեն Սիմոնյանը, վարչապետ Նիկոլ Փաշինյանը։ Առաջին անգամ Հայաստանի ղեկավարությունը ներկա չի լինելու Արցախի Հանրապետությունում կայանալիք հոբելյանական միջոցառումներին։
Ադրբեջանը զբաղված է Հայաստանի դեմ հերթական դեմարշի ինտենսիվ նախապատրաստական աշխատանքներով: Այս անգամ խոսքը հայկական կողմին տարբեր հանցագործությունների մեջ մեղադրելու փորձի կամ կանխարգելիչ հարված հասցնելու և հենց Ադրբեջանի դեմ մեղադրանքը չեզոքացնելու փորձի մասին է:
Թուրքիայի մայրաքաղաք Անկարայում մեկնարկել են «թուրքական Պենտագոնի»՝ Թուրքիայի ՊՆ և ԳՇ նոր շենքի կառուցման աշխատանքները։ 2023թ. բացվելիք այս կառույցն ունի կիսալուսնի և աստղի տեսք, որոնք Թուրքիայի դրոշի խորհրդանիշներն են։ Այս մասին ֆեյսբուքյան իր էջում գրել է թուրքագետ Վարուժան Գեղամյանը:
Սեպտեմբերի 1-ին Արցախի խորհրդարանի հատուկ նիստով, ինչպես միշտ, մեկնարկում են հանրապետության Անկախության օրվան նվիրված հանդիսավոր միջոցառումները: Ճիշտ է, այս անգամ միջոցառումներին ներկա չի լինի Հայաստանի վախեցած բարձրագույն ղեկավարությունը. խորհրդարանական բոլոր երեք խմբակցությունների ներկայացուցիչների կազմով Երևանի պատվիրակությանը կգլխավորի Ազգային ժողովի փոխխոսնակներից մեկը։
ՄԻԵԴ դիմելու դեպքում «Հայաստան» խմբակցության պատգամավոր Արմեն Չարչյանը շահելու լավ շանսեր ունի: Այս մասին News.am-ի հետ զրույցում ասաց Հայաստանի առաջին օմբուդսմեն, իրավապաշտպան Լարիսա Ալավերդյանը։
Քանի որ Ռուսաստանին մեղադրում են, որ Ադրբեջանին չի պարտադրում ազատ արձակել գերիներին, ինչը նոյեմբերի 9-ի հայտարարությամբ է նախատեսված, Լավրովը հայտարարեց, որ իր պարտավորությունները կատարել է, և որ նախքան հայտարարության ստորագրումը գերեվարված անձինք վերադարձվել են, իրենք էլ պարտավորություններ չունեն: Նման կարծիք News.am-ի հետ զրույցում հայտնեց քաղաքագետ Ստեփան Դանիելյանը՝ անդրադառնալով Մոսկվայում Ռուսաստանի և Հայաստանի ԱԳ նախարարների ասուլիսում Սերգեյ Լավրովի այն հայտարարությանը, թե այժմ Ադրբեջանում պահվում են միայն նոյեմբերի 9-ից հետ գերեվարված հայ զինծառայողները, և որ Ռուսաստանն Ադրբեջանին կոչ է անում վերադարձնել նրանց առանց նախապայմանների:
Աժ «Պատիվ ունեմ» խմբակցության պատգամավոր, «Հենակետ» վերլուծական կենտրոնի հիմնադիր, անվտանգային հարցերով փորձագետ Տիգրան Աբրահամյանը գրում է.