2021-10-26 21:00
Марина МКРТЧЯН
ԻՋԵՎԱՆԻ ԲՆԱԿԻՉՆԵՐԸ ՄՈՌԱՑԵ՞Լ ԵՆ, ԹԵ ՈՎ ԷՐ ՊԱՀԱՆՋՈՒՄ «ԱՐՅԱՆ ԳԵՏԵՐ» ԱՊԱՀՈՎԵԼ
Ո՞վ ասաց, թե Փաշինյանի կուսակցության հաղթանակը կասկածից վեր է
Նոյեմբերի 14-ին Տավուշի մարզի Իջևան համայնքում՝ Փաշինյանի ծննդավայրում, տեղի կունենան ավագանու ընտրությունները: Հիշեցնեմ, որ ժամանակին իշխանությունը առավելագույն ջանքեր գործադրեց՝ այդ պաշտոնում Հայկ Ղալումյանի ընտրվելը կազմակերպելու համար, սակայն գիտակցելով, որ համայնքի բնակիչները նրա օգտին չեն քվեարկի, Փաշինյանը նշանակեց Ղալումյանին Տավուշի մարզպետ։
Հոկտեմբերի 17-ի ընտրություններում երեք խոշոր համայնքներում (Գորիս, Մեղրի, Գյումրի) խայտառակ պարտությունից հետո ռեժիմն առավելագույն ջանքեր է գործադրում, որպեսզի Իջևանի ավագանու ընտրություններն անցնեն հարթ ու առանց խնդիրների: Հաշվի առնելով Փաշինյանի մանկության քաղաքի նկատմամբ իշխանության մեծ հետաքրքրությունը՝ լրատվամիջոցները երկար ժամանակ ենթադրություններ էին անում, թե իշխող կուսակցության ցուցակը կգլխավորի վարչապետի եղբորորդին՝ ԱԺ նախկին պատգամավոր Սիփան Փաշինյանը, սակայն այդ կանխատեսումները չարդարացան։ Ներկայումս Սիփանը զբաղված է «Քաղաքացիական պայմանագիր» կուսակցության օգտին քարոզելով։
Իջևանում, ինչպեսև բազմաթիվ այլ համայնքներում, իշխանությունը հունիսի 20-ի արտահերթ խորհրդարանական ընտրություններից հետո նշանակեց իր դրածոյին՝ պաշտոնակատարի կարգավիճակով, իսկ քանի որ խոսքը քաղաքային տիպի համայնքի մասին էր, ապա, ըստ օրենքի, պաշտոնակատարին նշանակեց անձամբ Փաշինյանը։
Հոկտեմբերի 20-ին Իջևանում մեկնարկել է պաշտոնական նախընտրական քարոզարշավը: Քաղաքում թիվ 38 տարածքային ընտրական հանձնաժողովն է՝ Աիդա Սարգսյանի նախագահությամբ: Տեղամասային հանձնաժողովներն արդեն ձևավորված են, խոշորացված համայնքի ավագանու անդամության համար կպայքարեն ընդամենը 2 կուսակցություն՝ ՔՊ-ն և ՀՅԴ-ն։
Իշխող կուսակցության ցուցակը, ինչպեսև ենթադրվում էր, կգլխավորի վարչապետի պաշտոնակատար Արթուր Ճաղարյանը։ Ցուցակում 2-րդը նրա տեղակալ Արգիշտի Ամիրխանյանն է, 3-րդը՝ թիվ 1 դպրոցի փոխտնօրեն Մանե Ղազումյանը՝ ոչ վաղ անցյալում Տավուշի մարզպետարանի կրթության, մշակույթի և սպորտի վարչության պետի պաշտոնակատարը: Ցուցակում կա 56 ազգանուն, նախընտրական մրցավազքի բոլոր մասնակիցները իշխանական կուսակցության անդամներ են։ Նրանց մեջ շատ են խոշորացման ենթակա Սև Քար, Կիրանց, Ակնաղբյուր, Աճարկուտ, Այգեհովիտ և այլ համայնքների ղեկավարները։
ՀՅԴ-ն ներկայացրել է 14 թեկնածուներից բաղկացած ցուցակ։ Առաջին տեղում անհատ ձեռներեց Վահան Ղազումյանն է։ Հոկտեմբերի 17-ի ընտրություններում 3 խոշոր համայնքներում իշխող կուսակցության սկանդալային պարտությունից հետո «Հայաստան» և «Պատիվ ունեմ» ընդդիմադիր դաշինքների ղեկավարությունը հաստատ փոշմանել է, որ Իջևանի ընտրություններին ավելի ներկայացուցչական ցուցակ չի առաջադրել։ Այլ կերպ ասած՝ եթե ընտրություններին մասնակցեր ամբողջ «Հայաստան» դաշինքը, այլ ոչ թե միայն ՀՅԴ-ն, ապա իշխող կուսակցության հաղթանակի հնարավորությունները կհասցվեին նվազագույնի։
Թեպետ, ակնհայտ է, որ ՀՅԴ-ի ցուցակին կսատարեն ընդդիմադիր կուսակցությունների բոլոր տեղական ստորաբաժանումները, ուստի նոյեմբերի 14-ի քվեարկության արդյունքների վերաբերյալ եզրակացություններ անել դեռ վաղ է։ Ո՞վ ասաց, թե Փաշինյանի կուսակցության հաղթանակը կասկածից վեր է։ Քաղաքագետները ելնում են քաղաքական հակառակորդների ուժերի մեխանիկական հարաբերակցությունից, բայց կան ելակետային նաև այլ տվյալներ, օրինակ՝ մարդկային հիշողությունը…
Տեղացիները հիշում են ոստիկանական հաշվեհարդարը
Չարժե հաշվից դուրս թողնել այն հանգամանքը, որ տեղի բնակիչները շատ լավ հիշում են 2019-ի ամռանը ապօրինի անտառահատման մեջ կասկածվողների զանգվածային բերման ենթարկման ոստիկանական գործողությունը (հաշվեհարդարը): Հիշեցնեմ, որ ոստիկանները գիշերով ներխուժում էին տներ, դուրս բերում տղամարդկանց՝ թույլ չտալով հագնվել, լցնում ավտոբուսները: Այդ գիշերային հաշվեհարդարից հետո երեխաները մի քանի օր շարունակ չէին խոսում ապրած ստրեսից, իսկ կանայք տեսախցիկների առջև արցունքն աչքերին պատմում էին Եժովի և Բերիայի ժամանակների ՆԳԺԿ-ի ոգով գիշերային ձերբակալությունների մասին:
Ավելի ուշ ԱԱԾ նախկին տնօրեն Արթուր Վանեցյանի հայտարարությունից հայտնի դարձավ, որ այդ օրերին Փաշինյանը կատաղության մեջ էր և պահանջում էր, որ Վանեցյանը «արյան գետեր ապահովի Իջևանում»: Կարծում եմ, համայնքի բնակիչներն այդ մասին չեն մոռացել։ Այդ հաշվեհարդարի մասին հիշում են նաև ռեժիմի պարագլուխները, ուստի ավագանու ընտրություններին նախորդեց համայնքի խոշորացումը հարակից գյուղերի հաշվին։
Այդ գյուղերի բնակիչները 2019-ի ամռան իրադարձությունների մասին լոկ լսել են, ուստի «Քաղաքացիական պայմանագիր» կուսակցության հաղթանակը կարող է լինել նրանց քվեարկության արդյունք, ովքեր նշյալ իրադարձությունների պահի դրությամբ ապրել են մեկուսի ռեժիմով, ուստի Իջևանում տեղի ունեցած ոստիկանական հաշվեհարդարը նրանց չի դիպչել։
Համայնքի խոշորացման գործընթացի նպատակը ընտրողների թիվն ավելացնելն էր իշխող կուսակցության համար։ Չնայած մի շարք սոցիալական նախագծերին, Արթուր Ճաղարյանի կերպարը մեծ ժողովրդականություն չի վայելում քաղաքացիների շրջանում։ Հիշեցնեմ, որ 2019 թվականի հուլիսին ոստիկանների և ճանապարհն արգելափակած իջևանցիների ընդհարման արդյունքում վիրավորվեց 12 ոստիկան և 2 քաղաքացիական անձ։ Ակցիայի ընթացքում մարդիկ հայհոյանքներ էին գոչում Փաշինյանի հասցեին։ Մի՞թե 2 տարվա ընթացքում Իջևանի բնակիչները մոռացել են, թե ով էր պահանջում «արյան գետեր» ապահովել իրենց քաղաքում։
Այդ գործողությունից հետո ռեժիմը առավելագույն ջանքեր գործադրեց Հայկ Ղալումյանի ընտրությունն ապահովելու համար, բայց հաշվի առնելով համայնքի բնակիչների տրամադրությունները՝ ընտրություններից հրաժարվեցին, կորոնավիրուսի համավարակի պատրվակով։ Ղալումյանին դարձրեցին մարզպետ, նրա եղբայր Վահեն կրկին դարձավ ԱԺ պատգամավոր, իսկ ռեժիմը գնաց համայնքի խոշորացման ճանապարհով։ Հոկտեմբերի 14-ի ընտրությունների ելքը կանխորոշված է միայն այն դեպքում, եթե համայնքի բնակիչները մոռացել են 2 տարվա վաղեմության իրադարձությունները։ Դրան դժվար է հավատալ. նման բանը չի մոռացվում:
ПОСЛЕДНИЕ ОТ АВТОРА
-
2025-07-04 09:197 мая министр юстиции Србуи Галян объявила, что текст новой Конституции будет готов в течение 10 месяцев. 2 месяца уже позади, а 5 июля исполнится 30 лет со дня первого референдума по принятию Конституции. 30 лет назад в этот день состоялись референдум и парламентские выборы. Оппозиция призывала голосовать против проекта Конституции, утверждая, что он сшит по Левону Тер-Петросяну. В тот день даже в страшном сне не привиделось бы, что в 2025 г. проект нового Основного закона будет создаваться под диктовку Баку и Анкары, а из преамбулы будет изъята ссылка на Декларацию о независимости Армении! Тогда никто не мог предположить, что через 30 лет проект новой Конституции будут шить по Ильхаму Алиеву!
-
2025-07-04 09:115 июля Пашинян подведет итоги объявленной 28 июня 5-дневки (с 1 по 5 июля) без ругани, "в рамках общественного консенсуса и дискуссии". Он наложил вето на свой привычный лексикон, однако даже в этом случае приглашение к общественному диалогу в его устах выглядит до смешного нелепо. Репертуар Пашиняна – битье об стены, укладывание лицом на асфальт, вытаскивание за галстуки с руководящих кресел, удары молотком по головам политических противников. Из свежих примеров – озвученная с трибуны парламента угроза бросить в тюрьму руководителя и секретаря фракции "Айастан" Сейрана Оганяна и Арцвика Минасяна. Теперь поговаривают о том, что генпрокурор Анна Вардапетян придет в парламент и за депутатом Артуром Саркисяном…
-
2025-07-03 09:32"Ты увидишь вмешательство, проходимец!", "Навсегда заставлю замолчать!". Эти записи Пашинян сделал в ответ на следующее заявление крупного российского предпринимателя Самвела Карапетяна: "Маленькая группа, забыв армянскую историю, тысячелетнюю историю армянской церкви, набросилась на церковь и на народ. Я всегда был рядом с армянской церковью и армянским народом. Если политическим деятелям не удастся, то мы своим способом вмешаемся в поход властей против церкви". За эти слова Карапетян, по личному указу Пашиняна, помещен под 2-месячный арест. А теперь обратимся к фактам, которые помогут проследить динамику политических репрессий в виде наступления режима на свободу слова за истекшие годы.
-
2025-06-30 09:17Нынешний этап политических репрессий, включая аресты, "Голос" предсказал еще на исходе зимы с указанием главных мишеней главаря правящей верхушки. Поводом для арестов стал "план государственного переворота". При детальном ознакомлении на языке подлинника не покидает ощущение, что текст написан впопыхах на коленке, и это сочинение на уровне начальных классов средней школы Пашинян пытается выдать за сенсационное "разоблачение" и "предотвращение" попытки повторить теракт 27 октября 1999 г.