2021-10-12 16:32
Информагентства
Տիգրան ԱԲՐԱՀԱՄՅԱՆ․ ՓԱՇԻՆՅԱՆՆ ԵՐԱՇԽԻՔ ՉԻ ՏՎԵԼ, ՈՐ ԲԵՐՁՈՐՆ ՈՒ ՄԻ ՇԱՐՔ ԳՅՈՒՂԵՐ ԱԴՐԲԵՋԱՆԱԿԱՆ ՎԵՐԱՀՍԿՈՂՈՒԹՅԱՆ ՏԱԿ ՉԵՆ ԱՆՑՆԻ
Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը գրավոր հարցում է ուղարկել Նիկոլ Փաշինյանին, սակայն պատասխանել է արտաքին գործերի նախարարի տեղակալը։
«Սեպտեմբերի 15-ին ԱԺ-ում կառավարության հետ հարցուպատասխանի ժամանակ հարց էի ուղղել Նիկոլ Փաշինյանին ճշգրտելու, թե արդյո՞ք երաշխավորում է, որ նոյեմբերի 9-ի եռակողմ հայտարարության դրույթների իրականացման շրջանակներում՝ Արցախը Հայաստանին կապող նոր ճանապարհի այնպիսի երթուղի չի հաստատվի, որի պայմաններում Քաշաթաղի շրջանի Բերձոր քաղաքը, Սուս և Աղավնո գյուղերը, ինչպես նաև՝ Շուշիի շրջանի Լիսագոր, Եղծահող, Հին շեն, Մեծ շեն, Կանաչ Թալա, Տասը վերստ գյուղերը որևէ կարգավիճակով չեն հայտնվի Ադրբեջանի վերահսկողության տակ»,-ֆեյսբուքյան իր էջում հիշեցրել է պատգամավորը։
Նա նշել է, որ այդ օրը Փաշինյանը խուսափել է հստակ պատասխանից՝ պատճառաբանելով, թե ձեռքի տակ քարտեզ չկա, իսկ պատգամավորի կողմից նշված համայնքների մասին նշումներ չի հասցրել անել։
Դրանից անմիջապես հետո՝ սեպտեմբերի 24-ին, Աբրահամյանը գրությամբ շարադրել է հարցն ու ուղարկել Փաշինյանին, որտեղ հստակ ձևակերպված է եղել հարցն ու կոնկրետ բնակավայրերը։
«Գրությանս պատասխանը ստացվել է այսօր, բայց ոչ թե Փաշինյանից, այլ ԱԳ նախարարի տեղակալ Վահե Գևորգյանից, ով միայն նշել է, որ «նոյեմբերի 9-ի եռակողմ հայտարարության 6-րդ կետի 2-րդ ենթակետի շուրջ բանակցություններ չեն ընթացել»։
Ուշադրություն դարձրեք այն հանգամանքին, որ իմ պահանջն էր ստանալ երաշխիք, հավաստիացում, որ եռակողմ հայտարարության դրույթների իրականացման արդյունքում՝ ՀՀ-ն Արցախի Հանրապետությանը կապող ճանապարհի փոփոխության արդյունքում թվարկածս քաղաքն ու գյուղերը որևէ կարգավիճակով ադրբեջանական վերահսկողության տակ չեն անցնի, սակայն Նիկոլ Փաշինյանը նման երաշխիք չի տալիս, միայն նշում է, որ դեռ չեն բանակցել։
Ստացվում է, որ իշխանությունը կա՛մ արդեն պայմանավորվել է այդ տարածքների կամ դրա մի մասի հանձնման հետ, կա՛մ չունի վստահություն, որ հետագա բանակցություններում կարողանալու է այդ համայնքների շուրջ արդյունավետ բանակցություններ վարել՝ դրանք պահել հայկական վերահսկողության ներքո, - նշել է Աբրահամյանը։
ПОСЛЕДНИЕ ОТ АВТОРА
-
New2025-05-30 09:22Лицензию компании "Электросети Армении" продлили до 1 февраля 2029 года. Решение было принято в четверг на заседании Комиссии по регулированию общественных услуг Армении.
-
New2025-05-30 09:20В Баку состоялось очередное заседание "суда" над армянскими пленными, включая бывшее военно-политическое руководство Нагорного Карабаха. Об этом сообщают азербайджанские СМИ.
-
New2025-05-30 09:19Генеральная прокуратура сегодня направила в компетентный суд материалы уголовного производства, подтвержденные обвинительным заключением, по факту предполагаемого получения третьим президентом Республики Армения Сержем Саргсяном взятки в особо крупном размере в размере около 3 миллионов долларов США. Об этом сообщает Генпрокуратура.
-
New2025-05-30 09:16Постпред РФ при ООН Василий Небензя заявил, что выбор сейчас за Украиной: мир по итогам переговоров или "неминуемое поражение на поле боя с иными условиями окончания конфликта".