2021-04-24 11:54
Информагентства
Թուրքիայի և Ադրբեջանի հանցավոր քաղաքականությունը վտանգ են ներկայացնում ոչ միայն Հարավային Կովկասի, այլ նաև ողջ քաղաքակիրթ աշխարհի համար. Արցախի ԱԳՆ
Արցախի Հանրապետության ԱԳՆ հայտարարությունը Հայոց Ցեղասպանության 106-րդ տարելիցի կապակցությամբ:
«Ապրիլի 24-ին հայ ժողովուրդը ոգեկոչում է Ցեղասպանության անմեղ զոհերի հիշատակը։ Հայոց ցեղասպանությունը հայ ժողովրդի և համաշխարհային պատմության ամենաողբերգական և արյունալի էջերից մեկն է:
1915-1923թթ. Թուրքիայի կողմից իրականացված այս զանգվածային հանցագործության հետևանքով ավելի քան 1.5 միլիոն հայ սրի մատնվեց, շուրջ երկու միլիոնը բռնատեղահանվեց: Հայ ժողովուրդը զրկվեց իր պատմական բնօրրանի և մշակութային ժառանգության մեծ մասից: Հայոց եղեռնը պատմության մեջ պետականորեն նախապես ծրագրված և հետևողականորեն իրականացված առաջին ցեղասպանությունն էր:
Հայերի ցեղասպանությանը հաջորդեց Թուրքիայի մյուս ժողովուրդների՝ հույների, եզդիների, քրդերի, ասորիների և այլ էթնիկ խմբերի ցեղասպանությունը, կոտորածը և տեղահանումը:
Ավելի քան մեկ դար առաջ հայ ժողովրդի դեմ իրագործված այդ ոճրագործության վերաբերյալ միջազգային հանրության համարժեք արձագանքների և գնահատականների բացակայությունը հիմք ծառայեց հետագայում նմանատիպ հանցագործությունների կրկնության համար։ Երկրորդ աշխարհամարտի ընթացքում հրեական Հոլոքոստը և նացիստների կողմից իրականացված սլավոնական ժողովուրդների, գնչուների ու այլ ազգերի ցեղասպանությունը դրա վառ վկայությունն են։
Թուրքիան ոչ միայն հրաժարվում է ճանաչել Հայոց ցեղասպանությունը, այլև հետևողականորեն խոչընդոտում է նաև այլ երկրներում դրա ճանաչմանն ուղղված գործընթացը։ Ավելին, այսօր էլ այդ երկրի ղեկավարությունը շարունակում է հայ ժողովրդի նկատմամբ իր ցեղասպան քաղաքականությունը, ինչի վառ օրինակ է Թուրքիայի ավելի քան ակտիվ մասնակցությունն Ադրբեջանի կողմից Արցախի դեմ 2020 թ. սեպտեմբերի 27-ին սանձազերծված պատերազմի նախապատրաստմանը և բուն ռազմական գործողություններին, որոնք ուղեկցվել են միջազգային մարդասիրական իրավունքի կոպտագույն խախտումներով։
Թուրքիայի և Ադրբեջանի հանցավոր քաղաքականությունը, նրանց պանթուրքական և ծավալապաշտական ծրագրերը լուրջ վտանգ են ներկայացնում ոչ միայն Հարավային Կովկասի, այլ նաև ողջ քաղաքակիրթ աշխարհի համար:
Մենք հետևողական ենք լինելու Մեծ եղեռնի միջազգային ճանաչման, դատապարտման և պատմական արդարության վերականգնման գործում», - ասված է ԱԳՆ հայտարարությունում:
ПОСЛЕДНИЕ ОТ АВТОРА
-
New2025-05-03 09:10Мы с уважением чтим память тех, кто погиб во время Геноцида армян 1915 года. Об этом говорится в заявлении адвокатской палаты Диарбекира.
-
New2025-05-03 09:08Внешний долг по ЕАЭС на суммарной основе на 1 января 2025 г. сократился за год на 26 млрд. долларов США, или на 4,9%. Долг уменьшился в Беларуси на 4,4% и России – на 8,8%. В других государствах-членах долг вырос (в Армении – на 4,7%, в Казахстане – на 0,7%, в Кыргызстане – на 12,8%). Об этом говорится в отчете Евразийской экономической комиссии.
-
New2025-05-03 09:06Создание Москвой и Тегераном новых разработок в области технологий имеет большую важность: Иран и Россия вместе могут добиться прорывов в этой сфере. Об этом заявил РИА Новости помощник президента РФ по науке и образованию Андрей Фурсенко, находящийся с визитом в Тегеране.
-
New2025-05-03 09:03Генеральный секретарь ООН Антониу Гутерриш в течение нескольких недель представит странам-членам организации предложения по ее реформе. Об этом сообщил представитель генсека ООН Стефан Дюжаррик.