2021-05-08 11:53
Информагентства
Երուսաղեմում տեղի են ունեցել անկարգություններ հավատացյալների մասնակցությամբ
Անկարգությունները, որոնք վերածվել են բախումների Իսրայելի ոստիկանության հետ, բռնկվել են ուրբաթ երեկոյան Երուսաղեմի Տաճարի բարձունքում. վիրավորվել է երեք ոստիկան, հաղորդում է ՌԻԱ Նովոստի-ն՝ հղում անելով Իսրայելի ոստիկանության մամուլի ծառայությանը:
«Ոստիկանության և սահմանայինների բազմաթիվ ուժեր աշխատում են կարգուկանոնը վերականգնելու ուղղությամբ անկարգություններից հետո, որոնք սկսվել են այսօր Տաճարի բարձունքում, որոնց ընթացքում հարյուրավոր հավատացյալներ կոպտորեն խախտել են կարգուկանոնը, հարձակվել են ոստիկանների վրա՝ նրանց ուղղությամբ նետելով քարեր և տարբեր առարկաներ, որի հետևանքով երեք ոստիկան վիրավորվել է»,-ասվում է կառույցի մամուլի ծառայության հաղորդագրության մեջ: Ներկայում իսրայելցի իրավապահները հայտնել են, որ նրանց հաջողվել է վերահսկողություն սահմանել իրավիճակի շուրջ:
Ուրբաթ երեկոյան վերականգնվել են նաև անկարգությունները Արևելյան Երուսաղեմի Շեյխ Ջարախ թաղամասում, բերման է ենթարկվել երկու մասնակից, հայտնել են Իսրայելի ոստիկանության մամուլի ծառայությունից: Ոստիկանությանը կարգադրվել էր ցրել բողոքի ցույցը, մասնակիցներին հնարավորություն էր տրվել ինքնակամ հեռանալ, սակայն նրանք այդպես չէին վարվել: Այդ կապակցությամբ ոստիկանությունը ստիպված էր կիրառել հատուկ միջոցներ ամբոխին ցրելու համար, նշում են կառույցից: Գործողության ընթացքում բերման է ենթարկվել խուլիգանության, զանգվածային անկարգություններ կազմակերպելու և ոստիկանության ուղղությամբ քարեր նետելու մեջ երկու կասկածյալ:
Արևելյան Երուսաղեմի Շեյխ Ջարախ թաղամասում, որտեղ Իսրայելի դատարանի որոշմամբ իրականացվում է որոշ արաբ ընտանիքների վտարում, արդեն մեկ շաբաթից ավելին շարունակվում են բողոքի ցույցեր, որոնք վերաճում են անկարգությունների: 1956 թվականին Հորդանանի կառավարությունը ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալության հետ համագործակցության շրջանակում որոշում էր կայացրել բնակեցնել 28 ընտանիք Երուսաղեմի Շեյխ Ջարախ թաղամասում, սակայն չէր տրամադրել նրանց սեփականության իրավունքի փաստաթղթեր, տեղեկացնում է News.am-ը:
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.