Gallup International․ Ինչպե՞ս են Հայաստանում վերաբերվում իրադարձություններին Ուկրաինայում

Հարցվածների 24.2 տոկոսը միանշանակ կարծում է, որ Հայաստանը պետք է ճանաչի ԼԺՀ-ի և ԴԺՀ-ի անկախությունը, ավելի շուտ պետք է ճանաչի՝ 20.1 տոկոսը, ավելի շուտ չպետք է ճանաչի՝ 9.6 տոկոսը և 18.6 տոկոսը՝ միանշանակ չպետք է:

Հարցին դժվարացել է պատասխանել 27 տոկոսը։ Այս մասին ապրիլի 8-ին լրագրողների հետ հանդիպման ժամանակ, ներկայացնելով հարցման տվյալները, հայտարարեց Gallup International Association-ի հայաստանյան ներկայացուցչության ղեկավար Արամ Նավասարդյանը։

ՌԴ-ի կողմից ԴԺՀ-ի և ԼԺՀ-ի անկախության ճանաչումը լիովին դրական է գնահատում հարցվածների 34.1 տոկոսը, ավելի շուտ դրական՝ 31.2 տոկոսը, ավելի շուտ բացասական՝ 4.8 տոկոսը, լիովին բացասական՝ 7.7 տոկոսը։

Հարցվածների 27 տոկոսը Ռուսաստանի գործողություններն Ուկրաինայում լիովին արդարացված է համարում, ավելի շուտ հիմնավորված՝ 18.8 տոկոսը, ավելի շուտ չարդարացված՝ 14.9 տոկոսը, բացարձակապես չարդարացված՝ 24.7 տոկոսը։

14.7 տոկոսը դժվարացել է պատասխանել հարցին: Հարցվածների 72.8 տոկոսը բացասաբար է վերաբերվում Ռուսաստանի դեմ պատժամիջոցներին։

Հարցվածների ավելի քան 47 տոկոսը լիովին դրական է գնահատում ՌԴ քաղաքացիների ժամանումը Հայաստան, ավելի շուտ դրական՝ 38.8 տոկոս, ավելի շատ բացասական՝ 5.2 տոկոսը, լիովին բացասական՝ 6.6 տոկոս։

Հարցումն անցկացվել է 2022 թվականի ապրիլին 1002 հարցվածների շրջանում, տեղեկացնում է News.am-ը։