2021-11-11 08:43
Информагентства
Հայկական առաջին ռոբոտ «Ռոբինը» TIME ամսագրի կողմից ճանաչվել է 2021թ․ լավագույն նորարարություն
Արհեստական ինտելեկտի վրա հիմնված հայկական առաջին ռոբոտ «Ռոբինը» հեղինակավոր TIME ամսագրի կողմից ճանաչվել է 2021թ․ լավագույն նորարարություն։
TIME ամսագրի հերթական համարը նվիրված է 2021թ․ 100 լավագույն նորարարություններին, որոնց մեջ իր ուրույն տեղն է գտել հայկական ռոբոտը։ TIME ամսագիրը, խոսելով ռոբոտ «Ռոբին»-ի մասին, նրան անվանել է «հոգատար ընկեր»։
TIME-ը պատմում է հայկական կլինիկաներից մեկի մասին, երբ թոքաբորբով հիվանդ 8-ամյա երեխան երկու օր հրաժարվել է ուտել, ինչից հետո բուժանձնակազմը «Ռոբին»-ին հրավիրեել է աղջկա հիվանդասենյակ։ Մոտ 20 րոպե սիրելի կենդանիների մասին զրույցներից և «Ես լրտես եմ» խաղալուց հետո «Ռոբինը» հրաժեշտ է տվել և խոստացել է վերադառնալ միայն այն դեպքում, եթե պացիենտն ուտի: Իհարկե, նա կերել է: Մեծ աչքերով և կենսուրախ բնավորությամբ «Ռոբինը» արհեստական ինտելեկտով աշխատող ուղեկից է, որը կոչված է թեթևացնել հիվանդանոցներում և կլինիկաներում երեխաների անհանգստությունն ու մենակությունը:
TIME-ը մեջբերում է ռոբոտի հիմնադիր Կարեն Խաչիկյանի այն միտքը, որ թիմի նպատակը ոչ թե մի տեխնոլոգիական սարք, այլ երեխաների համար հուսալի ընկեր ստեղծելն է եղել։ Հոդվածում նշվում է, որ «Ռոբինն» օգտագործվում է աշխարհի 12 բժշկական հաստատություններում և առաջիկա 12 ամիսների ընթացքում կտեղադրվի ամերիկյան 100 հիվանդանոցներում։
«Սա աննախադեպ հաջողություն է ոչ միայն մեր թիմի, այլ ողջ Հայաստանի համար։ TIME ամսագրի TOP-100 նորարարությունների մեջ մտնելն իսկապես մեծ հաղթանակ է մեր երկրի ողջ գիտական ներուժի համար»,- ասում է Կարեն Խաչիկյանը, ով ռոբոտին ստեղծած Expper Technologies հայկական ընկերության համահիմնադիրն է։
«Նպատակն էր ստեղծել տեխնոլոգիա, որը ոչ թե պարզապես սարք լիներ, այլ գործընկեր և ընկեր»,- հպարտությամբ ասում է գործարար Կարեն Խաչիկյանը, տեղեկացնում է News.am-ը:
ПОСЛЕДНИЕ ОТ АВТОРА
-
2025-07-30 20:50Две эти новости следует читать вместе, друг за другом (заголовки: "«Гражданский договор»: Российская агентура хочет предоставить России коридор по территории Армении", "Президент РА рассказал жителям Сюника о важности открытия дороги, соединяющей Азербайджан и Нахиджеван").
-
2025-07-30 19:39Международный Комитет Красного Креста все еще не располагает информацией о том, как решился вопрос с транспортировкой тела Веры Агасян, скончавшейся в оккупированном Азербайджаном Арцахе.
-
2025-07-30 19:37Временный государственный управляющий компании "Электросети Армении" Романос Петросян провел встречу с председателем Комиссии по регулированию общественных услуг Армении Месропом Месропяном. Об этом сообщает официальная страница КРОУ в соцсети.
-
2025-07-30 19:32Анаит Аванесян передала Министерство здравоохранения в «концессионное управление» Арсену Торосяну. Об этом в соцсетях написала глава общественной организации «Право на здоровье» Ануш Погосян.