2021-02-09 12:34
Информагентства
«Ավրորան» ավելի քան 470.000 ԱՄՆ դոլարի աջակցություն է տրամադրել Արցախի օգնության ծրագրին
«Ավրորա» մարդասիրական նախաձեռնությունը շարունակում է ընդլայնել իր մարդասիրական ծրագիրն Արցախում: «Արմենպրես»-ին այս մասին հայտնեցին IDeA հիմնադրամի հանրային կապերի բաժնից:
Նշվում է, որ «Ավրորան» գործի է դրել իր միջազգային հեղինակությունն ու նվիրատուների, փորձագետների, մարդասերների և շահառուների հսկայական ցանցը, որպեսզի աջակցություն տրամադրի արցախցիներին և տեղում ապահովի արդյունավետ լուծումներ: Հաշվի առնելով «Ավրորայի»՝ Արցախին ուղղված մարդասիրական ծրագրի ծավալը, որոշում է կայացվել ներգրավել համապատասխան փորձով տեղացի մասնագետի. «Ավրորայի» թիմին է միացել Արցախի կրթության, գիտության և սպորտի նախկին նախարար Նարինե Աղաբալյանը՝ որպես «Ավրորայի» արցախյան ծրագրի ղեկավար: Միաժամանակ «Ավրորան» շարունակում է հայտեր ընդունել կազմակերպություններից, որոնք աջակցության կարիք ունեն տեղերում: Նրանք կարող ենք իրենց հայտերն ուղարկել [email protected] էլեկտրոնային հասցեով:
«Շատ կարևոր է, որ «Ավրորան» կարողանում է օգնել կարիքի մեջ գտնվող մարդկանց ինչպես աշխարհի տարբեր անկյուններում, այնպես էլ մեծ ծավալի ծրագրեր իրականացնել Արցախում: «Ավրորան» արդեն աջակցել է մոտ 50 նախագծերի, որոնք ուղղված են տեղացիների առաջնային կարիքներին՝ փոխելով հազարավոր արցախցիների կյանքը: Մենք շատ ուրախ ենք, որ Նարինե Աղաբալյանը միացել է թիմին: Վստահաբար, նրա փորձառությունը կօգնի ծրագրերի էլ ավելի արդյունավետ իրագործմանը»,- ասել է «Ավրորա» մարդասիրական նախաձեռնության Խորհրդի անդամ Արման Ջիլավյանը:
Պատերազմից հետո «Ավրորան» անհապաղ օգնություն է տրամադրել արցախցիներին #AraratChallenge նախաձեռնության միջոցով և արդեն 473.000 ԱՄՆ դոլար է տրամադրել ծրագրերին: Գործընկեր կազմակերպությունների հետ #AraratChallenge նախաձեռնությունն աջակցում է 48 նախագծերի, որոնք առաջին անհրաժեշտության պարագաներ են տրամադրում տեղահանված մարդկանց, ֆինանսական աջակցության միջոցով վերականգնում քաղաքացիական ենթակառուցվածքներն Արցախում, ինչպես նաև կապ ստեղծում կամավորների և մարդասիրական կազմակերպությունների միջև:
Տարիների ընթացքում «Ավրորա» մարդասիրական նախաձեռնության համահիմնադիրներ Վարդան Գրեգորյանը, Նուբար Աֆեյանը, Ռուբեն Վարդանյանը և նրանց հիմնադրած կազմակերպությունները ներգրավված են եղել Արցախում իրականացվող բազմաթիվ ծրագրերի: Դրանից բացի, «Ավրորա» համաշխարհային մարդասիրական մրցանակի դափնեկիրները՝ սկսած առաջին դափնեկիր Մարգարիտ Բարանկիցեից, ամեն տարի այցելել են Արցախ՝ այն ներկայացնելով միջազգային հանրությանը:
«2020 թ. աշնան պատերազմի հետևանքները հաղթահարելը մարտահրավեր է յուրաքանչյուր հայի համար: «Ավրորան» կարող է միավորել բոլորիս և օգնել հաղթահարել այն: Միասին մենք կարող ենք շատ ավելին անել, քան կարծում ենք»,- ասել է Նարինե Աղաբալյանը: Նա ծնվել է 1967 թ. Ստեփանակերտում: 2009–2020 թթ. աշխատել է Արցախի Հանրապետության կառավարությունում: Ավելի քան 8 տարի Նարինե Աղաբալյանը եղել է Մշակույթի և երիտասարդության հարցերի նախարարը, ավելի ուշ՝ մինչև «Ավրորա» մարդասիրական նախաձեռնությանը միանալը, զբաղեցրել է Կրթության, գիտության և սպորտի նախարարի պաշտոնը:
Որպես Արցախի ծրագրի ղեկավար՝ Նարինե Աղաբալյանը կհամակարգի «Ավրորայի» աջակցությամբ Արցախի համար իրականացվող նախագծերը, ինչպես նաև կմշակի հումանիտար հարթակ, որը կմիավորի շահագրգիռ բոլոր կողմերին և հնարավորություն կտա Արցախի վերականգնման հետ կապված հիմնական աշխատանքներն ու ֆինանսները համակարգել կենտրոնացված համակարգից:
ПОСЛЕДНИЕ ОТ АВТОРА
-
New2025-05-12 15:01Генеральное консульство России в Кракове прекратит свою деятельность в течение 30 дней, дипломаты должны покинуть страну. Как сообщает Арменпресс, со ссылкой на ТАСС, об этом заявила заместитель министра иностранных дел Польши Хенрыка Мосьцицкая-Дендыс.
-
New2025-05-12 15:00Информация об исчезновении двухлетнего Тиграна, к сожалению, становится предметом спекуляций со стороны различных лиц. Более того, находятся люди, которые без каких-либо оснований создают имитацию похищения ребенка.
-
New2025-05-12 14:58В расследовании по делу о покушении на спикера парламента Армении Арарата Мирзояна (действующего министра иностранных дел – ред.), которое произошло в ночь на 10 ноября 2020 года, есть значительное продвижение. Об этом на заседании Национального Собрания во время обсуждения отчета об итогах деятельности Следственного комитета за 2024 год заявил 12 мая глава ведомства Артур Погосян, отвечая на вопросы депутатов.
-
New2025-05-12 14:57
Следственный комитет Армении пока не возбудил уголовное дело против полицейских по факту предполагаемого избиения юноши из Карабаха в отделении полиции города Ванадзор. Об этом сообщил председатель комитета Артур Погосян, представляя в парламенте годовой отчет ведомства и отвечая на вопрос депутата блока "Айастан" Гарника Даниеляна.