2021-12-02 20:01
Ашот АРАМЯН
ԱՐՏԱՔԻՆ ՇՐՋԱՓԱԿՈՒՄԸ ՀԱՄԱԼՐՎԵԼ Է ՆԵՐՔԻՆՈՎ
Փաշինյանի կառավարությունը մեզ կթողնի առանց միջպետական մայրուղիների
Տարածաշրջանում տրանսպորտային հաղորդակցությունների ապաշրջափակման հարցերով եռակողմ աշխատանքային խումբը, որը գլխավորում են Ռուսաստանի, Հայաստանի և Ադրբեջանի փոխվարչապետները, ազդակ ստանալով նշյալ երկրների ղեկավարների հանդիպումից հետո, դեկտեմբերի 1-ին կրկին հավաքվել է Մոսկվայում իր հերթական նիստին:
Մինչդեռ Արցախում 44-օրյա պատերազմից հետո Հայաստանը հայտնվել է շատ ավելի խուլ շրջափակման մեջ. Ադրբեջանի և Թուրքիայի հետ արտաքին սահմանները մնում են փակ, իսկ մեր երկրի հարավը կիսակտրված է Հայաստանի մնացյալ մասից, և տրանսպորտային հաղորդակցությունն այդ ուղղությամբ իրականացվում է այլընտրանքային, շատ ավելի վատորակ ու դժվարանցանելի ճանապարհներով: Եվ դեռ հայտնի չէ, թե սահմանագծումից ու սահմանազատումից հետո ինչ վիճակում կհայտնվեն մեր կարևոր, այդ թվում՝ միջպետական մյուս ավտոմայրուղիները։
Օրացուցային ձմռան գալուստի հետ եղանակային պայմանների պատճառով կրկին փակվել է Վերին Լարսը։ Հասկանալի է, որ այդ «կյանքի ճանապարհը» այսուհետ պարբերաբար փակվելու է՝ գոյացնելով բեռնատարների հսկայական հերթեր։ Փաշինյանի կառավարությունը անցած 3,5 տարիների ընթացքում այդպես էլ ոչինչ չարեց այդ կենսական խնդրի լուծման համար։ Փուչ խոսքեր մնացին նաև Փոթի (Վրաստան) և «Կավկազ» (ՌԴ) նավահանգիստների միջև լաստանավային հաղորդակցության վերականգնման մասին հայտարարությունները:
Մի քանի օր անց Սպիտակի սարսափելի երկրաշարժի 33-րդ տարելիցն է, որից հետո Ադրբեջանն, ըստ էության, իսկական ագրեսիա սկսեց Լեռնային Ղարաբաղի և Հայաստանի դեմ՝ փաստացի վերցնելով շրջափակման աքցանի մեջ։ Ավելի ուշ նրան միացավ նաև Թուրքիան։ Ընդ որում խոսքը ոչ միայն պարզապես տրանսպորտային շրջափակման մասին է. թուրք-ադրբեջանական դաշինքը Հայաստանին դուրս մղեց նաև տարածաշրջանային էներգետիկ բոլոր նախագծերից։ Իսկ այսօր իշխանությունների ապաշնորհ քաղաքականության պատճառով մեզ շրջափակում են արդեն երկրի ներսում։
Ուրեմն ի՞նչ նոր հաղորդակցությունների և բաց ճանապարհների մասին կարելի է այսօր խոսել, եթե թշնամական հարևաններն արդեն 33 տարի շարունակ շրջափակման մեջ են պահում Հայաստանը՝ անտեսելով միջազգային իրավունքի բոլոր նորմերը։ Որևէ մեկը հավատո՞ւմ է դրան։ Մանավանդ եթե հաշվի առնենք, որ Արցախը նույնպես արդեն բռնազավթված է։
Փաշինյանի կառավարությունն անկարող եղավ ավարտին հասցնել նույնիսկ նախկին իշխանություններից իր ժառանգած հեռանկարային նախագծերը։ «Հյուսիս-Հարավ» ավտոմայրուղու շինարարության վերջը չի երևում, մինչդեռ այն թույլ կտար միանալ համանուն միջազգային տրանսպորտային միջանցքին։ Այնպիսի տպավորություն է, որ Հայաստանի մասնակցությամբ այս հեռանկարային նախագծով ավելի շատ շահագրգռված են Հնդկաստանն ու Իրանը, քան Հայաստանը։
Ավելին, արդեն որերորդ անգամ հետաձգվում են Մ6 միջպետական մայրուղու շահագործման ժամկետները, որը Ալավերդու միջով կմիացնի Վանաձորը Վրաստանի սահմանին՝ Բագրատաշենում: Իշխանությունների լկտիությունն ու ցինիզմը չափ ու սահման չունի. որպես այդ մայրուղու շինարարության աշխատանքների մեկնարկի ժամկետ պաշտոնական իշխանություններն ու նրանց վերահսկողության տակ գտնվող լրատվամիջոցները նշում են... 2018 թվականը, փորձելով իրենց վերագրել նախագծի հեղինակումը, թեև ճանապարհի շինարարությունն ու վերակառուցումը սկսվել են «հեղափոխական» կառավարության իշխանության գալուց մի քանի տարի առաջ։
Այսօր իշխանավոր դատարկախոսները կերակրում են մեզ հաղորդակցական լուսավոր ապագայով, որն, իբր, ուր որ է կգա։ Եվ իշխանավորներից ոչ մեկը չի տալիս այն պարզ հարցը, թե այդ ինչո՞ւ պիտի թշնամական և հայոց պետականությունը ոչնչացնել մտադրված երկրները Հայաստանի հանդեպ 33 տարվա ագրեսիվ գործողություններից հետո «փոխեն զայրույթը ողորմածության» և բացեն մեր առջև ճանապարհները դեպի արտաքին աշխարհ։ Ինչ-որ մեկը հավատո՞ւմ է, թե նրանք շահագրգռված են Հայաստանի զարգացմամբ...
ПОСЛЕДНИЕ ОТ АВТОРА
-
2025-05-03 10:10Госдолг Армении разными глазами - Минфина РА, Европы и Евразии Министр финансов Армении Ваге Ованнисян на своей пресс-конференции 2-го мая известил общественность о том, что всего за 3 месяца этого года государственный долг страны увеличился более чем на полмиллиарда долларов США (или на 5,8%), достигнув $13 млрд 581 млн. Сообщение было выдано благодушным тоном, призванным уберечь граждан от излишнего беспокойства, ведь главное – это соотношение госдолга к ВВП страны, а оно по сравнению с прошлым годом даже снизилось на 0,1%...
-
2025-05-03 10:07В самом конце апреля Ассоциация армянских ювелиров (Armenian Jewellers Association – AJA) и TUMO Studios заявили в Ереване о новом партнерстве, направленном на взращивание следующего поколения ювелирных дизайнеров и ремесленников в Армении…
-
2025-05-02 10:41ВБ и МВФ не верят даже в ослабленные прогнозы правительства Армении После замедления в прошлом году темпов экономического роста в Армении до 5,9% правительство Пашиняна подстраховалось и в преддверии выборов будущего года заложило в госбюджете на 2025 год еще более низкий показатель – 5,1%. Но как солидные международные организации, так и отдельные эксперты полагают, что и эта цифра выглядит оптимистически…
-
2025-05-01 10:46Глава МВД на полном серьезе утверждает, что правительство «не жалеет усилий» для введения всеобщей системы декларирования доходов В дилетантском правительстве Пашиняна все настолько не согласовано, что не только левая рука не знает, что делает правая, но и не в курсе, чем заняты ее собственные пальцы. При этом чиновники веселятся и издеваются над людьми прямо в ходе заседаний правительства, выглядят самодовольными и вполне счастливыми. Как и на последнем заседании 30-го апреля, где труппой клоунов и шутов руководил сам главный паяц…
ПОСЛЕДНЕЕ ПО ТЕМЕ
-
2021-02-20 09:25Հայաստանի իշխանությունները կա՛մ պատշաճ քննարկումներ չեն վարում, կա՛մ գաղտնի պայմանավորվածություններ ունեն Ադրբեջանի հետ Հայաստանի և Ադրբեջանի միջև երկաթուղային հաղորդակցության վերականգնման մասին որոշումը, որն ընդունվեց այս տարվա հունվարի սկզբին Ադրբեջանի նախագահ Ի.Ալիևի և Հայաստանի վարչապետ Ն.Փաշինյանի հետ Վ.Պուտինի հանդիպման արդյունքում, գործնականում անմիջապես գործողությունների ուղեցույց դարձավ ադրբեջանական կողմի համար:
-
2019-09-04 19:37Թուրքիան լուրջ սպառնալիք է ներկայացնում Հայաստանի համար, ասաց ԱԳՆ կենտրոնական աշխատակազմի, դիվանագետների և հյուպատոսությունների աշխատակիցների ամենամյա համաժողովի շրջանակներում Հայաստանի արտգործնախարար Զոհրաբ ՄՆԱՑԱԿԱՆՅԱՆԸ, հաղորդում է ԱՌԿԱ-ն։ «Թուրքիայի կողմից Հայաստանի հետ հարաբերությունների հաստատման մերժումը, Հայաստանի տնտեսական շրջափակումը, Հայոց ցեղասպանության շարունակական ժխտումը, իսկ վերջին շրջանում արդեն ցեղասպան գործողությունների արդարացումը, Ադրբեջանին Ղարաբաղյան հակամարտության շրջանակում անվերապահ և բացահայտ աջակցությունը ստեղծում են Հայաստանի համար անվտանգության լուրջ սպառնալիք»,- ասաց Մնացականյանը։ Նրա խոսքերով, դա առաջացնում է շարունակական դիմակայություն, ինչը պայմանավորում է Հայաստանի քաղաքականությունը տարածաշրջանային անվտանգության ապահովման ուղղությամբ, այդ թվում՝ երկրի արտաքին քաղաքական առաջնահերթությունների համատեքստում։