2022-03-16 13:36
Информагентства
Լավրով․ Դարակազմիկ իրադարձություն, «կռիվ» է գնում աշխարհակարգի համար
Ուկրաինայում ստեղծված իրավիճակը դարակազմիկ է, դրա հանգուցալուծումից մեծամասամբ կախված է այն, թե ինչպիսին կլինի աշխարհակարգը, РБК–ին տված հարցազրույցում հայտարարել է ՌԴ արտգործնախարար Սերգեյ Լավրովը։ Նրա խոսքերն է մեջբերում ՌԻԱ Նովոստին։
«Սա ճակատագրական պահ է, ժամանակակից պատմության դարակազմիկ պահ, քանի որ այն արտացոլում է բառի լայն իմաստով «ճակատամարտ» հանուն նրա, թե ինչպիսին կլինի աշխարհակարգը», – ասել է նա։
Պատասխանելով այն հարցին, թե ինչու Ուկրաինայի շուրջ ստեղծված իրավիճակը հնարավոր չէր լուծել խաղաղ ճանապարհով, արտգործնախարարը նշել է, որ Արևմուտքն այն չէր ցանկանում խաղաղությամբ լուծել։
Անդրադառնալով Ուկրաինայի հետ բանակցությունների ներկայիս փուլին` Լավրովը, հիմնվելով ռուսական կողմից բանակցողների գնահատականների վրա, ասել է, որ բանակցությունները հեշտ չեն ընթանում, սակայն փոխզիջման հասնելու հույս կա։
Միաժամանակ ՌԴ արտգործնախարարը նշել է, որ Ռուսաստանի և Ուկրաինայի բանակցողներին պետք է թույլ տալ հանգիստ քննարկել հարցերը՝ առանց իրավիճակի անտեղի լարման։
«Ես բանակցողներին ավելի հանգիստ իրավիճակում աշխատելու հնարավորություն կտայի, առանց հերթական հիստերիայի հրահրման», – ընդգծել է նա։
Նրա խոսքով` արդեն իսկ կոնկրետ ձևակերպումներ են արվել, որոնք կարող են համաձայնեցվել Ուկրաինայի հետ։
Նախարարը պարզաբանել է, որ ներկա պահին քննարկվում է Ուկրաինայի չեզոք կարգավիճակը` անվտանգության երաշխիքների մասին ՌԴ պահանջներով զուգակցված։
Ուկրաինական պատվիրակության անդամ Դավիթ Արախամիան երեկ հայտնել էր, որ ռուսական կողմի հետ բանակցությունները շարունակվելու են։ Ավելի ուշ Զելենսկու գրասենյակի ղեկավարի խորհրդական, ուկրաինական պատվիրակության անդամ Միխայիլ Պոդոլյակը հայտարարեց, որ բանակցությունները կշարունակվեն չորեքշաբթի` մարտի 16–ին, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.