Последние новости
2021-08-26 16:20

ՀԱՆՑԱՎՈՐ ԵՆ Ե՛Վ ԳՈՐԾՈՂՈՒԹՅՈՒՆՆԵՐԸ, Ե՛Վ ԱՆԳՈՐԾՈՒԹՅՈՒՆԸ

0
Telegram

Ադրբեջանական 50 կամ ավելի զինծառայողներ 3 ժամից ավելի փակել են Գորիս-Կապան միջպետական ճանապարհը Դավիթ-Բեկ գյուղի շրջանում և հրաժարվում են բացել: Այս մասին հաղորդում է ՀՀ Մարդու իրավունքների պաշտպան Արման Թաթոյանը։

«Այս արարքները հանցավոր են, սահմանափակել են մարդկանց, ողջ քաղաքացիական բնակչության, այդ թվում՝ երեխաներ, կանայք, տարեցներ, ազատ տեղաշարժը: Այս ամենը հավաստող ահազանգեր ենք ստանում քաղաքացիական բնակիչներից, ստուգել ենք ամբողջը: Այդքան զգուշացնում եմ այս վտանգի մասին ու ասում եմ, թե ինչ պետք է անել ու հրատապ անել. ադրբեջանական զինված ծառայողների ներկայությունը ՀՀ Սյունիքի համայնքների միջև ճանապարհներին հանցավոր է, և վե՛րջ: Դա ինքին խախտում է մարդկանց կյանքի, ազատ տեղաշարժման և միջազգայնորեն երաշխավորված այլ կենսական իրավունքներ: Փաստերից ինձ համար ակնհայտ է, որ սա նախապես պլանավորված բացահայտ հանցագործություն է ՀՀ քաղաքացիական բնակչության դեմ:

Տեղյակ եմ, որ ՌԴ սահմանապահ ծառայողները տեղում վարել են ճանապարհը բացելու բանակցություններ և նրանց ջանքերով քաղաքացիական մեքենաները դուրս են բերվել: Ըստ ստուգված տվյալների՝ բանակցությունները առավոտ են շարունակվելու. հրաժարվել են բացել: Վաղ առավոտյան այս միջադեպով հատուկ հաղորդումներ կուղարկվեն համապատասխան միջազգային մարմիններին»,- նշել է Թաթոյանը, ինչպես հաղորդում Է News.am-ը։

ԲԱՅՑ ԱՆՀՆԱՐ Է ԼՌԵԼ. դա Գորիս-Կապան ճանապարհի այն հատվածն է, որը Հայաստանի համար խայտառակ նոյեմբերի 9-ի հայտարարությունից հետո, հայ-ադրբեջանական սահմանի խորհրդային տարբերակի վերականգնման զառանցանքի շրջանակներում, պաշտոնապես հանձնվել է ադրբեջանական կողմին։ Դա այն ճանապարհահատվածն է, որի մասին ԱԱԾ-ն քաղաքացիներին ասում էր. եթե հանկարծ գերի ընկնեք, զանգեք մեզ։

Այո, Արման Թաթոյանն, անշուշտ, իրավացի է՝ պնդելով, որ ադրբեջանական զինված ուժերի գործողությունները հանցագործություն են քաղաքացիական բնակչության դեմ, որ ընդհանրապես նրանց ներկայությունը միջպետական ճանապարհին խախտում է մարդկանց ազատ տեղաշարժի իրավունքը։ Բայց առանձնակի կարևոր են նրա բազմաթիվ նախազգուշացումները վտանգի մասին և կոչերը ՝ շտապ քայլեր ձեռնարկելու հայկական պետության կողմից։

Այսօր կարող ենք արձանագրել, որ ադրբեջանական կողմի հանցավոր գործողությունների հետ մեկտեղ՝ մենք գործ ունենք այդ հարցում հայկական իշխանության հանցավոր անգործության հետ: Գրեթե 9 ամիս է անցել այն օրից, երբ հայկական ճանապարհի այդ հատվածը հայտնվել է ադրբեջանական վերահսկողության տակ։ Այդ 9 ամիսների ընթացքում Հայաստանի իշխանությունը շարունակ հանրության ու ընդդիմախոսների աչքն է խոթել իր նվաճումները ճանապարհաշինության ոլորտում։ Միայն անցած՝ ճգնաժամային, պատերազմական ու կովիդային տարում, ըստ իշխանության վարկածի, կառուցվել կամ հիմնանորոգվել է համայնքային և միջպետական նշանակության ավելի քան 550 կմ ճանապարհ։ Ստացվում է, որ բավականացրել են և՛ ժամանակը, և՛ ռեսուրսները ճանապարհային շինարարության ոլորտում նման արդյունք ստանալու համար։

Եվ ահա այդ խորապատկերին պարզվում է, որ նույն այդ իշխանությանը չեն բավականացրել ո՛չ ժամանակը (9 ամիս), ո՛չ էլ ռեսուրսները՝ միայն մեկ, բայց թերևս ամենաանհրաժեշտ ճանապարհը կառուցելու համար, այլընտրանքն այն ճանապարհի, որը զիջել են թշնամուն։ Սա հերթական, պերճախոս օրինակն է, որ իշխանությունները թքած ունեն համաքաղաքացիների անվտանգության վրա, և կառավարության հանցավոր անգործության ապացուցույցը։ Կրկնեմ. այն ժամանակից ի վեր, երբ ադրբեջանցիներին հանձնվեց հայկական միջպետական ճանապարհի մի մասը, կարելի էր կառուցել մի քանի շրջանցիկ, այլընտրանքային ճանապարհներ։

Այս ամենը տեղի է ունենում այն ժամանակ, երբ կառավարությունը խորհրդարանում պաշտպանում է առաջիկա հնգամյակի իր ծրագրերը։ Իշխանության ներկայացուցիչները սաստիկ նեղանում են, երբ քննադատություն է հնչում կառավարության ներկայացրած ծրագրի ու դրա հեղինակների հասցեին։ Մինչդեռ հետաքրքիր է, թե ինչպիսի՞ պահվածք կցուցաբերեին նրանք՝ հայտնվելով Հայաստանի այն քաղաքացիների շարքում, որոնց ադրբեջանցի զինվորականները պատանդ են վերցրել այն ճանապարհին, որին այլընտրանք առ այսօր չկա՝ կառավարության կանխամտածված կամ թեկուզ անգամ ոչ միտումնավոր անգործության պատճառով։

ПОСЛЕДНИЕ ОТ АВТОРА

  • А ЭФФЕКТИВНОСТЬ РАВНА НУЛЮ
    2025-07-11 09:48

    Правительство Армении на заседании в четверг одобрило предложение о подписании кредитного соглашения с Международным банком реконструкции и развития (МБРР, структура ВБ) по программе «Туризм и региональная инфраструктура Армении» на 120,5 млн евро, передает АРКА. Как заявил замминистра экономики Армении Арман Ходжоян, программа нацелена на поддержку семи отдельных туристических кластеров из 20-ти в общинах Арени, Дилижан, Двин, Гюмри, Джермук, Горис и Ехегис с целью стимулирования винного, оздоровительного, приключенческого, культурно-образовательного туризма, а также экотуризма в различных областях Армении. Он сообщил, что общая стоимость программы, которая будет реализована до конца 2030 года, составляет 120,5 млн евро, из которых 24,1 млн софинансирует правительство.

  • ВОЗВРАЩАЯСЬ К ИСХОДНОЙ ПОЗИЦИИ
    2025-07-10 09:33

    Внешняя торговля Армении бешеными темпами катится вниз. По данным статистического комитета в январе-мае внешний и взаимный торговый оборот сократился вдвое по сравнению с тем же периодом прошлого года. Если в 2024-м этот показатель достигал 15,5 миллиардов долларов, то в этом году снизился до 7,9 миллиардов.

  • РОСТ С УСКОРЕНИЕМ
    2025-07-07 10:03

    В Армении в июне 2025 года по сравнению с июнем 2024 года зарегистрирована инфляция в 3,9%, а за месяц – дефляция в 1,3%. Об этом свидетельствуют данные отчета Национального статистического комитета (НСК) Армении, передает АРКА. Согласно данным НСК, в июне 2025 года по сравнению с июнем 2024 года цены на продовольственные товары и безалкогольные напитки повысились на 6,2%.

  • МОЖНО ОСТАТЬСЯ У РАЗБИТОГО КОРЫТА
    2025-07-05 09:47

    Армения выразила желание стать членом ШОС. Об этом сообщила пресс-секретарь МИД РА Ани Бадалян на своей странице в фейсбук. «Разделяя основополагающие принципы Шанхайской организации сотрудничества, а именно территориальную целостность, неприменение силы и нерушимость границ, Республика Армения выразила желание стать членом ШОС», - отмечено в сообщении, передает NEWS.am.

ПОСЛЕДНЕЕ ПО ТЕМЕ