Սեյրան Օհանյանն ասել է, թե ինչու ԱԺ ընդդիմադիրները չեն մասնակցել ՀԱՊԿ ԽՎ խորհրդի նիստին
Հունիսի 2-ին ՀՀ ԱԺ «Հայաստան» և «Պատիվ ունեմ» խմբակցությունները պաշտոնական գրությամբ դիմել են ՌԴ ԴԺ Պետական դումայի նախագահ Վյաչեսլավ Վոլոդինին՝ համառոտ պարզաբանելով, թե ինչու խորհրդարանական ընդդիմության երկու ուժերը ներկա չեն գտնվելու ՀԱՊԿ խորհրդարանական վեհաժողովի խորհրդի նիստին:
ՀՀ ԱԺ «Հայաստան» խմբակցության ղեկավար Սեյրան Օհանյանը ֆեյսբուքյան իր էջում բացատրել է ընդդիմության բացակայությունը` նշելով, որ կարևորում են մեր բազմակողմ հարաբերությունները Հավաքական անվտանգության պայմանագրի կազմակերպության և հատկապես Ռուսաստանի Դաշնության հետ։
«Նախ՝ ֆորմատը թույլ չէր տալիս ընդդիմության ներկայացուցիչներին ելույթ ունենալ, իսկ իշխող քաղաքական ուժը չի ներկայացնում Հայաստանի Հանրապետության, հայ ժողովրդի շահերն ու դիրքորոշումը: Այս պայմաններում, ինչպես նաև հայաստանյան ներքաղաքական զարգացումներին զուգահեռ՝ մեր մասնակցությունն այդ նիստին նպատակային չենք համարել»,- գրել է Օհանյանը:
Նա նշել է, որ կարևորելով երկխոսությունը ՀԱՊԿ անդամ երկրների գործընկերների հետ, հնարավորության դեպքում հանդիպելու ակնկալիք ունեն: Այս պահին որևէ պատասխան կամ մերժում չեն ստացել:
«Սակայն տարօրինակն այն է, որ այսօր, փորձելով ստվեր նետել մեր գործողություններին, իշխող ուժի սատելիտներն են խոսում ՀԱՊԿ մասին՝ այն դեպքում, երբ հենց իրենք են վարկաբեկել այդ կառույցը՝ նրա ղեկավարին անհիմն մեղադրանք ներկայացնելով և ներքաշելով դատական գործընթացների մեջ»,- հիշեցրել է Սեյրան Օհանյանը:
Sputnik Արմենիա
ПОСЛЕДНИЕ ОТ АВТОРА
-
2024-05-04 10:41
Конгрессмену США Энрике Роберто (Генри) Куэльяру и его супруге Имельде предъявили обвинение в получении взяток от нефтегазовой компании Азербайджана и одного из мексиканских банков, сообщает министерство юстиции США.
-
2024-05-04 10:39
Жители Шурнуха, чьи дома были переданы под контроль Азербайджана, пока не получили новое жилье, но власти перестали выплачивать им ежемесячную помощь. Об этом Sputnik Армения сообщили сами шурнухцы.
-
2024-05-04 10:37
Чрезвычайный инцидент произошел накануне ночью в Ереване, передает Новости-Армения.
-
2024-05-04 09:38
Согласно данным соцопроса, для 84,2% населения Армении, память о Геноциде армян - это трагедия, память о которой следует закрепить в Конституции РА. Как передает Verelq.am, об этом в своем Телеграм-канале пишет политолог Бениамин Матевосян: