Թուրքական լիրան շարունակում է հակառեկորդներ գրանցել
Ուրբաթ թուրքական լիրան դոլարի նկատմամբ նոր պատմական նվազագույնի է հասել այն բանից հետո, երբ Կենտրոնական բանկը կրկին նվազեցրել է հիմնական տոկոսադրույքը` չնայած սպառողական գների աճին, հայտնում է AP-ն։
Լիրայի անկումը դրդել է Կենտրոնական բանկին միջամտել՝ ավելի շատ արտարժույթ վաճառելով: Սա բանկի հինգերորդ միջամտությունն է վերջին շաբաթների ընթացքում՝ լիրային աջակցելու համար:
Կենտրոնական բանկի միջամտությունից առաջ լիրան դոլարի նկատմամբ պատմական նվազագույնի էր հասել՝ 17.14-ի, իսկ արժույթն ուրբաթ վերականգնել է իր կորուստների մի մասը: Այնուամենյանիվ, հինգշաբթի փակման համեմատ այն մոտ 5 տոկոսով ավելի թույլ էր ամերիկյան արժույթի նկատմամբ։
Տարեսկզբից թուրքական արժույթը դոլարի նկատմամբ կորցրել է իր արժեքի 55 տոկոսը։
Հինգշաբթի Կենտրոնական բանկը հայտարարեց, որ կնվազեցնի իր հիմնական տոկոսադրույքը 15 տոկոսից մինչև 14 տոկոս` չնայած ապշեցուցիչ 21 տոկոս գնաճին։ Բանկը սեպտեմբերից իջեցրել է տոկոսադրույքները 5 տոկոսային կետով, թեև այլ ազգային բանկերի մեծ մասը բարձրացրել է տոկոսադրույքները՝ բարձր գնաճը զսպելու համար:
Նախագահ Ռեջեփ Էրդողանը պնդում է, որ բարձր տոկոսադրույքները գնաճ են առաջացնում։
Մինչդեռ լիրայի թուլացումը գների բարձրացման, ներմուծման, վառելիքի և սպառողական ապրանքների թանկացման է հանգեցնում։ Ավելի քան 83 միլիոնանոց երկրում շատ մարդիկ ձգում են իրենց գոտիները՝ սնունդ գնելու և մյուս հիմնական կարիքները բավարարելու համար, տեղեկացնում է News.am-ը:
ПОСЛЕДНИЕ ОТ АВТОРА
-
2024-05-13 05:33
Тюрколог Варужан Гегамян пишет:
-
2024-05-13 05:25
Секретарь фракции "Честь имею" Тигран Абрамян получил доступ и изучил топографические материалы 1980-х годов, связанные с делимитацией границы Армении с Азербайджаном. Об этом он сообщил в соцсетях.
-
2024-05-12 18:49
На площади Республики Еревана стартует всенациональный митинг, созванный предстоятелем Тавушской епархии Армянской апостольской церкви, архиепископом Багратом Галстаняном.
-
2024-05-12 17:07
С территории у Матенадарана стартовало молодежное шествие к площади Республики в Ереване, где в 18:30 начнется общенациональный митинг во имя Родины.