Последние новости

Մահացել է Վիլեն Գալստյանը

80 տարեկանում կյանքից հեռացել է բալետի նշանավոր արտիստ, բալետմայստեր, ՀԽՍՀ ժողովրդական արտիստ, Ա. Սպենդիարյանի անվան օպերայի և բալետի ազգային ակադեմիական թատրոնի գլխավոր բալետմայստեր Վիլեն Գալստյանը: Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։

Գերատեսչությունը ցավակցում է սիրելի արտիստի հարազատներին, ընկերներին, գործընկերներին, նրա արվեստի երկրպագուներին:

«Վիլեն Գալստյանի մահվան կապակցությամբ ՀՀ վարչապետի պաշտոնակատար Նիկոլ Փաշինյանի որոշմամբ կստեղծվի հուղարկավորության կառավարական հանձնաժողով»,– նշված է հաղորդագրության մեջ:

Հոգեհանգստի և հուղարկավորության արարողությունների մասին լրացուցիչ տեղեկություն կտրվի:

Վիլեն Գալստյանը ծնվել է 1941թ–ին Երևանում։ 1959թ.–ին ավարտել է Երևանի պարարվեստի պետական ուսումնարանը:

1959-61թթ եղել է Թբիլիսիի Փալիաշվիլու, 1961-72թթ` Երևանի Ա.Սպենդիարյանի անվան օպերայի և բալետի ազգային ակադեմիական թատրոնի արտիստ, ապա՝ մենապարող:

1979-1983 թվականներին Ա. Սպենդիարյանի անվան օպերայի և բալետի ակադեմիական թատրոնի գլխավոր բալետմայստեր։

1999 թվականից դասավանդել է Երևանի թատրոնի և կինոյի պետական ինստիտուտում։

1999-2000 թվականներին դասավանդել է Սեուլի բալետի համալսարանում։

2004 թվականից Երևանի պարարվեստի պետական քոլեջի տնօրենն էր, տեղեկացնում է Sputnik Armenia։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ