Последние новости

ՁԳՁԳՎԱԾ ՍԻՐԱԽԱՂ

ՀԱՊԿ-ն ուշադիր հետևում է Հայաստանի և Ադրբեջանի սահմանին տիրող իրավիճակին, սակայն հայկական կողմից պաշտոնական դիմում դեռևս չի ստացվել, «ՌԻԱ Նովոստի»-ին հայտնել են քարտուղարությունից: Կազմակերպությունում նշում են, որ սահմանային հակամարտությունը պետք է լուծվի միայն խաղաղ քաղաքական և դիվանագիտական ճանապարհով։

ԲԱՅՑ ԱՆՀՆԱՐ Է ԼՌԵԼ: Ինչ-որ շատ է հիշեցնում անցած տարվա պատերազմական օրերի իրավիճակը. հայ հասարակության մեջ դժգոհություններ էին հասունանում ՀԱՊԿ-ի նկատմամբ՝ կազմակերպության անգործության առնչությամբ, հայկական իշխանություններն այդուհանդերձ պաշտոնապես չէին դիմում նրան օգնության համար, իսկ ինքը՝ ՀԱՊԿ-ը «ուշադիր հետևում էր» իրադարձությունների զարգացմանը: Արդյունքում ստացվեց այն, ինչ ստացվեց 2020-ի նոյեմբերի 9-ին. հավաքական անվտանգության համակարգը չգործեց, իսկ այդ ռազմաքաղաքական դաշինքի հեղինակությունն ընկավ պլինթուսից էլ ցածր։

Հիմա, ըստ էության, կրկնվում է գրեթե նույնը, բայց սկզբունքայնորեն կարևոր մի տարբերությամբ։ Հոկտեմբերի 20-ին, ռազմական գործողությունների թեժ շրջանում, ՀՀ արտաքին գործերի փոխնախարար Շավարշ Քոչարյանը հայտարարեց, որ ՀԱՊԿ-ից օգնություն խնդրելու համար ագրեսիան պետք է իրականացվի բուն Հայաստանի դեմ: Նա նշեց, որ բնակավայրերի առանձին գնդակոծությունները չի կարելի գնահատել որպես ագրեսիա ՀՀ-ի նկատմամբ։ «Դա դեռ որպես ագրեսիա գնահատելը վաղ է: Եթե եղավ հարձակում ՀՀ-ի վրա՝ այո: Նախ, առաջինը մենք պետք է դիմենք ՄԱԿ-ին և ֆիքսենք, որ մեր դեմ ագրեսիա է իրականացվել, և համաձայն ՄԱԿ-ի կանոնադրության, ինքնապաշտպանվել ենք: Բացի այդ, դիմում ենք նաև ՀԱՊԿ-ին, որի դեպքում արդեն ՄԱԿ-ը պետք է իրազեկվի կոլեկտիվ ինքնապաշտպանության մասին: Հիմա դրա մասին խոսելը դեռևս վաղ է: Մի բան էլ ասեմ: Եթե դու ունես փամփուշտ, որը կարող է կրակել, պետք է այն օգտագործել այն ժամանակ, երբ այն դատարկ չէ», - ընդգծեց Քոչարյանը։

«Ոչ դատարկ» փամփուշտներով Երևանն այն ժամանակ այդպես էլ չկրակեց, և այսօր էլ մտադիր չէ, թեև ՀԱՊԿ-ին դիմելու գլխավոր պայմանն ակնհայտ է. ագրեսիան իրականացվում է ինքնիշխան Հայաստանի Հանրապետության նկատմամբ։ Էլ ե՞րբ է պատեհ այդ դիմումը, եթե ոչ հիմա։

Համանման պատկեր է ստեղծվել նաև իր ռազմաքաղաքական հիմնական դաշնակցի հետ Հայաստանի փոխհարաբերությունների առումով։ Բազմաթիվ դժգոհություններ կան Մոսկվայի կողմից համապատասխան օգնության չցուցաբերման առնչությամբ, բայց պաշտոնական դիմում չկա։ ՌԴ-ում ՀՀ արտակարգ և լիազոր դեսպան Վարդան Տողանյանը հայտարարել է, որ Հայաստանը դեռևս պաշտոնապես օգնություն չի խնդրել Ռուսաստանից՝ կապված հայ-ադրբեջանական սահմանին իրավիճակի ահագնացման հետ:

Կարելի է չկասկածել, որ ո՛չ ՀԱՊԿ-ին, ո՛չ էլ Մոսկվային Երևանը չի դիմի։ Քանի որ հայկական գործող իշխանության գլխավոր խնդիրը և՛ ՀԱՊԿ-ին, և՛ Ռուսաստանին վարկաբեկելն է որպես դաշնակիցներ։ Այո, մեղմ ասած, կասկածներ կան այն առնչությամբ, թե նույն ՀԱՊԿ-ը, նկատի առնելով դրա անդամների կազմը, պատրաստակամությամբ օգնություն կցուցաբերի Հայաստանին։ Բայց դա դեռ չի նշանակում, թե Երևանը չպետք է համապատասխան քայլեր ձեռնարկի՝ փորձելով ստիպել կազմակերպությանը դուրս գալ հարմարավետության գոտուց և հիշել իր պատասխանատվության գոտու մասին։

Ասվածը հավասարապես վերաբերում է նաև Մոսկվային դիմելուն։ Պարզ է, որ ռուսական կողմն ամեն ինչ անում է հակամարտությանը սեփական անմիջական ռազմական մասնակցությունից խուսափելու համար։ Պարզ է, որ նրան փորձում են ներքաշել այդ ձևաչափի մեջ։ Բայց մյուս կողմից՝ ներքաշվել կամ չներքաշվելը հենց Մոսկվայի ընտրության հարցն է, Երևանից պահանջվում է միայն պաշտոնապես օգնություն խնդրել, ինչը չի արվում։

Պետք է խոստովանել, որ այսօր ստեղծված իրավիճակում ռուսական կողմն այնուամենայնիվ կարողացավ հասնել նրան, որ վերացնի ռազմական օգնություն ցուցաբերելու անհրաժեշտությունը դաշնակիցին՝ ի դեմս Հայաստանի։ Մոսկվայի միջնորդական ջանքերի շնորհիվ հայ-ադրբեջանական սահմանին լարվածության ահագնացումը կարծես թե կասեցված է։ Սակայն ակնհայտ է, որ սկզբունքորեն խնդիրը հեռու է լուծումից։ Ամեն րոպե իրավիճակը կարող է կրկին «պայթել»։ Ավելին, Ադրբեջանի կողմից Հայաստանի ինքնիշխան տարածքի բռնազավթման փաստը այսպես թե այնպես պարտավորեցնում է Մոսկվային չմոռանալ իր դաշնակցային պարտավորությունների մասին։ Վաղ թե ուշ Կրեմլը ստիպված է լինելու «ներքաշվել», հնարավոր է նույնիսկ՝ Երևանի կողմից պաշտոնական դիմումի բացակայությամբ հանդերձ։

Մոսկվայի սիրախաղը Բաքվի հետ ակնհայտորեն ձգձգվել է, ինչպեսև նրա սիրախաղը Հայաստանի գործող իշխանության հետ։ Եվ որքան ավելի է այն ձգվում, այնքան ավելի իրատեսական է թվում տարածաշրջանից Ռուսաստանի դուրսմղման հեռանկարը…

    ПОСЛЕДНИЕ ОТ АВТОРА

    • А КТО ПОСТАВИЛ НА ПАНДЕМИЮ?
      2024-03-21 15:30

      Проект партнерства государства и частного сектора по созданию авиакомпании Fly Arna провалился, заявил в среду премьер-министр Армении Никол Пашинян, отвечая на вопросы депутатов, передает АРКА.

    • И НИ СЛОВА О БЛОКАДЕ
      2024-03-11 10:10

      Армения искренне желает скорейшего открытия государственных границ, установления дипломатических отношений и расширения связей между двумя народами и культурами. Об этом заявил в интервью турецкому Anadolu глава МИД Армении Арарат Мирзоян, касаясь перспектив процесса урегулирования армяно-турецких отношений и возможности открытия границы, передает News.am. «В рамках процесса нормализации отношений между Арменией и Турцией были назначены специальные посланники, состоялись встречи и телефонные контакты. Состоялись также телефонные разговоры между президентом Турции Реджепом Тайипом Эрдоганом и премьер-министром Армении Николом Пашиняном. Имеются постоянные контакты, которые обеспечивают положительную динамику», - заявил Мирзоян. Отвечая на вопрос о преимуществах открытых границ между двумя странами, Мирзоян заявил, что они очевидны. «В первую очередь, это очень важно для людей. Развитие отношений, рост экономических отношений принесут пользу прежде всего людям, что осознает большинство граждан Армении», - сказал он.

    • ДИВЕРСИФИКАЦИЯ ПО МЕРЕ ОБРАЗОВАННОСТИ
      2024-03-06 10:01

      Согласно данным статистического комитета РА, в январе текущего года, по сравнению с тем же месяцем 2023-го, объем внешней и взаимной торговли Армении вырос на 78,8%. В принципе, цифра впечатляет. Но есть нюанс. Дело в том, что еще с прошлого года правительство Армении объявило курс на внешнеторговую диверсификацию, что в нашем случае подразумевало сокращение объемов торгового взаимодействия Армении с РФ и поиск новых и разных рынков сбыта армянской продукции.

    • ФАКТОР СПРАВЕДЛИВОСТИ
      2024-03-02 11:18

      Закон о налогообложении трудовых мигрантов был принят давно - порядка 10 лет назад. Об этом, отвечая на вопросы парламентариев в ходе правительственного часа, заявил премьер-министр Армении Никол Пашинян, передает АрмИнфо.






    ПОСЛЕДНЕЕ ПО ТЕМЕ